'Olic 108 - 阿美語聖經-新約附詩篇箴言

O Pitolon a Milongoc to Pipadama

O ccay a radiw, o 'olic ni Tafiti.

¹ Kawasaw, tanektekto ko faloco' ako, caayto ka ngyangi. O raromadiw kako a pahmek i Tisowanan. Faloco'aw ako, kapalalto!

² Datokaw, kapalalto! Halocidal a palalen ako!

³ Tapangaw, i ka'ayaw no kasakitakit kako a mikansiya i Tisowanan, i ka'ayaw no kasafinawlan kako a pahmek i Tisowanan.

⁴ Mita'lifto to kakarayan ko mida'ocay a olah Iso. Mitkohto i to'em ko nika so'lin Iso.

⁵ Kawasaw, nanay mita'lif to kakarayan ko nika tadamaan Iso. Nanay maldef i polong no hkal ko 'dil Iso.

⁶ Nanay paca'ofen Iso kami, ka o 'icel Iso ko sapipa'orip i tamiyanan, ta mapa'orip ko kaolahan Iso a finawlan.

⁷ Nai itira i Fangcalay Kaitiraan no Kawas a pasowal Cingra, <

⁸ O Kiliyat i, o no Mako, o Manasi i, o no Makoto, o Ifraim i, o sa'ading a kafong Ako, o Yuta i, o sakowan a cokor Ako.

⁹ O Moap i, o kamonanawan Ako to wa'ay a talay, o mamitkol kako to cokap a pasayra i Itom. Pasayra Kako i Filistin a tamdaw a romadiw to sapakalowid a radiw,>> saan.

¹⁰ Cima ko mama^deng a mikrid i takowanan a pacomod i tanektekay a niyaro' saw? Cima ko mama^deng a mikrid i takowanan a patayra i Itom saw?

¹¹ Kawasaw, so'lin a falahen Iso kami haw? Caayto pikapot Kiso to sofitay niyam a milood haw?

¹² Nanay padamaenho Iso kami a mico'ay to 'ada, nawhani awaay ko ^poc to pipadama no tamdaw.

¹³ Ano mikapot ko Kawas i titaanan i, caay ka ^ca pakalowid kita, nawhani Cingra ko pakalowiday to 'ada ita.