'Olic 107 - 阿美語聖經-新約附詩篇箴言

SAKA LIMA A MALOLODAY CUDAD ( 'Olic 107--150 ) O Pipahmek to Nika Nga'ay no Kawas

¹ <> saan.

² Kamo o nipa'oripan no Tapang a tamdaw, pisaliyaliyaw a mipahmek tonini i Cingraan, o nipa'oripan Ningra kamo a paliyas nai 'ada.

³ O nisa'opoan Ningra kamo nai kawali, ka^tip, katimol, ka'amis a mikrid a panokay nai kasakitakit.

⁴ O roma a tamdaw i, moraraw i kohkohan, awaay a makilim nangra ko lalan to sakatayra i malokamaro'an nangra a niyaro'.

⁵ Macahiw maso'aw cangra, awaayto ko pafaloco'an nangra.

⁶ I nika pades nangra i, mingitangit cangra to Tapang, saka, pa'oripen Ningra cangra a paliyas nai kapadesan nangra.

⁷ Kriden Ningra cangra i pafsocay a lalan a tayra i malokamaro'an nangra a niyaro'.

⁸ O kakansiyaen nangra ko olah no Tapang, o hahmeken nangra ko kafahka'an a nidmakan Ningra.

⁹ Adahen Ningra ko so'aw no maso'away a tamdaw, pafcolen Ningra to nga'ayay a kakaenen ko macahiway a tamdaw.

¹⁰ O roma a tamdaw i, itira i to'manay ato i lidong no patay ko 'orip, mapasemsem a mapalit no lonayi' cangra.

¹¹ Nawhani pacoli cangra to limo'ot no Kawas, mana'ay cangra to sifana' no Isatakaraway a Kawas.

¹² Orasaka, pakarorayen no Kawas cangra a pakatayal a mikdec to faloco' nangra, polinen Ningra cangra, awaay ko padamaay.

¹³ I nika pades nangra i, mingitangit cangra to Tapang, saka, pa'oripen Ningra cangra a paliyas nai kapadesan nangra.

¹⁴ Kriden Ningra cangra a pasadak nai to'manay ato nai lidong no patay a 'orip nangra, Pelpelen Ningra a milafot ko sapalit a lonayi' i cangraan.

¹⁵ O kakansiyaen nangra ko olah no Tapang, o hahmeken nangra ko kafahka'an a nidmakan Ningra.

¹⁶ Tastasen no Tapang ko fodawan a sa'def, pelpelen Ningra ko marad a cacafi'an no fawahan.

¹⁷ O roma a tamdaw i, o nano raraw no tireng ko sakaadada ningra, o nika tatiihan no dmak ningra ko sakapisemsem ningra.

¹⁸ Awaayto ko sakakomaenaw nangra, sakapatayanto cangra.

¹⁹ I nika pades nangra i, mingitangit cangra to Tapang, saka, pa'oripen Ningra cangra a paliyas nai kapadesan nangra.

²⁰ Pakaynien no Tapang i sowal Ningra ko sapiadah i cangraan, pa'oripen Ningra cangra a paliyas nai patay.

²¹ O kakansiyaen nangra ko olah no Tapang, o hahmeken nangra ko kafahka'an a nidmakan Ningra.

²² O kakansiyaen nangra ko Tapang a pacakat to sapato'aya, o lalipahak cangra a pa'olic a pasowal to pakayniay i nidmakan no Tapang.

²³ O roma a tamdaw i, o i riyaray ko tayal, o i lonanay ko 'orip.

²⁴ Manengneng nangra ko nidmakan no Tapang, manengneng haca nangra ko kafahka'an a dmak Ningra i riyar.

²⁵ Palimo'ot han no Tapang ko fali i, mafaliyos, malodis ko riyar.

²⁶ Saca'owa'owaw sa ko lonan nangra, mateneng haca i papara'an no riyar, sacalemcem sa cangra a matoled a awa ko cdi.

²⁷ Sawarawara sa cangra a matiya o malasangay, rawraw sa cangra a awaayto ko pinang no fenek nangra.

²⁸ I nika pades nangra i, mingitangit cangra to Tapang, saka, pa'oripen Ningra cangra a paliyas nai kapadesan nangra.

²⁹ Patrep han Ningra ko faliyos i, sarimadac sato ko riyar.

³⁰ Tomrepto ko fali ato taplik saka, salipahak sa cangra, kriden no Tapang cangra a patayra i karihadayan nangra a minato.

³¹ O kakansiyaen nangra ko olah no Tapang, o hahmeken nangra ko kafahka'an a nidmakan Ningra.

³² O papasowalen nangra i kapolongan a sa'opo no finawlan ko pakayniay i tadamaanay a dmak no Tapang, o papahmeken nangra Cingra i pilaocan no kalas no niyaro'.

³³ Palahadhaden no Tapang ko tarawadaw a 'alo, po^ten Ningra ko kasadakan no nemnem.

³⁴ Palafohoken Ningra ko mamatangay a sra a palakahciday a sra, nawhani o tatiihay a tamdaw ko maro'ay itira.

³⁵ Palafanawen Ningra ko tafotafokan, papowaren Ningra ko nemnem i makdalay a sra.

³⁶ Paaro'en Ningra itira ko macahiway a tamdaw, mipatireng cangra itira to kamaro'an nangra a niyaro'.

³⁷ Mifolsak cangra to sapaloma i omah, mipaloma cangra to fadisoso', saka, kadofah ko kinaira nangra.

³⁸ Palmeden no Tapang ko finawlan Ningra a palnak ko tlotloc nangra, palnaken Ningra ko pina'orip nangra a matongal a matongal.

³⁹ Nanoya, mapakangodo, masti', masamsam, mapades ko finawlan no Kawas.

⁴⁰ Tfocen no Kawas koya misamsamay i cangraan, pamorarawen Ningra ko rakat nangra i awaay ko lalan a kohkohan.

⁴¹ Nikawrira, pa'oripen Ningra ko pakosiya a tamdaw a paliyas nai kapadesan nangra, matiya o nika lnak no masaflaway a siri ko nika 'alomanto no paro no loma' nangra.

⁴² Minengneng tonini ko mo^celay a tamdaw i, salipahak sa cangra, nikawrira, trep sato ko tatiihay a tamdaw, caayto ka caciyaw cangra.

⁴³ Nanay mafana' a mihapinang ko citanengay a tamdaw tonini a dmak, nanay miharateng cangra to caay ka falic a olah no Tapang.