'Olic 102 - 阿美語聖經-新約附詩篇箴言

O Pitolon i Kapadesan

O pipo'rac to ksem a tolon, yo masinawar ko mapadesay ato masomaday ko faloco' a tamdaw i ka'ayaw no Tapang .

¹ Tapangaw, nanay tngilenho Iso ko pitolon ako, nanay tngilenho Iso ko pitahidang ako a milongoc to pipadama Iso.

² Ano mapades kako i, nanay caay piliyas Kiso a misatalifokil i takowanan. Nanay tngilenho Iso ko pilongoc ako, ano mitahidang kako a milongoc i, tangsolen a paca'of kako.

³ Matiya o 'acfel a malahdaw ko romi'ad ako, matiya o malikatay i parod a kasoy ko tireng ako a malanto.

⁴ Matiya o ma'icangay a talod ko faloco' ako a malotlot, o sakakomaenawto ako i, awaayto.

⁵ Tano laling sato kako a micodaah, tano 'oka'okak sato ato fanges ko tireng ako.

⁶ Matiyato o 'ayam no kohkohan kako, matiyato o ^kong no nalacolan kako.

⁷ Caay ka ala ko fafoti'en ako, matiyato o ccayay a mato'olay a 'alic i fadahong no loma' kako.

⁸ Saromi'ad sa ko 'ada ako a misamsam i takowanan, mitoro' to ngangan ako a mi'kak ko milokesay i takowanan.

^9-10 O nano kter ato firang Iso i takowanan saka, kalakakaenen hanto ako ko 'afo a matiya o hmay, kalanananomen hanto ako ko losa' ako. Pacakaten Iso kako, fahkolen Iso a mitfad kako.

¹¹ Matiya o piclem no cidal a lidong ko romi'ad ako, matiya o ma'icangay a talod kako.

¹² Nikawrira, Tapangaw, tahada'oc ko pikowan Iso, o mamaharateng no kasarayray no hkal Kiso.

¹³ Kalomowad Kiso, kaadayayen ko Cion, nawhani maraodayto ko kaadayayan Iso ciniraan, matatodongayto ko romi'ad i matini.

¹⁴ Talacowa o maplengayto ko Cion, nikawrira, maolahayho ko matayalay Iso to Cion, talacowa o nalacolanto konini nikawrira, limlaho cangra.

¹⁵ O mamita'ong to Tapang ko polong no kasakitakit, o mamatalaw to 'icel Ningra ko polong no hongtingti no hkal.

¹⁶ Ano miliyaw ko Tapang a patireng to Cion i, o papahapinang Cingra to nika tadamaan Ningra.

¹⁷ O mamitngil Cingra to pilongoc no pakosiya ko 'orip a tamdaw, caay ko mami^pec Cingra to pitolon nangra.

¹⁸ O tatiliden ko pakayniay i nidmakan no Tapang to malosakafana' no tlotloc, ta mafana' a pahmek to Tapang koya caayho ka hofoc a tamdaw.

¹⁹ Nai satakaraway i Fangcalay Kaitiraan a mikcor ko Tapang, nai kakarayan Cingra a minengneng to tamdamdaw.

²⁰ Mitngil Cingra to pilaling no marofoay, tdalen Ningra ko mapastekay i patay a ciraraway a tamdaw.

²¹ Ta mipalosiyang ko tamdaw i Cion to ngangan no Tapang, mipahmek cangra to Tapang i Yirusalim.

²² Itiya i, o mamasa'opo ko kasakitakit a malaccay, o mamalaccay ko kasafinacadan a mita'ong to Tapang.

²³ Yo tala'ayawho ko romi'ad ako i, satadancaen no Tapang ko tireng ako, sakamoko'en Ningra ko 'orip ako.

²⁴ Kawasaw ako, aka lipto'en ko 'orip ako. Tapangaw, awaay ko tolas no 'orip Iso.

²⁵ O nisanga'an Iso nai i ti:yaho ko hkal, o nisanga'an no kamay Iso ko kakarayan.

²⁶ O mamalahdaw konini a ma^min, nikawrira, o mida'ocay Kiso, o mamatiya o riko' a ma'omac konini. Falicen Iso ko kakarayan ato hkal a matiya o pifalic to riko', o mamalahdaw ko kakarayan ato hkal a ma^min.

²⁷ Nikawrira, awaay ko kafalican Iso, caay ka citolas ko mihcaan Iso.

²⁸ O rarihaked a rihaday ko wawawawa niyam, tona madipot Iso saka, o mamalnak ko tlotloc nangra.