'Olic 101 - 阿美語聖經-新約附詩篇箴言

O Niktonan no Hongti a Sowal

O 'olic ni Tafiti.

¹ Tapangaw, mipahmek kako a romadiw to sini'ada ato mo^cel Iso, Tapangaw, mipahmek kako a romadiw i Tisowanan.

² Minanam kako a romakat to so'linay masongila'ay a lalan, ano hacowa a tayni Kiso i takowanan saw? Mangalay kako a o makoracay ko faloco' a ma'orip i loma' ako,

³ caay pihayda kako to tatiihay a dmak. Ma'osi kako to dmak no miliyasay to Kawas a tamdaw, caay pihayda kako to picngel nangra i takowanan.

⁴ Miliyas ko faloco' ako to ma'akongay a lalan, caay ko mamacngel no tatiihay a dmak kako.

⁵ O papalasawaden ako ko pakalimekay a milikaf to widang ningra a tamdaw, caay ko mamihayda kako to misatakaraway a malita'ang a tamdaw.

⁶ Maolah kako to so'linay ko faloco' a tamdaw a mitoor to Kawas, saka, pakamaro'en ako cangra i loma' ako, pakatayalen ako i takowanan ko so'linay masongila'ay a tamdaw.

⁷ O misafana'ay a tamdaw i, caay ko mamaro' i loma' ako, caay ko tatomireng i ka'ayaw ako ko misamangahay a tamdaw.

⁸ O papalasawaden ako to dafadafak ko tatiihay a tamdaw i laloma' no kitakit ako, o lalaplapen ako a pasadak nai niyaro' no Tapang ko tatiihay a tamdaw.