'Olic 100 - 阿美語聖經-新約附詩篇箴言

O Sapahmek a Radiw

O sapikansiya a 'olic.

¹ Kamo o tahaf no kakarayan, pilkal a pahmek to Tapang!

² Kalipahak a mita'ong to Tapang! Katayra i ka'ayaw Ningra a lipahak a romadiw!

³ Kafana' to nika o Kawas ko Tapang. O nisanga'an Ningra kita saka, o no Mira kita, o finawlan Ningra kita, o nipakaenan Ningra a masaflaway a siri kita.

⁴ Ka o mikansiyaay ko faloco' namo a micomod i Fangcalay Pita'ongan Ningra. Ka o pahmekay ko faloco' a micomod to Fangcalay Kaitiraan Ningra. Kansiyaen Cingra, pahmeken ko ngangan Ningra.

⁵ Nawhani o nga'ayay ko Tapang, o mida'ocay ko sini'ada Ningra, o mida'ocay a tangasa i kasarayray ko nika so'lin Ningra.