'Olic 10 - 阿美語聖經-新約附詩篇箴言

O Pitolon a Milongoc to Pipadama

¹ Tapangaw, nawiro miraay Kiso a miliyas i tamiyanan saw? Yo mapades kami i, nawiro caay pikihar Kiso i tamiyanan saw?

² Misatakaraw a malata'ang ko tatiihay a tamdaw a misamsam to pakosiya a tamdaw, nanay matfad cangra i satilo nangra.

³ Pasneng ko tatiihay a tamdaw to tatiihay a 'anof ningra, mi^pec a pacoli to Tapang ko ma'anofay a tamdaw.

⁴ Misatakaraw ko faloco' no tatiihay a tamdaw, caay pilongoc to Tapang, awaay i faloco' ningra ko Kawas.

⁵ Malahciay a ma^min ko nidmakan no tatiihay a tamdaw. Nikawrira, caay ka fana' cingra to nika o aira ko pisawkit no Kawas, katawaen ningra ko polong no 'ada ningra.

⁶ <> saan ko harateng ningra.

⁷ Sahto o mi'kakay ato misa'fitay ato patalaway ko sowal ningra, o sowal ningra i, sahto o cisawarakay, o tatiihay a ma^min.

⁸ Milimek cingra i niyaro' a misa'imer, mitala cingra to sapipatayaw to awaay ko raraw a tamdaw. Minengneng cingra to awaay ko palawinaan, awaay ko piti'eran a tamdaw,

⁹ Matiya o pisa'imer no layon i smosmotan a mitala ko pitala ningra a mirpet to pakosiya a tamdaw, tiloen ningra a mirpet koya tamdaw.

¹⁰ Matolo' koya pakosiya awaay ko palawinaan a tamdaw, ta kari'angen noya tatiihay a tamdaw a mipolin cangra.

¹¹ Sowal sa to tireng ningra koya tatiihay a tamdaw, <> saan.

¹² Tapangaw, nanay tayni Kiso a mipa'orip i takowanan, Kawasaw, nanay pakamay Kiso, aka tawalen ko masamsamay a tamdaw.

¹³ Maanen no tatiihay a tamdaw ko pi^pec to Kawas a somowal i faloco' to nika, <> a saan saw?

¹⁴ Nikawrira, matapalto Iso konini a ma^min, miharatengay Kiso to mapadesay ato mararomay a tamdaw, mararid Kiso a sapipadamaan. Mitadi'ec i Tisowanan ko pakosiya ato awaay ko palawinaan a tamdaw, nawhani pasayra Kiso a mipadama to awaay ko palawinaan a pakoyoc a wawa a tamdaw.

¹⁵ Nanay pelpelen Iso ko 'icel no tatiihay a tamdaw, nanay kadkaden Iso ko raraw nangra a ma^min a mitfoc.

¹⁶ Tahada'oc ko pikowan no Tapang a malahongti, o mamatkop ko roma a finacadan nai sra Ningra.

¹⁷ Tapangaw, nanay tngilen Iso ko pitolon no pakosiya a tamdaw, paflien cangra to sakacicdi no faloco' nangra.

¹⁸ Nanay patadoen Iso ko masamsamay a tamdaw ato pakoyoc a wawa a pa'ading, ta caayto pipatalaw to tao koya mamapohed a tamdaw.