'Olic 1 - 阿美語聖經-新約附詩篇箴言

SAKA CCAY A LOLOD ( 'Olic 1--41 ) O So'linay a Malmeday a Tamdaw

¹ O so'linay a malmeday a tamdaw i, o caay pitoor to harateng no tatiihay a tamdaw, o caay pihaklong to rakat no ciraraway a tamdaw, o caay pikapot to milokesay to Kawas a tamdaw.

² Nawhani maolah cingra to Rikec no Tapang, a miasip tonini a Rikec to romi'ad to dadaya.

³ Matiya cingra o nipalinahan a mipalomaan i tatihi no 'alo a losay a kilang, maraod ko kacihcian i, cihci. Caay ka rasras ko papah. Ano o maan ko nidmakan ningra i, malahci a ma^min.

⁴ O tatiihay a tamdaw i, caay ka matira, matiya o maferferay no fali a afih cangra.

⁵ Mapastek no Kawas i raraw ko tatiihay a tamdaw, o mamawanik ko ciraraway a tamdaw nai kasakapot no mo^celay a tamdaw.

⁶ Madipot no Tapang ko rakat no mo^celay a tamdaw, nikawrira, pasayra i katkopan ko rakat no tatiihay a tamdaw.