Maroko 5 - 阿美語聖經-新約附詩篇箴言

O Piadah ni Yis to Maaro'ay no Kaackan a 'Adingo

¹ Ta tahira sato ca Yis i ti:raw a lawac no Kalili a fanaw i Kirasa a pala.

² Yo ma^pod ci Yis nai tamina i, ira a militmoh ci Yisan ko ccay a nai tademay a maaro'ay no kaackan a 'adingo.

³ Kalaloma' han noya tamdaw ko dihif a tadem. Awaay ko pakapalitay i cingraan. Caay ka filo a paliten to lonayi',

⁴ nawhani nano nipalitan cingra to kinapinapi:na a mipakadang ko kamay ato wa'ay. Nikawrira, lafolafot han ningra ko lonayi'. Pelpelen ningra ko kadang no wa'ay ningra. Saka, awaay ko pakafo'otay i cingraan.

⁵ Rarid saan cingra to romi'ad to dadaya a milkal i tadem ano ^ca i, i lotok. Ri'angen ningra a midoka' ko tireng ningra to fokloh.

⁶ Yo ma'araw noya tamdaw ci Yis i ra:ay i, cikay saan a miraod i ci Yisan. Pitosor sa cingra a mita'ong i ka'ayaw ni Yis.

⁷ Cli' sa cingra a somowal, <> saan.

⁸ (O sakasaan nira i, o nano nisowalanto ni Yis ciira to, <> sanay.)

⁹ Saka, licayen ni Yis ciira, <> han Ningra. <> saan ciira a paca'of.

¹⁰ Misaliyaliyaw a mingitangit ciira i ci Yisan to saka aka fahfahen cangra a paliyas nanitini tona pala.

¹¹ Ira i ngata noya taporo ko 'alomanay a masaflaway a komaenay a fafoy.

¹² Ngitangiten noya kaackan a 'adingo ci Yis a somowal, <> han nanira.

¹³ Hayda hanto ni Yis koya kaackan a 'adingo. Saka, sadak sato koya kaackan a 'adingo a miliyas toya tamdaw a micomod toya fafoy. Ta cikay sato koya masaflaway a fafoy a maloklon i tono' a mihitfo i fanaw a ma'alol a mapatayto. Ma^deng tosa a patek (2,000) koya fafoy.

¹⁴ Laliw sato koya pakaenay to fafoy a tamdamdaw, tayra cangra a paratoh to i niyaro'ay ato i omahay. Saka, tayra sato ko 'alomanay a minengneng to nika o maan ko iraay a dmak.

¹⁵ Yo tahira cangra i ci Yisan i, ma'araw nangra koya namaaro'ay no 'alomanay a palafoay. Ciriko'to cingra a masatamdaw a maro'. Saka, matalaw cangra.

¹⁶ Oya napaka'araway a tamdaw tonini a dmak i, pasowal i tamdamdaw to pakayniay toya namaaro'ay no kalaha'ay ato pakayniay toya masaflaway a fafoy a dmak.

¹⁷ Orasaka, ngitangiten nangra ci Yis a papiliyas to pala nangra.

¹⁸ Yo midakaw ci Yis to tamina i, <> saan a mingitangit i ci Yisan koya namaaro'ay no palafoay a tamdaw.

¹⁹ Nikawrira, caay haydaen ni Yis, sowal sa i cingraan, <> han Ningra.

²⁰ Saka, tayra sato cingra i Tikapolis a pala a palosiyang itira to nano dmak ni Yis i cingraan. Safahka' sa a ma^min ko tamdamdaw a mitngil.

O Fafahiyan a Wawa ni Yayrus ato Maleslesay ko Rmes a Fafahiyan

²¹ Yo pakatamina haca ci Yis a milacal a tayra i ti:raw a lawac no fanaw i, tihlom sa ko 'alomanay a finawlan i Cingraan itira i lawac no fanaw.

²² Ira itira ko ccay a citodongay to kasa'opoan a kakridan ci Yayrus hananay, ira a tayra a miraod. Yo paka'araw cingra ci Yisan i, hinokop sa cingra i ka'ayaw ni Yis.

²³ Sa'icel sa cingra a mingitangit i ci Yisan, <> han ningra a somowal.

²⁴ Lahaklong sato ci Yis ato cingra a tayra. 'Aloman ko tamdaw to mikotoday i Cingraan a romakat, a mico^co^co i Cingraan.

²⁵ Ira itira ko ccay a malacaanay a fafahiyan to maleslesay ko rmes to tosa ko safaw a mihcaan.

²⁶ Napaisingto cingra i 'alomanay a ising, tadamapades cingra to nipisemsem no adada ningra, malasawadto ko dafong ningra a ma^min to sapaising. Nikawrira, awaay ko nanga'ayan ningra. Mangalef a mangalef ko nika tatiih no tireng ningra.

²⁷ Nano pakatngilayto cingra to dmak ni Yis saka, mokmok saan cingra to finawlan a miraod a pakaaikor ni Yis a mitfing to kafafang Ningra.

²⁸ Nawhani <> saan ko harateng ningra.

²⁹ Tangsol sa a tomrep ko nika lesles no rmes ningra. Mahapinangto ningra ko nika adah no tireng ningra.

³⁰ Itiya i, tangsol a mahapinang ni Yis ko nika sadak no 'icel nai tireng Ningra saka, pasasiikor saan Cingra i finawlan a somowal, <> saan.

³¹ Paca'of sa ko nisawawaan Ningra, <> han nangra.

³² Nikawrira, o sapihapinangaw ni Yis toya cima ko mitfingay i Cingraan saka, nengneng sa Cingra to i taliyokay a tamdaw.

³³ Mafana' koya fafahiyan to pakayniay i tireng ningra, saka, mirmir sa cingra a miraod i ci Yisan a mihinokop a mita'ong i ka'ayaw Ningra, patalahkal han ningra a pasowal ko polong no dmak ningra a ma^min.

³⁴ Pasowal sa ci Yis i cingraan, <> han Ningra.

³⁵ Yo pasowal iho ci Yis i, ira ko papinapina a naniloma'ay no citodongay to kasa'opoan a kakridan a miraod i ci Yayrusan a somowal, <> han ningra.

³⁶ Caay pikihar ci Yis tonini a kasasowal nangra. Nikawrira, sowal sa Cingra toya citodongay to kasa'opoan a kakridan, <> han Ningra.

³⁷ Itiya i, deng ci Pitiro aci Yakop ato safa ni Yakop ci Yohani ko nihaydaan ni Yis a mihaklong i Cingraan. Caay haydaen Ningra ko romaroma a tamdaw.

³⁸ Yo tahira cangra i loma' noya citodongay to kasa'opoan a kakridan i, ma'araw ni Yis ko nika rarawraw no 'alomanay. Matngil Ningra ko piongong no tamdaw a tomangic.

³⁹ Comod sa ci Yis i laloma' a pasowal i cangraan, <> han Ningra.

⁴⁰ Katawaen nangra a ma^min ci Yis, nikawrira, pasadaken Ningra cangra a ma^min i papotal. Deng o mama ato ina noya wawa ato tatoloay a nisawawaan ni Yis ko mihaklongay Cingraan a micomod i kafoti'an noya fafahiyan a wawa.

⁴¹ Tengteng han ni Yis ko kamay noya wawa a somowal, <> han Ningra. O tatodong nonini a sowal i, <> o sanay.

⁴² Saka, tangsol sato a lomowad koya wawa ta romakat. (Tosato ko safaw no mihcaan noya wawa.) Safahka' sato ko 'alomanay tonini a dmak.

⁴³ Solinga'en ni Yis a palimo'ot cangra, aka palosiyangen ko cimacima tonini a dmak, ta paflien to kakaenen konini a wawa han ni Yis.