Maroko 4 - 阿美語聖經-新約附詩篇箴言

O Tinako to Mifolsakay

¹ Pasifana' haca ci Yis i lawac no Kalili a fanaw. Tona tihlom sa ko 'alomanay a finawlan i taliyok Ningra. Saka, midakaw ci Yis to tamina a maro' itira. Ira i fanaw ko tamina, tomireng ko finawlan a ma^min i lawac no fanaw.

² Patinakoen ni Yis cangra a pasifana' to masamaamaanay a dmak. Mahaen ko nipipasifana' Ningra a somowal i cangraan,

³ <

⁴ Yo mifolsak cingra i, ira ko matfaday i lalan a sapaloma, kaenen no ma^feray a 'ayam konini.

⁵ O roma a sapaloma i, matfad i fokloklohan o kohpicay ko sra. Talacowa narikay a molngaw koya sapaloma i, tona caay ka talolong ko sra saka,

⁶ yo tata'ang ko cidal i, mafadi' koya lngaw. Nawhani awaay ko palamitan nira saka, ma'icang ciira.

⁷ O roma a sapaloma i, matfad i cifadalay a sra. Lomahad koya fadal i, ma'co koya lngaw. Saka, caay ka cihci.

⁸ O roma a sapaloma i, matfad i nga'ayay a sra, fangcal ko lngaw a lomahad, malofic ko hci, citongal to tolo a polo', o roma i, ^nem a polo', o roma i, smo'ot,>> saan.

⁹ Pasowal sa ci Yis, <> han Ningra.

O Patosokan no Pipatinako

¹⁰ Yo masaccay to ci Yis i, lahaklong sa ko mikapotay ci Yisan a tamdaw atoya tosa ko safaw a tarokos a minengneng i ci Yisan, milongoc i Cingraan to sapitadtadaw tonini a tinako.

¹¹ Paca'of sa ci Yis, <

¹² Onini i, mato nika tilid i Fangcalay Cudad toya, >> sanay.

O Pisahci to Tatodong no Tinako to Mifolsakay

¹³ Sowal sa ci Yis i cangraan, <

¹⁴ O tatodong no mifolsakay hananay i, o mifolsakay to sowal no Kawas.

¹⁵ Matiya o katfadan no sapaloma i lawac no lalan ko faloco' no romaroma a tamdaw. Yo mitngil cangra to sowal i, tangsol sa a ira ci Satan a mi'afas to nifolsakan i faloco' nangra to tatodong no sowal.

¹⁶ O romasato, matiya o matfaday i fokloklohan a sapaloma ko faloco' no romaroma a tamdaw. Yo mitngil cangra to sowal no Kawas i, tangsol sa cangra a lipahak a milayap.

¹⁷ Nikawrira, awaay ko palamitan i faloco' saka, caay ka halafin. Ano ira ko pades ato kari'ang tona sowal no Kawas i, tangsol sa a misawad a mitoor.

¹⁸ O romasato, matiya o mafolsakay a sapaloma i cifadalay a sra ko faloco' no romaroma a tamdaw. Mitngil cangra to sowal no Kawas,

¹⁹ nikawrira, ira ko roray no faloco' ato 'anof to saki dafong ato masamaamaanay a sawi a mi'co to sowal no Kawas. Saka, caay ka cihci.

²⁰ Nikawrira, ira ko romaroma a tamdaw matiyaay o mafolsakay a sapaloma i nga'ayay a sra hananay i, mitngil cangra to sowal no Kawas i, milayap cangra. Ta cihci cangra. Yo militodto i, ira ko cihciay to tolo a polo', ira ko cihciay to ^nem a polo', ira ko cihciay to smo'ot,>> saan.

I La^noay no Sato a Dawdaw

²¹ Pasowal haca ci Yis i cangraan, <

²² O tatalahkal a ma^min ko masimeday a maamaan. O mamahapinang a ma^min ko nikilifan a dmak.

²³ Pitngil kamo, o pakatngilay ko tangila a tamdaw,>> saan.

²⁴ Pasowal sa Cingra i cangraan, <

²⁵ O iraay ko nitatoyan i, o mamapatongal a mapafli. O awaay ko nitatoyan i, halonitatoyan ningra a mamangay a ma'afas,>> saan.

O Tinako to Molngaway a Sapaloma

²⁶ Pasowal sa ci Yis, <

²⁷ Yo mafoti' cingra to dadaya, lomowad cingra to dafak i, fahal molngaw a lomahad koya sapaloma. Caay ka fana' koya tamdaw to nika masamaan ko nika lomahad noya sapaloma.

²⁸ O sra ko palahaday toya sapaloma a pahci. O sapal ko sa'ayaw. Ta cipo'ni. Ta cihci ko minaro'an.

²⁹ Ano ma^cak ko panay i, ritriten no tamdaw, nawhani maraodto ko pipanayan,>> saan.

O Tinako to Falo no Kolang

³⁰ Licay sa ci Yis, <

³¹ Matiya o falo no ccay a kolang ko pikowan no Kawas. O samimingay no kalosapaloma a ma^min i tini i hkal, yo palomaen no tamdaw ciira i sra i,

³² halafin i, lomahad to ciira, o satata'angay no kalodateng a ma^min. Tata'ang ko ca'ang nira. Saka, tayra ko ma^feray a 'ayam a padipong i ca'ang niira a mikilidong,>> saan.

³³ Adihay ko matiyaay o tinako ko sapakimad ni Yis i finawlan. O ka^meday a tngilen nangra ko sapasifana' Ningra.

³⁴ Sahto o tinako ko sapasowal Ningra i cangraan. Nikawrira, yo ccayto Cingra ato nisawawaan i, songila'en ni Yis ko tatodong no nisowalan Ningra a ma^min.

O Pipatrep ni Yis to Faliyos

³⁵ Tahadadaya to i, <> han ni Yis a somowal ko nisawawaan Ningra.

³⁶ Saka, liyasen nangra ko finawlan, mitalato ci Yis i tamina, ta midakaw ko nisawawaan to tamina a malahaklong ato Cingra a tayra. Ira haca ko romaroma a tamina a mihaklong.

³⁷ Itiya i, talifahal sa a ira ko faliyos i fanaw. Matapsi' no taplik ko tamina, sakatomesan sato to nanom.

³⁸ Citatangalan sa ci Yis a mafoti' i pakaikor no tamina itiya. Palalen no nisawawaan ci Yis a somowal, <> han nangra.

³⁹ Lowad sato ci Yis, a palimo'ot to fali <> palimo'ot haca to taplik <> han Ningra. Trep sato ko fali. Sarimadac sato koya fanaw.

⁴⁰ Ta pasowal sa Cingra to nisawawaan Ningra, <> han Ningra.

⁴¹ Tata'ang ko talaw nangra. Saka, sasowasowal sa cangra, <> saan.