Maroko 16 - 阿美語聖經-新約附詩篇箴言

O Kalomowad ni Yis a Ma'orip nai Patay

¹ Nanoya, mahrek ko Pasla'an a Romi'ad i, mi'aca to fangsisay a sapaiyo ci Mariya no Maktala ato ci ina ni Yakop ci Mariya aci Salomi to sapisipasip to tireng ni Yis.

² Yo dafak no sa'ayaway a romi'ad no fa^lohay a lipay yo sadak saho ko cidal i, tayra cangra i tadem.

³ Yo i lalanho cangra i, masasowasowal cangra, <> saan cangra.

⁴ (Nawhani tadatata'ang koya fokloh.) Nikawrira, ca'ngaw sa cangra a minengneng i, mawalin ito koya fokloh.

⁵ Comod sa cangra i laloma' no tadem i, ma'araw nangra ko ccay a kapah. Maro' cingra i sakawanan. Ciriko' cingra to tomli'ay a kafafang. Saka, mackok cangra a minengneng.

⁶ Sowal sa koya kapah, <

⁷ Olili. Katayra i nisawawaan Ningra a pasowal. Songila'en ci Pitiro a somowal, >> han ningra.

⁸ Mirmir sato koya fafahiyan a matalaw saka, pkaw sa cangra a milaliw nai tadem. Caay pasowal cangra to maan aca i cimacimaan, nawhani matalaw cangra. [

⁹ Nalomowad ci Yis a ma'orip nai patay to sa'ayaway a romi'ad no fa^lohay a lipay, ci Mariya no Maktala ko a'ayaway a nipa'arawan Ningra. (Onini a fafahiyan i, o nano nifahfahan ni Yis ko papitoay a palafoay nai cingraan i 'ayaw.)

¹⁰ Tayra cingra a pasowal i nano kapot ni Yis a tamdaw. Mararom tomangic cangra itiya.

¹¹ Mitngil cangra to sowal ningra to nika piliyaw ni Yis a ma'orip ato pipa'araw ni Yis ci Mariyaan i, caay paso'lin cangra.

¹² Nanoya, yo romakat ko tatosa nangra a tayra i omaomahan i, o mafalicay a tireng ko sapa'araw ni Yis i cangraan.

¹³ Saka, patiko konini a tatosa a pasowal i romaroma a nisawawaan i, caay paso'lin cangra.

¹⁴ Nanoya, yo mitahka ko ccay ko safaw a nisawawaan i, pa'araw ci Yis i cangraan. Kakteren ni Yis cangra to nika ^ca paso'lin ato nika 'atkak no faloco' nangra. Nawhani caay paso'lin cangra to sowal no paka'araway to nika lomowad Ningra a ma'orip nai patay.

¹⁵ Pasowal sa ci Yis i cangraan, <

¹⁶ O paso'linay ta mapaino'ay a tamdaw i, o mamapa'orip. Nikawrira, o caay paso'lin a tamdaw i, o mamapastek i raraw.

¹⁷ O mamapafli ko paso'linay a tamdaw to 'icel to sapidmak to kafahka'an. O ngangan Ako ko sapifahfah nangra to palafoay a pasadak nai tamdaw. O papasowal cangra to fa^lohay a no 'Adingoan a sowal.

¹⁸ Ano mirperpet cangra to 'oner, ano minanonanom to sawarak i, caay ko aadada cangra. O romasato, o mamaadah ko nikapaan nangra a adadaay,>> saan.

¹⁹ Mahrek ko Tapang ci Yis a pasowal i cangraan i, makakoy Cingra a talakakarayan a maro' i kawanan no Kawas.

²⁰ Saka, lowad sato ko nisawawaan a tayra i cowacowa a patnak to Nga'ayay Ratoh. Mikapot ko Tapang i cangraan a matayal. Pakaynien no Tapang i nipidmak nangra to kafahka'an ko nipipahapinang to nika o so'linay ko nipatnakan nangra a sowal.] [ 9 Tayra a miraod koya fafahiyan i ci Pitiroan ato widawidang ningra a miparatoh to polong no nitngilan nangra a ratoh. 10 Ikorto i, to^to sa ci Yis a miocor to nisawawaan Ningra nai kawali tahira i ka^tip a papipatnak tonini a fangcalay, caay ko mamapohed a Ratoh to saka ci'orip no tamdamdaw to mida'ocay.]