Luka 24 - 阿美語聖經-新約附詩篇箴言

O Kalomowad ni Yis a Ma'orip nai Patay

¹ Sa'ayaway a romi'ad no fa^lohay a lipay, yo kaniharan i, alaen noya fafahiyan ko nipatalaan nangra a fangsisay a sapaiyo a tayra i tadem.

² Ma'araw nangra ko nika walinto no fokloh nai tadem.

³ Comod sa cangra i tadem, awaay a ma'araw nangra ko tireng no Tapang ci Yis.

⁴ Yo maoratho cangra i, fahal sa a ira ko matdiay ko riko' a tatosaay a tamdaw a tomireng i tatihi nangra.

⁵ Tadamatalaw cangra saka, hinokop sa i sra. Pasowal sa koya tatosaay i cangraan, <

⁶ Awaayto i tini Cingra, o lomowadayto Cingra a ma'orip nai patay! Haratengen ko sowal Ningra i tamowanan yo i tiraho i Kalili Cingra toya,

⁷ saan kyami,>> han nangra.

⁸ Itiya i, maharateng noya fafahiyan ko nano sowal ni Yis.

⁹ Ta nokay sato cangra nai tadem, ta paratoh tonini a ma'araway a dmak a ma^min i ccay ko safaw a nisawawaan ato romaroma a tamdaw a ma^min.

¹⁰ Onini a paratohay i tarokos tonini a dmak a fafahiyan i, ci Mariya no Maktala, ci Yoana ato ina ni Yakop ci Mariya ato romaroma a mihaklongay cangraan a fafahiyan.

¹¹ Nikawrira, maorat ko tarokos a mitngil tonini a sowal saka, caay paso'lin cangra to sowal noya fafahiyan.

¹² Nikawrira, lowad sa ci Pitiro a comikay a tayra i tadem, hkakan sa cingra a minengneng i, deng oya nisanga'an to kliw a kiradom a satafo ko iraay. Saka, safahka' sa cingra tonini a dmak a minokay.

O Karomakat a Tayra i Imaus

¹³ Itiya toya romi'ad i, tayra i Imaus hananay a niyaro' ko tatosa a mitooray ci Yisan. O kararaay nonini a niyaro' ato Yirusalim i, ccay ko safaw a kongli.

¹⁴ Sacaciyaw sa cangra a tatosa to pakayniay tonini a dmak a ma^min.

¹⁵ Yo caciyaw cangra a masasowal i, fahal ira ci Yis a miraod a mikapot cangraan a romakat.

¹⁶ Ma'araw nangra ci Yis. Nikawrira, caay pakahapinang cangra to nika ci Yis korira.

¹⁷ Sowal sa ci Yis i cangraan, <> han Ningra. Tireng sa cangra a mararom ko pising.

¹⁸ Paca'of sa ci Kliopas hananay ci Yisan, <> han Ningra.

¹⁹ <> han ni Yis a milicay cangra. Paca'of sa koya tatosaay, <

²⁰ 'Arawhani, patoroden no kakridan no citodongay to ta'ong ato kakrikridan ita Cingra a papipastek i patay, mipacek i ciwcika.

²¹ O harateng niyam i, onini a tamdaw ko papa'orip to Israil nasa kami! Naira kora dmak i, o saka toloto a romi'ad anini.

²² O romasato, mapackok no papinapina a kapot niyam a fafahiyan kami. Nawhani maratar cangra a tayra i tadem.

²³ Nikawrira, awaay a ma'araw nangra ko tireng ni Yis saka, patiko sa cangra. Sowal sa, Mapa'araw no coyoh kami. Ma'oripayto ci Yis saan a pasowal tamiyanan.

²⁴ Saka, tayra sa i tadem ko papinapina a kapot niyam i, mado^do ko sowal noya fafahiyan. Awaay a ma'araw nangra ko tireng ni Yis,>> han nangra ci Yis.

²⁵ Sowal sa ci Yis, <

²⁶ Caay ka ^ca o mamahaen ko nika pades ni Kristo, ta micomod Cingra i 'dil Ningra,>> han ni Yis.

²⁷ Ta pakaynien Ningra i tilid ni Mosi ato nitilidan no pali'ayaway to sowal no Kawas a ma^min ko pisahci Ningra a somowal i cangraan to matiliday i polong no Fangcalay Cudad a sowal to pakayniay i tireng Ningra.

²⁸ Yo mangatato nangra koya katayraan nangra a niyaro' i, mato papafsoc ko rakat ni Yis.

²⁹ Saka, patangic han nangra ci Yis a mifo'ot, <> han nangra. Saka, comod sato ci Yis i loma' a sapilafinan.

³⁰ Yo mikapot ci Yis i cangraan a mitahka i, tatoy sa ci Yis to ^pang. Kansiya sa to Kawas, ta pcih sa Cingra to ^pang a pafli i cangraan.

³¹ Itiya i, mafohatto ko mata nangra. Mapalitato nangra ko nika ci Yis korira. Nikawrira, fahal sa a awato a ma'araw nangra ci Yis.

³² Saka, sasowal sa cangra, <> saan.

³³ Itiya i, tangsol sa cangra a lomowad a patiko a tayra i Yirusalim. Ma'araw nangra itira ko nika sa'opo no ccay ko safaw a nisawawaan ato romaroma a mitooray ci Yisan.

³⁴ Sowal sa koya itiraayto, <> han nangra.

³⁵ Pasowalen noya tatosaay cangra to nano dmak i lalan ato nika yo mipcih to ^pang i, mapalita nangra ko nika o Tapang korira saan.

O Pipa'araw ni Yis i Nisawawaan

³⁶ Yo caciyawho cangra tonini a dmak i, fahal sa ira ci Yis a tomireng i sifo' nangra. <> han Ningra cangra.

³⁷ Ckok sa cangra a matalaw, matiya o tahakawasay.

³⁸ Sowal sa ci Yis cangraan, <

³⁹ Nengnengen ko kamay ato wa'ay Ako! Kako ito, caay ka o cima! Mi'mi'en Kako a mipalita hna. Ano o pakawasay i, ira a mimaan ko hci ato 'okak, nikawrira, ira ko no Mako a ma'araw namo,>> han Ningra.

⁴⁰ Mahrek a somowal Cingra tonini i, patiri' sa to kamay ato wa'ay Ningra i cangraan.

⁴¹ Yo paskaho ko paso'lin nangra to nika lipahak ato nika fahka' nangra i, <> han ni Yis cangra a milicay.

⁴² Pafli han nangra ci Yis to ccay a krit a nitodohan a foting.

⁴³ Ala han ni Yis a komaen i ka'ayaw nangra.

⁴⁴ Pasowal sa ci Yis i cangraan, <> han Ningra.

⁴⁵ Orasaka, fawahen ni Yis ko faloco' nangra to sakafana'aw nangra to Fangcalay Cudad.

⁴⁶ Somowal haca ci Yis i cangraan, <

⁴⁷ O papakaynien namo i ngangan Ningra ko nipipatnak to sakapalisomad ato sakahpol no raraw a Nga'ayay Ratoh, o papatnaken konini nai Yirusalim tangasa i kasakitakit.

⁴⁸ Kamo ko pawacayay tonini a dmak.

⁴⁹ O a ocoren Ako a patayra i tamowanan ko niktonan no Wama Ako a sowal. Saka, kaitini kamo i niyaro' a mitala, tangasa i pilayapan namo to nai fafaeday a 'icel,>> han Ningra.

Makakoy ci Yis a Talakakarayan

⁵⁰ Nanoya, krid han ni Yis cangra a miliyas to niyaro' a tayra i Pitani. Ta laya' sa ci Yis to kamay a mipalmed i cangraan.

⁵¹ Kalanipipalmed han Ningra ko nipiliyas cangraan a makakoy a talakakarayan.

⁵² Ta'ong sa cangra ci Yisan. Salipahak sa cangra a minokay i Yirusalim.

⁵³ Rarid sa cangra itira i Fangcalay Pita'ongan a pahmek to Kawas.