Luka 2 - 阿美語聖經-新約附詩篇箴言

O Nika Hofoc ci Yisan

¹ Itiya i, ira ko limo'ot ni Aukustus o hongti no Loma, to sapipatilidaw to ngangan no finawlan i polong no makowanay no Loma a kitakit.

² Onini i, o sa'ayaway a pipatilid no finawlan to ngangan yo ci Kurinius ko mikomoday no Siriya.

³ Orasaka, paytmek sa ko tamdamdaw a minokay i niyaro' no tireng to sapatilidaw to ngangan.

⁴ O tloc no loma' na Tafiti ci Yosif saka, lomowad cingra nai Nacali a niyaro' no Kalili a macokacok a tayra i Piclihim hananay a niyaro' no Yutaya o niyaro' na Tafiti.

⁵ Malahaklong ci Yosif ato nipatapangan ningra a malofafahi ningra ci Mariya a tayra to sapipatilidaw to ngangan nangra. O mamahofocto ci Mariya itiya,

⁶ yo itira cangra i Piclihim i, maraodto ko kahofocan ni Mariya a folad.

⁷ Saka, mahofoc cingra to fa'inayan a fisac a wawa. Popot han ningra to kiradom a mipakafoti' i toptop no pa^faan, nawhani awaayto ko malokafoti'an nangra i pilafinan a loma'.

O Pakaenay to Siri ato Coyoh

⁸ Ira itira toya pala ko pakaenay to siri. Milafin cangra i palapalaan to dadaya a misimaw to masaflaway a siri nangra.

⁹ Itiya i, fahal sa ira ko ccay a coyoh a miraod i cangraan. Mapatdi no 'dil no Tapang ko taliyok nangra. Saka, tata'ang ko talaw nangra.

¹⁰ Sowal sa koya coyoh cangraan, <

¹¹ Nawhani mahofocto anini a dadaya itira i Tafiti hananay a niyaro' ko papa'orip i tamowanan. O Tapang o Kristo Cingra.

¹² O malokacipinangan namo i, o mama'araw namo ko nika popot noya Wawa to kiradom a mapakafoti' i toptop,>> saan.

¹³ Itiya i, fahal sa a ira ko 'alomanay a coyoh no kakarayan a malakapot atoya ccay a coyoh a pahmek to Kawas, sowal sa,

¹⁴ <> saan.

¹⁵ Yo miliyas i cangraan koya coyoh a minokay i kakarayan i, sowal sa koya pakaenay, <> saan koya pakaenay to siri a masasowasowal.

¹⁶ Saka, tamor sato cangra a tayra. Ta ma'araw nangra ci Mariya aci Yosif atoya mapakafoti'ay i toptop a nihofocanho a Wawa.

¹⁷ Nama'araw nangra koya Wawa i, tangsol sa cangra a palosiyang to nano piparatoh no coyoh i cangraan to pakayniay toya Wawa.

¹⁸ Safahka' sa ko mitngilay a tamdaw to nisowalan noya pakaenay to siri.

¹⁹ Nikawrira, pakifaloco' han ni Mariya konini a dmak a ma^min a misaharaterateng.

²⁰ Oya nitngilan atoya ninengnengan noya pakaenay to siri i, mado^do ko nipasowalan no coyoh i cangraan. Saka, hmek sato cangra to Kawas a minokay.

O Pipangangan ci Yisan

²¹ Nanoya, saka falo a romi'ad i, maraodto ko pakritan toya Wawa a mido^do to krit a lisin. Saka, ci Yis han nangra ko pipangangan toya Wawa. Onini i, o nipanganganan no coyoh yo caho ka cipoyapoy ci Mariya.

O Pipacakat ci Yisan i Pita'ongan

²² Nanoya, yo malponto ko pikoracan nangra a romi'ad to nano Rikec ni Mosi i, alaen na Yosif aci Mariya koya Wawa a macokacok a tayra i Yirusalim to sapacakataw i Tapang toya Wawa.

²³ Onini i, o pido^do to matiliday i rikec no Tapang toya, <> sanay.

²⁴ O romasato, o pido^do nangra to rikec no Tapang a pacakat to tosa a topi no lotok ano ^ca i, tosa a topi no loma'.

²⁵ Itiya i, ira i Yirusalim ci Simiyon hananay a tamdaw. O mo^celay ko faloco', o malalokay a mitoor to Kawas cingra. O hinatalaay cingra to papa'orip to Israil. O mikapotay ko Fangcalay 'Adingo i cingraan.

²⁶ O nipahapinanganto no Fangcalay 'Adingo cingra saka, mafana' cingra, <> saan cingra.

²⁷ Tona mangiyangi no Fangcalay 'Adingo ko faloco' ningra, saka tayra cingra i Fangcalay Pita'ongan. Itiya i, alaen ni Yosif aci Mariya koya Wawa ci Yis a micomod to Pita'ongan. Onini i, o sapido^doaw nangra to lkakawa no Rikec to saki Cingraan.

²⁸ 'Afofo han ni Simiyon koya Wawa a pahmek to Kawas. Sowal sa cingra,

²⁹ <

³⁰ Nawhani ma'arawto ako ko sapa'orip Iso.

³¹ Onini a papa'orip i, o nipatalaan Iso i ka'ayaw no kasafinawlan.

³² O patdiay to roma a finacadan a likat Cingra. O sakaci'dil no Israil a finawlan Iso Cingra,>> saan.

³³ Safahka' sa ko mama ato ina noya Wawa a mitngil to sowal ni Simiyon to pakayniay i Wawa nangra.

³⁴ Itiya i, palmeden ni Simiyon cangra. Sowal sa cingra ci Mariyaan o ina noya Wawa, <

³⁵ ta pakayni i Cingraan a mapatalahkal ko i laloma'ay no faloco' no 'alomanay a tamdaw. O mamalasakararom, sakacocok no faloco' iso konini a dmak,>> han ni Simiyon.

³⁶ O romasato, ira ko ccay a fafahiyan ci Anna hananay a pali'ayaway to sowal no Kawas. O wawa ni Fanuil, o ngasaw ni Asir cingra. O tadamato'asayto cingra. Na ciramod cingra, pito a mihca ko nika polong ningra to fa'inay a ma'orip.

³⁷ Nanoya, maponengto cingra, falo a polo' ira ko spat no mihcaan ningra. Caay piliyas cingra to Fangcalay Pita'ongan. To dadaya to romi'ad misaliway, mitolon cingra a mita'ong to Kawas.

³⁸ Itiya i, irato konini a fafahiyan a tahira a mikansiya to Kawas. Ta pasowal cingra to pakayniay toya Wawa i hinatalaay to pitdal no Kawas to i Yirusalimay a tamdamdaw a ma^min.

³⁹ Malahcito na Yosif aci Mariya ko dado^doen a nitilidan a Rikec no Tapang a mido^do. Saka, nokay sato cangra i niyaro' no tireng i Nacali no Kalili.

⁴⁰ Tata'angto koya Wawa. Tanektek ko tireng Ningra. Citaneng a citaneng Cingra. Matongal a matongal ko nipipalmed ato nipikapot no Kawas i Cingraan.

⁴¹ Maraodto ko Pita'lifan a Lisin to mihcahcaan i, macokacok ko mama ato ina ni Yis a tayra i Yirusalim.

⁴² Yo tosato ko safaw no mihcaan ni Yis i, matiya o dmak to mihcahcaan cangra a tayra a misalisin.

⁴³ Yo mahrekto ko pisalisin, yo minokay cangra i, itira sa koya Wawa ci Yis i Yirusalim. Caay ka fanafana' ko mama ato ina Ningra.

⁴⁴ O iraayto i kasa'alpad no kasacfang niyam Cingra saan ko harateng nangra. Saromi'ad sa cangra a romakat. Nanoya, sakilikilim han nangra Cingra i malininaay ato kafanafana'an nangra a tamdaw i,

⁴⁵ awaay a matama nangra. Saka, halonipikilim han nangra a patiko a tayra i Yirusalim.

⁴⁶ Sakatolo a romi'ad i, matama nangra ci Yis i laloma' no Fangcalay Pita'ongan. Mikapot ci Yis to pasifana'ay to Rikec a tamdaw a maro' itira. Tngilen Ningra, licayen Ningra cangra.

⁴⁷ O mitngilay a tamdaw i, fahka' a ma^min to nika fana' ni Yis a paca'of.

⁴⁸ Paka'araw ko mama ato ina Ningra Cingraan i, safahka' sa cangra. Sowal sa ko ina Ningra i Cingraan, <> han ningra.

⁴⁹ Pasowal sa ci Yis i cangraan, <> han Ningra.

⁵⁰ Nikawrira, caay ka fana' cangra to tatodong no sowal ni Yis.

⁵¹ Nanoya, haklong sato Cingra to mama ato ina Ningra a maloklon a minokay i Nacali. Mitoor Cingra to sowal no mama ato ina. Pakifaloco' han no ina Ningra konini a dmak a ma^min.

⁵² Macakat a macakat ko taneng ato nika lahad no tireng ni Yis. Matongal a matongal ko nika olah no Kawas ato tamdaw i Cingraan.