Loma 4 - 阿美語聖經-新約附詩篇箴言

Malopi'arawan ci Apraham

¹ Ano hatira i, sahcien ako a somowal ko pakayniay ci Aprahaman o tato'asan niyam.

² Ano o nano dmak ni Apraham ko sakanga'ay ningra a malayap no Kawas i, kona o papasneng cingra. Nikawrira, caay ko papasneng cingra i ka'ayaw no Kawas.

³ O sowal no Fangcalay Cudad i, <> saan.

⁴ O lalayalayapen aca ningra ko lifon no matayalay a tamdaw, caay ko tatodong no mikomi.

⁵ Nikawrira, oya caay pitadi'ec a tamdaw to lalok ningra oya ti'er sanay to palaawaay to raraw a Kawas i, o piti'er ningra to Kawas ko saka, O nga'ayay a tamdaw kiso, han no Kawas a milayap.

⁶ O sowal ni Tafiti i, o caay piti'er to lalok no tireng a o mo^celay a tamdaw hananay no Kawas i, o malmeday. O tatodong nonini a sowal i, mahaenay.

⁷ O mahpolayto ko raraw, o masololayto ko patlac a tamdaw i, tada o malmeday.

⁸ O caay ka sa'osi no Tapang ko raraw a tamdaw i, o malmeday, saan.

⁹ Onini a nisowalan ni Tafiti to pakayniay i mapalmeday hananay i, deng o saki mido^doay a tamdaw to krit a lisin haw? Caay! O saki caay pido^do to krit a lisin ko roma a nisowalan tonini. Nawhani mato sowal niyam to nano sowal no Fangcalay Cudad, <> saan.

¹⁰ O hacowa ko sapisa'osi no Kawas ci Aprahaman a milayap hakiya? I hrek no nipido^do ningra to krit a lisin hakiya? Ano ^ca i, i 'ayaw no pido^do ningra to krit a lisin hakiya? I 'ayaw no nipido^do ningra to krit a lisin a masa'osi no Kawas cingra a milayap.

¹¹ I ikorto cingra a mido^do to krit a lisin. I tini i nika krit ningra a mahapinang ko nika o masa'osiayto no Kawas a malayap a palamo^celay cingra pakayni i nipiti'er ningra to Kawas i 'ayaw no nipido^do ningra to krit a lisin. Saka, ano pakaynien i no Kawasan ko nika somowal i, malamamato no masa'osiay no Kawas a milayap a tamdaw ci Apraham. Onini a tamdaw i, o caay ka krit a miti'eray ci Kristoan.

¹² O romasato, malamama no mido^doay to krit a lisin a tamdaw ci Apraham. Nawhani caay ko nipido^do nangra a ccay to krit a lisin. Malcad to pinangan no nipiti'er ni Apraham to Kawas yo caho ka krit cingra ko nipiti'er nangra to Kawas.

O Naniti'eran ko Sakapilayap to Nano Nisowalan no Kawas a Sapalmed

¹³ O sowal no Kawas ci Aprahaman i ti:yaho a mikton to sowal i, <> saan. O sakapikton no Kawas tonini a sowal ci Aprahaman i, caay ko nano nika'imeran ni Apraham to Rikec. O nano niti'eran ningra to Kawas a paso'lin ko saka o mo^celay a tamdaw han cingra.

¹⁴ Ano o sapafli to mido^doay to Rikec ni Mosi ko nano nisowalan no Kawas a sapalmed i, malaawaay ko ^poc no nipiti'er to Kawas ato nisowalan no Kawas a sapalmed. O lalayalayapen aca noya tamdaw ko tatodong ningra.

¹⁵ O sapatalahkalaw aca to kter no Kawas ko Rikec. Nikawrira, o mafokilay to Rikec a tamdaw i, caay ka fana' a pacoli to Rikec.

¹⁶ O sakapikton no Kawas to sapalmedaw to tamdaw i, o nano nipiti'er no tamdaw to Kawas. Ta mado^do ko harateng no Kawas a mipafli i milcaday to piti'er ni Apraham a no Kawasan a tloc Ningra. Onini a tloc Ningra i, caay ko pido^do a ccay to Rikec ko pitoor nangra to Kawas. Nawhani o mama ita a ma^min ci Apraham to no 'adingoan.

¹⁷ Mato sowal i Fangcalay Cudad, <> saan. Tona o Kawas ko pasowalay saka, ci^pocay ko niktonan Ningra a sowal. O mipa'oripay to mapatayay, o mipasowalay a palaira to awaayho a maamaan konini a niti'eran ni Apraham a Kawas.

¹⁸ Talacowa awaayto ko pafaloco'an ni Apraham nikawrira, paso'lin saan cingra a cifaloco'. Saka, malamama no 'alomanay a finacadan cingra. Mato sowal i Fangcalay Cudad, <> saan.

¹⁹ Itiya i, ma^deng smo'ot ko mihcaan ni Apraham. Mafana' cingra to nika o mamapatay ko tireng ningra. Caayto ko caciwawa ci Sara saan cingra. Nikawrira, caay ka toled cingra a misafaloco' tonini.

²⁰ Caay ka lasawad ko piti'er no faloco' ningra to Kawas, caay haca ka hinapec cingra to niktonan no Kawas a sowal. Tona miti'er cingra to Kawas saka, matongal ko ki^mel ningra a pahmek to Kawas.

²¹ O mamalahci ko niktonan no Kawas a sowal saan ko tanektek no paso'lin ningra.

²² Orasaka, onini a nipiti'er ningra ko, <>.

²³ Nikawrira, <>, yasanay a sowal i, caay ko ci Apraham a ccay ko nisowalan.

²⁴ Kita ko roma a nisowalan tonini a sowal. Nawhani o rarahker ko Kawas a milayap i titaanan o paso'linay toya palowaday a pa'orip nai patay to Tapang ita ci Yisan.

²⁵ Mapatorod ci Yis i tamdaw, ta patayen nangra to nano raraw ita. Palowaden no Kawas Cingra a pa'orip nai patay to sakanga'ay ita a malayap no Kawas.