Loma 3 - 阿美語聖經-新約附詩篇箴言

¹ Ano hatira i, iraho ko kaikakaan no Yutaya a tamdaw to roma a finacadan haw? Iraho ko ^poc no nipido^do no Yutaya a tamdaw to krit a lisin sa kiso haw?

² Irato. Adihay ko kasasiroma nonini. O saka ccay i, mapatorod no Kawas i Yutaya a tamdaw ko sowal Ningra.

³ Nikawrira, ira i cangraan o Yutaya a tamdaw ko caay ka so'lin ko dmak. Saka, ano hatira i, caay ka so'lin ko dmak no Kawas saan kita haw?

⁴ Caay ka matira! Talacowa o misamangahay ko no tamdamdaw i, o so'linay ko no Kawas. Mato sowal i Fangcalay Cudad, pakayni i sowal Iso a mahapinang ko nika o mo^celay Kiso. Yo pakokoten no tao Kiso i, pakalowid Kiso, saan.

⁵ Ano o nika ^ca ka mo^cel ita ko sapatalahkal to mo^cel no Kawas i, maanen ita ko nika somowal hakiya? O nipitfoc no Kawas i titaanan i, o nika caay ka mo^cel Ningra haw? (O no tamdawan a harateng konini.)

⁶ Caay ka matira! Ano caay ka mo^cel ko Kawas i, ma^deng Cingra a misawkit to hkal haw?

⁷ Ano o nika ^ca ka so'lin no dmak ako ko sakatalahkal no so'linay a dmak no Kawas to nika tadamaan Ningra i, nawiro pastek han kako i raraw a misawkit saw?

⁸ Ano hatira i, caay ko nipidmak ita to tatiihay ko sakafangcal no dmak saw? Saan ko sowal ni Pawlo saan ko nipitongangan no tao i takowanan. O hatiniay a tamdaw i, o nika pastek nangra i raraw ko nga'ay.

Awaay ko Ccaccay Aca a Mo^celay a Tamdaw

⁹ Ano hatira i, ira ko kaikakaan niyam o Yutaya a tamdaw to roma a finacadan saw? Awaay. Mapasowalto ako i 'ayaw to nika o malcaday a makowan no raraw ko Yutaya ato roma a finacadan a ma^min.

¹⁰ Mato sowal i Fangcalay Cudad, <

¹¹ Awaay ko citanengay a tamdaw. Awaay aca ko milongocay to Kawas a tamdaw.

¹² O misoikoray to Kawas ko tamdaw a ma^min. Moraraw cangra a ma^min to tadalalan. Awaay ko ccaccay aca a tatamdawan to nidmakay to nga'ayay.

¹³ Matiya o mafohatay a tadem ko ngoyos nangra. O misa'fitay ko sma nangra, sahto o misamangahay ko sowal. Matiya o cisawarakay to no 'oner ko filfil nangra.

¹⁴ Sahto o cisawarakay ato mi'kakay ko sowal nangra.

¹⁵ Kalamkam cangra a mipadoka' a mipatay to tamdaw.

¹⁶ Miplengay, miforiforay ko rakat nangra a talacowacowa.

¹⁷ Caay ka fana' cangra to kaira no rihadayay a lalan.

¹⁸ O romasato, caay ka fana' cangra a mita'ong to Kawas,>> saan.

¹⁹ Mafana' kita to nika o pahapinangay ko Rikec to malodadmaken no makowanay noya Rikec a tamdaw. Saka, awaay ko pakayraan no tamdaw a pa'ading to tireng. Ta masawkit no Kawas ko tamdamdaw.

²⁰ Nawhani ano pakaynien i nipilahci to Rikec i, awaay ko mamalayap no Kawas a tamdaw. O tayal no Rikec i, deng o nipipakafana' aca to tamdaw to nika ciraraw no tireng.

O So'linay a Palali'ay no Kawas ato Tamdaw

²¹ Nikawrira, anini sa i, Palali'ayen no Kawas ko tamdaw ato Cingraan, ta so'lin a malayap Ningra kita o tamdaw. Caay ko nano Rikec konini. Mahaenay ko pipawacay no Rikec ni Mosi ato Pali'ayaway to sowal.

²² Palali'ayen no Kawas ko tamdaw ato Cingraan to nano piti'er i ci Yis Kristoan. O polong no paso'linay ci Kristoan, awaay ko pisakakinih Ningra.

²³ Tona ciraraw ko polong no tamdamdaw saka, caay ka tatodong cangra a miraod tonini a ci'dilay a Kawas.

²⁴ Nikawrira, padteng saan ko Kawas a paini to mikomi, pakaynien Ningra i nipitdal ni Yis Kristo ko sapisanga' Ningra to sakanga'ay no tamdaw ta malayap Ningra kita.

²⁵ Caay kalimla ko Kawas to pikinafalah no 'orip ni Yis, a malasapato'aya a lisin Cingra to saka hpol no raraw, ta pakayni i patay Ningra ato nipiti'er no tamdaw ko saka hpol no raraw. O sakapihaen no Kawas i, o sapahapinangaw to mo^celay a pinangan Ningra.

²⁶ Nawhani, i tiyaho i, hadidien no Kawas a misolol ko nika ciraraw no tamdaw. Nikawrira, anini sa i, pakayni i pihpol to raraw a pipahapinang to mo^cel Ningra. Saka, mapahapinang to no Kawas o mo^celay Cingra, malali'ay haca ato polong no paso'linay i ci Yisan a tamdaw.

²⁷ Ano hatira i, o maan ko papasnengen ita saw? Awaay ko maamaan! Pakamaanay saw? O nika pido^do to Rikec haw? Caay! O nika piti'er!

²⁸ Nawhani o sakalali'ay no tamdaw a malayap no Kawas i, caay ko nano nilahcian to Rikec. Deng o piti'er.

²⁹ Ano hatira i, o no Yutaya aca a tamdaw ko Kawas haw? Caay haca ko no roma a finacadan ko Kawas haw? Hai!

³⁰ Deng ccay aca ko Kawas. Palcaden Ningra ko nipilayap to Yutaya a tamdaw ato roma a finacadan a malali'ay pakayni i nipiti'er nangra.

³¹ Ano hatira i, pakayni i nipiti'er ita a sakapipalasawad ita to Rikec ni Mosi haw? Caay! o patanektekay kita to Rikec.