Loma 15 - 阿美語聖經-新約附詩篇箴言

Aka Pisatked a Lipahak

¹ Kita o ki^melay ko faloco' a tamdaw i, o mamidama to tadancaay ko faloco' a matoleday a tamdaw. Aka pisatked a palipahak to tireng.

² Kita o kahaccaccay i, o papalipahak to salikaka to sakaci^poc ato sakatanektek no faloco' nangra.

³ Nawhani caay pisatked ci Kristo a palipahak to tireng Ningra. Mato sowal a matilid i Fangcalay Cudad, <> saan.

⁴ O matiliday i Fangcalay Cudad a ma^min i, o sapasifana' i titaanan to sakakodait ita ta mapa'icel no Fangcalay Cudad kita to sapasayraaw ita i kacifaloco'an.

⁵ Nanay o pafliay to kodaitay a faloco', o pa'icelay a Kawas ko mipalcaday to harateng namo a papitodong to faloco' ni Yis Kristo,

⁶ ta malaccay ko faloco' namo a pangiha' a pahmek to Wama a Kawas no Tapang ita ci Yis Kristo.

O Sapatnak to i Romaay a Finacadan a Nga'ayay Ratoh

⁷ Orasaka, kasasilitmoh kamo a mihamham a matiya o pihamham ni Kristo i tamowanan to sakahmek no Kawas.

⁸ Pasowal kako i tamowanan, o sapahapinangaw ni Kristo to nika o so'linay a tati'eren ko Kawas ato sakalahciaw no nisowalan no Kawas i tato'asan ita saka, malakoli no Yutaya a tamdaw Cingra.

⁹ Ta halo roma a finacadan a mafana' a pahmek to Kawas to nika sini'ada Ningra. Mato sowal a matilid i Fangcalay Cudad, <> saan.

¹⁰ O romasato a sowal i Fangcalay Cudad i, <> saan.

¹¹ O romasato a sowal i, <> saan.

¹² O roma a sowal ni Isaya i, <> saan.

¹³ Nanay o pafaloco'ay a Kawas ko palipahakay, parihadayay i tamowanan to nano piti'er namo ci Kristoan. Ta pakayni i 'icel no Fangcalay 'Adingo a tanektek ko faloco' namo a pasayra i kacifaloco'an.

Caay Paska ci Pawlo a Pasowal

¹⁴ Salikakaaw ako, ci'icel ko paso'lin ako i tamowanan to nika sahto o nga'ayay ko dmak namo. Tada o mafana'ay kamo to masamaamaanay a dmak. O romasato, mafana' kamo a masasipa'icel.

¹⁵ Nikawrira, i tini tonini a pipatilid ako i, o mipalalay kako to faloco' namo. Saka, caay paska kako a pasowal i tamowanan. Nawhani tadamaan ko nipipalmed no Kawas i takowanan.

¹⁶ Saka, malamatayalay ni Kristo Yis kako a patnak to Nga'ayay Ratoh i roma a finacadan. Matiya o citodongay to ta'ong kako a patnak to Nga'ayay Ratoh no Kawas. Ta nga'ay malanikoracan no Fangcalay 'Adingo a sapacakat i Kawas ko roma a finacadan. Ta maolah ko Kawas a milayap cangraan.

¹⁷ Tona malaccay kako aci Yis Kristo saka, manga'ay kako a malata'ang to pakayniay i tayal ako i Kawas.

¹⁸ Caayto ka somowal kako to roma a sasowalen, deng o nilahcian ni Kristo pakayni i takowanan a papitoor to roma a finacadan i Kawas ko sasowalen ako. O sakapilahci ni Kristo tonini i,

¹⁹ o sowal ato dmak, o nano 'icel no kafahka'an a dmak ato nano 'icel no 'Adingo no Kawas. Tona mahaen saka, malahci ako ko nipipatnak to Nga'ayay Ratoh to pakayniay ci Kristoan nai Yirusalim a mitaliyok tahira i Ilirikum.

²⁰ O harateng ako to ha:tiniay i, caay ko sapipatirengaw i mapatapangay no tao. Deng o sapipatnakaw to Nga'ayay Ratoh itira i caayho ka fana' ci Kristoan.

²¹ Mato sowal a matilid i Fangcalay Cudad, <> saan.

O Nisahalakaan ni Pawlo to Sapiliso'aw to Loma

²² Orasaka, macara kako to kinapi:na saka, caho ka tayra kako i tamowanan.

²³ Nikawrira, malahcito ako ko tatayalen ako i tini tonini a pala. O romasato, halafinto ko harateng ako to sakatayraaw i tamowanan a miliso' saka,

²⁴ ano tayra kako i Sipaniya i, o mamicafer kako i tamowanan a miliso'. Ano ma^dengto ko faloco' ako a mikapot i tamowanan i, mangalay kako to pipadama namo i takowanan to sakatayra ako i Sipaniya.

²⁵ Nikawrira, o sapipadangaw to mitooray, saka tayra kako i matini i Yirusalim a mipadang.

²⁶ Nawhani misafaloco' ko i Makitoniyaay ato i Akayaay a kiwkay to sapasorot to sapipadang to i Yirusalimay a pakoyocay a mitooray.

²⁷ O nafaloco'an nangra konini a dmak. O romasato, citodong cangra a milahci tonini a tayal. Tona o Yutaya a tamdaw ko palada'ay i roma a finacadan to sakalmed no 'adingo saka, o matatodongay ko nipihaen no roma a finacadan a mipadama to Yutaya a tamdaw.

²⁸ Orasaka, ano mahrekto kako a mipatorod i cangraan to nisa'opoan a payso i, o papakayra kako i tamowanan a tayra i Sipaniya.

²⁹ Mafana' kako, ano tayra kako a miliso' i tamowanan i, o mamahawikid ako ko makadofahay a mikomi ni Kristo i tamowanan.

³⁰ Salikakaaw, pakaynien ako i Tapang ita ci Yis Kristoan ato nano olah no Fangcalay 'Adingo ko nipilongoc ako i tamowanan. Nanay palaccayen ita ko faloco' a misa'icel a mitolon i Kawas to saki takowanan.

³¹ Ta manga'ay kako a miliyas to sari'ang no caay paso'lin ci Kristoan a i Yutayaay a tamdaw. Nanay rahker ko i Yirusalimay a mitooray a milayap to nihawikidan ako a sapafli.

³² Ta ano o nafaloco'an no Kawas i, o lalipahak kako a tayra i tamowanan ta malaccay kita a mapahanhan ko faloco'.

³³ Nanay, ira a mikapot i tamowanan a mapolong ko parihadayay a Kawas. Amin.