Loma 13 - 阿美語聖經-新約附詩篇箴言

O Sikining to saki Mikowanay

¹ O tatooren no tamdaw a ma^min ko mikowanay to kitakit. Nawhani o sa'osi no Kawas ko sakatomireng no mikowanay. O Kawas ko patirengay cangraan o mikowanay a ma^min.

² Orasaka, o pacoliay to mikowanay a tamdaw i, o pacoliay to limo'ot no Kawas. O sakasawkit ningra ko matiniay a dmak ningra.

³ Caay ka talaw to mikowanay ko nga'ayay ko dmak a tamdaw. O tatiihay ko dmak a tamdaw ko matalaway. Ano mangalay kiso to saka^caaw ka talaw to mikowanay a tamdaw i, ka o nga'ayay ko dmak iso ta malakahmekan ningra kiso.

⁴ Nawhani o matayalay no Kawas cingra to sakanga'ay iso. Nikawrira, ano tatiihay ko dmak iso i, o katalawan iso cingra. Nawhani citodongay cingra a mitfoc. O matayalay no Kawas cingra saka, tfocen ningra ko tatiihay ko dmak a tamdaw.

⁵ Orasaka, o tatooren ko sowal nangra o mikowanay. Aka ka o nano talaw to pitfoc no Kawas a ccay ko pitoor, ka o nga'ayay a faloco' iso ko pi'arawan iso a mitoor i cangraan.

⁶ Onini ko sakapipasata namo. Nawhani o todong no milahciay to tayal no Kawas ko tayal nangra.

⁷ Orasaka, ^minen a patiko ko tadah, ano o papatoroden, pipatorod. Ano papasataen, pipasata. Ano o kakatalawan i, katalaw. Ano o kakangoden i, pingodo.

O Sikining to saki Tao

⁸ Aka ka citadah to maan aca i cimacimaan. Ka o nika sasiolaolah namo a ccay ko lalahcien namo. O maolahay to tamdaw i, o mido^doay to Rikec.

⁹ Oya, <> sanay a limo'ot ato romaroma a limo'ot a ma^min i, masalaloma' noya, <> sanay a limo'ot.

¹⁰ Nawhani ano maolah kamo i cimaanan i, caay pikari'ang kamo toya tamdaw. Saka, ano maolah ko tamdaw i, o mido^doay cingra to Rikec.

¹¹ O sakapihaen namo a mido^do i, mafana' kamo to nika masamaanto ko tatokian anini. Maraodayto i matini ko kapalalan namo nai foti'. Nawhani mingatato ko pipa'orip no Kawas i titaanan anini. Yo misatapangho kita a paso'lin i, miraayho itiya.

¹² Moniharto ko dadaya. Mangatato a ta^ngad. Saka, falahen ko no to'manay a dmak. Ca'dongen ko sapilood a riko' a pasayra i ta^ngaday.

¹³ Aka ka matiya o macoosay, o malasangay no ^pah, o mikalonaay, o ma'amlasay, o mala'odotay, o ma'inapay ko dmak namo. Sanga'ayen ko dmak namo a matiya o no i ta^ngaday.

¹⁴ Saka, ca'dongen ko sapilood no Tapang ci Yis Kristo a lalosidan. Sawaden ko pitoor to ciraraway a pinangan iso ato ma'anofay a faloco' iso.