Loma 11 - 阿美語聖經-新約附詩篇箴言

O Sini'ada no Kawas to Israil

¹ Ano hatira i, cilicay kako. So'linay falahen no Kawas ko finawlan Ningra hakiya? Caay! Halo ako a o Israil a tamdaw o tloc ni Apraham, o ngasaw ni Pinyamin.

² Caay pifalah ko Kawas to nili'ayawan Ningra a mipili' a finawlan. Mafana' kamo toya matiliday i Fangcalay Cudad to pakayniay i ci Iliyaan. O longoc ni Iliya i Kawas a mipakokot to dmak no Israil i,

³ <> saan.

⁴ Nikawrira, maan saan ko paca'of no Kawas i cingraan hakiya? O sowal Ningra i, <> saan.

⁵ Matiya ora dmak ko dmak i matini. Ira ko ni'osawan no Kawas a nipili'an Ningra a tamdaw to nano mikomi Ningra.

⁶ O nano mikomi no Kawas ko sakapipili' Ningra cangraan. Caay ko dmak no tamdaw ko pi'arawan Ningra. Ano o dmak no tamdaw ko pi'arawan Ningra i, caay to ko so'linay a mikomi ko mikomi no Kawas.

⁷ Ano hatira i, mafana'to kita. Caay pakaala ko Israil to nilongocan nangra. Deng o nipili'an no Kawas a caay ka papina a tamdaw ko pakaalaay. Caay pitngil ko romaroma a tamdaw to pitahidang no Kawas.

⁸ Mato sowal a matilid i Fangcalay Cudad, <> saan.

⁹ Halo ci Tafiti a somowal, <

¹⁰ Mamana mapohaw ko mata nangra, ta caayto paka'araw. Mamana mida'oc a matakonol ko koror nangra to nika pades,>> saan.

¹¹ Ano hatira i, cilicay kako. O sakatkop no Yutaya a tamdaw ko nika tolo' nangra hakiya? Caay. Ciraraw cangra, saka, pasayra i roma a finacadan ko sapa'orip no Kawas. Ta mapalowad ko sakaci'inap no Yutaya a tamdaw.

¹² Nikawrira, ano malasakalmed no tamdamdaw ko nika ciraraw no Yutaya, ano o sakalmed no roma a finacadan ko sipon nangra i, mangalef ko nika lmed nangra o Yutaya a tamdaw ano mafohatto ko faloco' nangra a milayap to sapa'orip no Kawas i cangraan!

O Sapa'orip no Kawas to Roma a Finacadan

¹³ Pasowal kako i tamowanan o roma a finacadan. O tarokos namo o roma a finacadan kako saka, kalimlaan ako konini a tayal.

¹⁴ Ano haenen ako i, latek mapalowad ko 'inap no finacadan ako to nika lmed no roma a finacadan. Ta pakayni tonini a mapa'orip ko papinapina nangra sa ko harateng ako.

¹⁵ Ano pakayni i nika falah nangra o finacadan ako ko sakalali'ay no tamdamdaw ato Kawas i, ano malayap no Kawas cangra i, o mamatiya cangra o lomowaday a ma'orip nai patay.

¹⁶ Tinako sa, ano mapacakatto i Kawas ko sa'ayaway a pcih no ^pang i, malano Kawasto a ma^min koya ^pang. Ano mapacakatto i Kawas ko lamit no ccay a kilang i, ma^minto koya ca'ang no kilang a malano Kawas.

¹⁷ Maktonto ko pinapina a ca'ang no olif a kilang, ta mapatongod itira toya kilang ko ca'ang no lifal a kilang. Malcad tonini a ca'ang no lifal kamo o roma a finacadan. Mikihatiyato kamo to Yutaya a tamdaw a makadofah ko 'orip namo.

¹⁸ Orasaka, aka pi^pec kiso toya matiyaay o maktonay a ca'ang. O ca'ang kiso. Saka, maanen iso ko nika lata'ang saw? Caay ka kiso ko sakalomahad no lamit. O lamit ko sakalomahad iso.

¹⁹ Ano hatira, o nika kton noya ca'ang i, o sakanga'ayaw ako a mitongod i kilang sa kiso.

²⁰ So'linayto kora sowal iso. O nika^caan nangra piti'er to Kawas ko sakakton nangra. Nikawrira, nano piti'er namo i ci Kristoan ko sakapisiket namo i tapangan no kilang. Orasaka, aka pisatakaraw. Pina'on ko nga'ay.

²¹ Matiya o ca'ang noya tapangan ko Yutaya a tamdaw. Caay ka limla ko Kawas i cangraan. Kami ko kalimlaan no Kawas sa kamo saw?

²² I tini a mahapinang ita ko sini'ada no Kawas ato 'atkakay a pinangan no Kawas. Ca^desay ko sowal Ningra i matolo'ay a tamdaw. Nikawrira, sini'ada Cingra i tamowanan o marariday a maolah a miti'er i Cingraan. Ano caay ka hatira kamo i, halo amo a ktonen Ningra.

²³ Ano sawaden no Yutaya a tamdaw ko caay paso'lin a faloco' nangra i, o mamapalolol cangra a mapatongod i tapangan nangra. Nawhani ci'icel ko Kawas a miliyaw a patongod i cangraan.

²⁴ Matiya o niktonan a ca'ang no lifal a olif kamo o roma a finacadan. O nipatongodanto kamo i tadaolif a kilang. Caay ka rahoday a haratengen konini a dmak. Nikawrira, matiya o mitoresan a ca'ang no tadaolif a kilang ko Yutaya a tamdaw. Saka, rahoday ko Kawas a miliyaw a patongod cangraan i tapangan nangra.

Sini'ada ko Kawas to Tamdamdaw

²⁵ Salikakaaw, nanay mafana' kamo to pakakmoday a so'linay, ta caay pisamafanafana'ay kamo. Onini a so'lin i, caay ka ^min a 'atkak ko faloco' no Israil a tamdaw, deng tahira i pitalaan to ka^minan no roma a finacadan a pasayni i Kawas.

²⁶ Itiyato a mapa'orip ko polong no Israil a tamdaw. Mato sowal a matilid i Fangcalay Cudad, <

²⁷ O sowal no Kawas i, Yo mihpol Kako to raraw nangra i, onini ko katatlekan Ako ato cangra,>> saan.

²⁸ Tona mifalah ko Yutaya a tamdaw to Nga'ayay Ratoh saka, mala'ada no Kawas cangra. Nikawrira, o nipili'an no Kawas cangra, o niktonan no Kawas ko sowal i tato'asan nangra o Yutaya a tamdaw saka, kaolahan no Kawas cangra i matini.

²⁹ Nawhani caay ka falic ko faloco' no Kawas to pakayniay i pipili' Ningra ato mikomi Ningra.

³⁰ Caay pitoor kamo o roma a finacadan to Kawas i 'ayaw. Nikawrira, i matini sa i, pakayni i nika ^caan pitoor no Yutaya a tamdaw a malakasini'adaen no Kawas kamo.

³¹ Malcad tonini, tona o kasini'adaan no Kawas kamo saka, malacaay pitoor ko Yutaya a tamdaw anini. Onini i, o sakanga'ayaw nangra a milayap to sini'ada no Kawas.

³² Caay pitoor ko tamdamdaw to Kawas saka, samatiya han Ningra o marofoay cangra. Onini i, o sapahapinangaw no Kawas to sini'ada Ningra i tamdamdaw.

O Pipahmek to Kawas

³³ Wata: ko nika talolong no mikomi ato taneng ato fana' no Kawas! Cima ko mafana'ay a mitadtad to pikton Ningra? Cima ko mafana'ay a misapsap to lalan Ningra?

³⁴ Mato sowal a matilid i Fangcalay Cudad, <

³⁵ Cima ko pacaliway i Tapang to papatikoen Ningra toya pacaliway hakiya?>> saan.

³⁶ Nawhani o kasadakan ato pakayraan ato pinokayan no kalomaamaan ko Kawas. Nanay mapahmek ko Kawas a tahira i da'oc. Amin.