Kolosay 2 - 阿美語聖經-新約附詩篇箴言

¹ Nanay mafana' kamo to nika hakowa ko roray ako a matayal to saki tamowanan ato saki i Laotikiyaay a tamdaw ato saki caayho paka'araw i takowanan a tamdamdaw.

² O sakasaan ako i, o sapa'icelaw ako to faloco' namo, ta malaccay ko faloco' namo a masasiolaolah, ta tanektek ko faloco' namo to nano nika so'lin no nika fana' namo, ta mafana' kamo to pakakmoday a dmak no Kawas. Ci Kristo ko nisowalan tonini a pakakmoday a dmak.

³ Ci Kristo ko sakacitaneng to no Kawas ato sakafana' no tamdaw to Kawas.

⁴ Saka, sowalen ako kamo, aka ka safana' no ko^sanay a sowal no nimanima. O tatiihay korira, o nga'ayay konini saan cangra a misolot to faloco' namo.

⁵ Ano caacaay ka itira kako i, mikapot i tamowanan ko faloco' ako. Lipahak kako a miharateng to nika ^ca ka ngiyangi namo ato nika tanektek no faloco' namo a miti'er ci Kristoan.

O Masongila'ay a 'Orip i ci Kristoan

⁶ Tona milayapto kamo ci Yis Kristoan a palatapang saka, pahapinangen i masamaamaanay a dmak namo ko nika laccay namo aci Kristo.

⁷ Kai ci Kristoan a palamit a mapatireng kamo. Do^doen ko nipasifana'an no singsi i tamowanan a patanektek to piti'er namo. O romasato, nanay matongal a matongal ko nipikansiya namo to Kawas.

⁸ Pina'on kamo to saka^caaw ka sa'fit a mapalit no awaay ko ^poc a noharatengan a fana'. Nawhani, o nano tato'asan a nika tatorotorodan a lkakawa no hkal ato lkakawa no lisinan konini, caay ko nano ni Kristo konini.

⁹ Nawhani malatireng i ci Kristoan ko ^min no pinangan no Kawas.

¹⁰ Pakayni i nika laccay namo aci Kristo ko saka malayap haca namo ko kadofahay a 'orip. O Tapang Cingra, ikaka no mikowanay ato cisakowanay a kawakawas Cingra.

¹¹ O romasato, pakayni i nika laccay namo aci Kristo ko nipido^do namo to krit a lisin. Onini a krit a lisin i, caay ko no tamdawan. O nano tayal ni Kristo a mihlong to ciraraway a pinangan namo a palasawad to 'icel nonini.

¹² Yo mapaino' kamo i, mapakapot kamo ci Kristoan a matadem. Pakayni i nipipaso'lin namo a miti'er to 'icel no palowaday ci Kristoan a pa'orip nai patay a Kawas a mapakapot kamo i Cingraan a mapalowad a mapa'orip nai patay.

¹³ I ti:yaho i, mapatayay kamo to no 'adingoan, nawhani ciraraw kamo, o awaay ko Rikec a roma a finacadan. Nikawrira, anini sato i, pakapoten no Kawas kamo ci Kristoan a miliyaw a palowad a pa'orip nai patay, hpolen Ningra ko raraw ita a ma^min.

¹⁴ Oya mipalitay titaanan a tilid ato Rikec no kacirarawan ita i, paceken no Kawas i ciwcika a mipalasawad.

¹⁵ Pakaynien ni Kristo i ciwcika ko pipalasawad to sakowan no mikowanay ato cisakowanay a kawakawas. Patiri'en Ningra i tamdamdaw ko nipalitan Ningra.

¹⁶ Orasaka, aka palit no pipalimo'ot no nimanima to pakayniay i kakaenen ato pisalisin ato pisalisin to fa^lohay a folad ato Pasla'an a Romi'ad.

¹⁷ O matiniay a dmak i, o pa'ayaway aca to aira a dmak no Kawas. Nikawrira, o so'linay a tatirengan i, ira i ci Kristoan.

¹⁸ Aka tngilen ko pilikaf no paci^ci sanay a papisapo^ner to faloco' ato papita'ongay to coyoh a paka'araway kako to mapolosi sanay a tamdaw. Ma'imer ko matiraay a tamdaw to nipa'arawan a dmak. Olatek sa cingra a malata'ang to nano niharatengan ningra.

¹⁹ Caayto pikafit cingra i ci Kristoan o Tapang no sa'opo no mitooray. Pakayni i ci Kristoan ko sakakakafit no kasapokopokoh no tireng a ma^min a madipot, ta mapalahad no Kawas konini.

O Nipikapot ci Kristoan a Mapatay ta Ma'orip

²⁰ Nao mikapotayto kamo i ci Kristoan a mapatay a mapaliyas nai lkakawa no lisinan. Saka, nawiro do^doenho namo ko no hkalan a lkakawa a ma'imer toya,

²¹ <> sanay a rikec saw?

²² Ano makaento i, awaayto konini a ma^min. O nisanga'an aca no tamdaw a sifana' konini.

²³ Ano nengnengen konini a dmak i, hato citanengay ko mahaenay ko dmak a tamdaw. Paci^ci sa cangra a mita'ong to coyoh, misamangah cangra a misapo^ner to faloco'. Pasemsemen nangra ko tireng. 'Arawhani, caay paka'met to 'anof no tireng ko matiniay a dmak.