Kalatiya 5 - 阿美語聖經-新約附詩篇箴言

O Mapakoniraay ko 'Orip no Mitooray ci Kristoan

¹ O sapakoniraaw no 'orip ita i ka'ayaw no Kawas saka, tdalen ni Kristo kita. Orasaka, satanekteken ko faloco' namo. Akato piliyaw a mica'dong to talo'odan no koli.

² Pitngil. Pasowal kako ci Pawlo i tamowanan. Ano mitoor kamo to krit a lisin i, malomaanho namo ci Kristo.

³ Liyawen ako a pahapinang a somowal ko mitooray to krit a lisin a tamdaw a ma^min. O cacitodong kamo a mido^do to Rikec a ma^min.

⁴ Pakayni i Rikec ko sakanga'ay niyam a malayap no Kawas yasanay a misa'icel a tamdaw i, o miliyasay i ci Kristoan, maliyas ningra ko mikomi no Kawas.

⁵ Nikawrira, kita sa i, mapadama no 'icel no Fangcalay 'Adingo ato pakayni i nipiti'er ita ci Kristoan. Saka, halamham sa ko faloco' ita a mitala to sakanga'ayaw ita a malayap no Kawas.

⁶ Nawhani, yo malaccay kita i 'orip ni Kristo Yis i, caay ko kalimlaan ko nika krit ato nika ^ca ka krit, deng o nano pilahci ita to olah a mahapinangay a nipiti'er ko kakalimlaan.

⁷ Manga'ay ko pitoor namo i tiyaho. Anini sato i, cima ko milalangay i tamowanan to saka^caaw ka pihaklong namo to so'lin saw?

⁸ O matiniay a nipikayhid i, caay ko nano dmak no mitahidangay tamowanan a Kawas.

⁹ Tinako sa, mato sowal no mato'asay, <> saan.

¹⁰ Nikawrira, oyananto ko pipaso'lin ako tamowanan. Nawhani malcaday kita a o i salaloma'ay no 'orip no Tapang. Saka, o mamalcad ko harateng ita sa kako. Nikawrira, ano cimato ko mirawraway i tamowanan i, o mamatfoc no Kawas koya tamdaw.

¹¹ Salikakaaw, ano patnakho kako to sapido^doaw no tamdaw to krit a lisin i, kona caay ka kari'ang kako i matini. Ano hatira i, kona awaay ko tahfikoday to ciwcika.

¹² Oya mirawraway i tamowanan i, mamana liti' han nangra ko tireng nangra!

¹³ Salikakaaw, o sakapitahidang no Kawas i tamowanan i, o sakapakoniraaw i tamowanan. Nikawrira, o nika matini namo a mapakonira i, caay ko sapitoor to 'anof no tireng, ka o ciolahay ko faloco' namo a madadamadama.

¹⁴ Nawhani, oya <> sanay a sowal ko mifaloday to polong no Rikec.

¹⁵ Kapina'on kamo, ano matiya o 'a'adopen kamo a makakalakalat ato marari'ari'ang i, o mamatkop kamo.

O Tayal no Fangcalay 'Adingo ato Dmak no Tireng

¹⁶ Pa'icel kako i tamowanan a pasowal, ka o makriday no Fangcalay 'Adingo ko dmak namo, ta caay ka toor namo ko 'anof no tireng.

¹⁷ Nawhani liyangen no tireng ko kangalayan no Fangcalay 'Adingo. Liyangen no Fangcalay 'Adingo ko kangalayan no tireng. Masasi'ada konini a tosaay. Orasaka, caay pakalahci kamo to kangalayan namo.

¹⁸ Ano makrid no Fangcalay 'Adingo kamo i, caayto ka kowan no Rikec kamo.

¹⁹ Mahapinang ko 'anof no tireng ita, o ma'odangay o kaackan ato ma'amlasay a dmak,

²⁰ o mita'ongay to samiyay, o cikawasay, o misa'adaay, o macacoliay, o ma'inapay, o makteray, o misatkeday, o palacinowasay ato micidekay,

²¹ o mapodohay, o malasangay, o haliacangay to no hkal ato matiniay a romaroma a dmak. Mato nika palimo'ot ako i 'ayaw ko nika palimo'ot ako i tamowanan i matini. O matiniay ko dmak a tamdaw i, caay ko mamalafinawlan no Kitakit no Kawas.

²² Nikawrira, o hci no nipikrid no Fangcalay 'Adingo i, o olah, o lipahak, o rihaday, o kodait, o sini'ada, o nga'ayay, o so'linay a faloco',

²³ o damsayay, o paka'metay to tireng. O matiniay a dmak i, awaay ko milalangay a Rikec.

²⁴ O ni Yis Kristo a tamdaw i, o mipacekayto i ciwcika a mipatay to pinangan no tireng ato 'anof no tireng ato 'anof no faloco'.

²⁵ O nano Fangcalay 'Adingo ko sakaci'orip ita. Saka, o tatooren ita ko pikrid no Fangcalay 'Adingo.

²⁶ Aka ka lata'ang. Aka ka sasitlii. Aka ka sasi'inap.