Kalatiya 4 - 阿美語聖經-新約附詩篇箴言

¹ O romasato a sowal ako i, yo o wawaho ko mamirocok to dafong no tawki i, talacowa o no ningra koya dafong a ma^min, nikawrira, malcad ato koli cingra.

² Nawhani makowan no midipotay ato misimaway koya wawa tangasa i nipatonekan no mama ningra a romi'ad.

³ Malcad tonini kita. Yo caayho ka'ikes ko pitoor ita to Kawas i, makowanho no tahaf no hkal a lkakawa no lisinan kita.

⁴ Nikawrira, yo maraodto ko nipatonekan no Kawas a romi'ad i, ocoren no Kawas ko Wawa Ningra. Pakaynien Ningra i fafahiyan ko pihofoc Cingraan. Makowan no Rikec ko 'orip Ningra.

⁵ Onini i, o sapitdalaw Ningra to tamdaw a paliyas nai sakowan no Rikec. Ta manga'ay kita a malawawa no Kawas.

⁶ O sapahapinangaw no Kawas to nika o wawato Ningra kita saka, ocoren no Kawas ko todong no tireng no Wawa Ningra a 'Adingo a papicomod i faloco' ita a papilkal <> titaanan.

⁷ Orasaka, caayto ko koli kiso, o wawato no Kawas kiso. Tona o wawato no Kawas kiso saka, o mamirocokto kiso to dafong no Kawas.

O Sida'it ni Pawlo to i Kalatiyaay a Salikaka

⁸ Yo caho ka fana' kamo to Kawas i ti:yaho i, malakoli no caay ko so'linay a kawakawas.

⁹ Nikawrira, mafana'to kamo to Kawas anini. Ikaka ko nika fana' no Kawas i tamowanan. Nawiro pasayra haca kamo i tadancaay, awaay ko ^poc a lkakawa no lisinan saw? Nawiro mangalay kamo a miliyaw a malakoli nangra saw?

¹⁰ Ma'imer kamo to romi'ad ato folad ato mihcaan ato kasa'owac no mihcaan.

¹¹ Maroray kako a miharateng tamowanan. Matalaw kako to kalasawadan no nitayalan ako i tamowanan.

¹² Salikakaaw, ngitangiten ako kamo, nanay matiya o faloco' ako ko faloco' namo. Nawhani matiya o faloco' namo ko faloco' ako. Awaay ko ccaccay aca a tatiihay a dmak namo i takowanan.

¹³ Mato nika fana' namo, o sakapipatnak to Nga'ayay Ratoh ako i tamowanan i sa'ayaw i, o nika adada no tireng ako.

¹⁴ Talacowa mapakaroray no adada ako kamo, nikawrira, caay pi^pec, caay ka 'osi kamo takowanan. 'Arawhani, matiya o mihamhamay to coyoh no Kawas, matiya o mihamhamay ci Yis Kristoan ko nipihamham namo i takowanan.

¹⁵ Talacowa sato koya lipahak namo i tiyaho saw? Pasowal kako to pakayniay i tamowanan. O harateng namo itiya i, ano mamanga'ay a dicohen namo ko mata no tireng namo i, sapaflian sa kamo i takowanan kiyami?

¹⁶ Anini sa i, caay pikilif kako i tamowanan. Saka, mala'ada namo kako haw?

¹⁷ O lalok noya patnakay i tamowanan i, caay ko so'linay ko faloco' nangra. O sapakacacayaw nangra i takowanan ko patosokan nangra, ta pasayra to ko lalok namo i cangraan.

¹⁸ O nga'ayay ko nika lalok namo to nga'ayay a dmak. Nikawrira, caay ka nga'ay yo itira kako i tamowanan a ccay a malalok kamo.

¹⁹ Wawaaw ako, miliyaw haca kako a matiya o ma'at'atay a misemsem tangasa i kasafacoan ni Kristo i faloco' namo.

²⁰ Ano mama^deng i, tayra sa kako i tamowanan, ta mafalicto ko harateng ako to pakayniay i tamowanan. Nawhani marawraw ko faloco' ako a miharateng tamowanan.

Pakayniay ci Hakaran aci Saraan a Tinako

²¹ Kamo o mangalayay a makowan no Rikec i, paca'ofen kako. Caayho ka tngil namo ko Rikec ni Mosi saw?

²² Matilid i Rikec ko nika tatosa no wawa ni Apraham. O ccay i, o wawa no koli a fafahiyan. O ccay i, o wawa no caay ko koli a fafahi ningra.

²³ O wawa noya koli a fafahiyan i, o no tamdawan a niharatengan a nihofocan. O wawa noya caay ko koli a fafahi ningra i, o nano niktonan no Kawas a sowal ko sakahofoc ningra.

²⁴ O sapatinako konini. Onini a tatosaay a fafahiyan i, o todong no tosaay a katatlekan. O ccay nonini i, nai Sinay a lotok a masadak. Ci Hakar konini. O nihofocan ningra i, o koli a ma^min.

²⁵ O todong no i Arapiyaay a Sinay a lotok ci Hakar. O tatodong no aniniay a Yirusalim cingra. Nawhani malakoli cingra ato wawa ningra.

²⁶ Kirami, oya i kakarayanay a Yirusalim i, caay ko koli, o ina ita cingra.

²⁷ Nawhani, o sowal a matilid i Fangcalay Cudad i, <> saan.

²⁸ Salikakaaw, matiya ci Isak kamo. Nawhani o nano nisowalan no Kawas ko saka malawawa Ningra kamo.

²⁹ Nikawrira, i ti:yaho i, kari'angen no tamdawan a niharatengan a nihofocan a wawa ko nano Fangcalay 'Adingo a nihofocan a wawa. Mahaen ito anini.

³⁰ Maan saan ko sowal i Fangcalay Cudad saw? <> saan.

³¹ Orasaka, salikakaaw, caay ko no koli a fafahiyan a wawa kita. O wawa no caay ko koli a fafahi kita.