Kalatiya 3 - 阿美語聖經-新約附詩篇箴言

O Rikec ato Piti'er

¹ Aya: kamo o maapaay a Kalatiya a tamdaw! Cima ko pamoraraway tamowanan saw? Mapahapinangto i tamowanan ko nika pacek ni Yis Kristo i ciwcika.

² O nipilayap namo to 'Adingo no Kawas i, o nano pido^do namo to Rikec saw? Ano ^ca i, o nano pitngil namo a paso'lin to Nga'ayay Ratoh haw? Deng onini a ccay ko licay ako i tamowanan.

³ Tahacowa ko nika apa namo saw? O nano 'Adingo no Kawas ko satapangan namo a mitoor ci Kristoan. Anini sato i, pakaynien niyam i 'icel no tireng ko pilahci saan kamo haw?

⁴ Awaay ko ^poc noya nilifetan namo to masamaamaanay saw? Ci^pocayto sa kako!

⁵ O sakapipafli no Kawas i tamowanan to Fangcalay 'Adingo ato sakapidmak Ningra to masamaamaanay a kafahka'an a dmak i tamowanan i, o nano nipido^do namo to Rikec haw? Ano ^ca i, o nano pitngil namo a paso'lin to Nga'ayay Ratoh haw?

⁶ Mato sowal a matilid i Fangcalay Cudad to pakayniay ci Aprahaman, <> saan.

⁷ Orasaka, kafana' kamo to nika o miti'eray to Kawas a tamdaw ko so'linay a tloc ni Apraham.

⁸ Mapali'ayawto a mapahapinang i Fangcalay Cudad ko nika o nano piti'er ko sakapisanga' no Kawas to sakanga'ay no roma a finacadan a malayap Ningra saan. Saka, mapali'ayawto a mapatnak ko Nga'ayay Ratoh ci Apraham tonini. Sowal sa ko Kawas, <> saan.

⁹ Paso'lin ci Apraham a miti'er to Kawas. Saka, mapalmed cingra. O paso'linay a tamdaw a ma^min i, milcad i cingraan a malmed.

¹⁰ O mama'kak no Kawas ko mitadi'ecay to nipido^do nangra to Rikec. Nawhani o sowal a matilid i Fangcalay Cudad i, <> saan.

¹¹ Ano hatira i, awaay ko cimacima a tamdaw to nika pido^do to Rikec a malali'ay ato Kawas, nawhani sowal sa i Fangcalay Cudad, <> saan.

¹² Nikawrira, caay pakayni i nipiti'er no tamdaw ko kacipinangan no Rikec, mato sowal a matilid i Fangcalay Cudad, <> saan.

¹³ Mahrekayto ci Kristo a patodong titaanan a ma'kak. Onini i, o sapitdalaw Ningra titaanan a palasawad to pi'kak no Rikec titaanan. Nawhani o sowal a matilid i Fangcalay Cudad i, <> saan.

¹⁴ O sakapihaen ni Kristo tonini a dmak i, o sapido^doaw no Kawas to nisowalan Ningra ci Aprahaman a mipakalmed to roma a finacadan pakayni ci Yis Kristoan. Ta pakayni i nipiti'er ita ci Kristoan ko sapilayap ita to nano nisowalan no Kawas a Fangcalay 'Adingo.

O Rikec ato Niktonan a Sowal

¹⁵ Salikakaaw, patinakoen ako kamo a somowal to no tamdaw. Ano nikahrekanto no tatosa a matatlek i, cimaho ko palasawaday ano ^ca i, patongalay saw? Awaay.

¹⁶ Malcad tonini, o niktonanto no Kawas ko sowal i ci Aprahaman ato tloc ningra. Oya tloc hananay i, <>, ccay aca ko nitoro'an no Fangcalay Cudad, ci Kristo ko nitoro'an.

¹⁷ O tatodong no sowal ako i, yo matatlek ko Kawas aci Apraham i, o mamalahci ko nisowalan Ako saan ko Kawas. O nipatorodan no Kawas ci Mosian a Rikec i ikor no spat a so'ot ira ko tolo a polo' (430) a mihcaan i, caay ko palasawaday toya i 'ayaway a katatlekan ato niktonan no Kawas a sowal.

¹⁸ Nawhani ano nano Rikec ko sakapipafli no Kawas i, caayto ko nano niktonan Ningra a sowal ko sakapipafli Ningra. Nikawrira, o nano sini'ada a niktonan no Kawas a sowal ko sapipafli Ningra ci Aprahaman.

¹⁹ Ano hatira i, o maan ko patosokan no Rikec? O sapahapinangaw to raraw saka, patooren no Kawas to Rikec ko katatlekan. Nikawrira, tahira aca i kairaan noya nisowalan no Kawas a tloc ni Apraham ko sa'osi no Kawas tonini a Rikec. Pakaynien no coyoh i ccay a pakayakayay a tamdaw ko nipipatorod tonini a Rikec.

²⁰ Nikawrira, ano ccay aca a tamdaw ko citodongay to dmak i, malomaan ko pakayakayay. Ccay aca ko Kawas.

O Patosokan no Rikec

²¹ Ano hatira i, o palasawaday to niktonan no Kawas a sowal ko Rikec hakiya? Caay! Ano o pilayap no tamdamdaw to Rikec ko sakaci'orip nangra i, kona o pido^do no tamdaw to Rikec ko sakanga'ay nangra a malayap no Kawas.

²² Nikawrira, o pahapinangay ko Fangcalay Cudad to nika makowanay no raraw ko polong no tamdaw. Orasaka, deng pakayni i nipiti'er no tamdaw i ci Yis Kristoan ko sakanga'ay nangra a milayap to nano niktonan no Kawas a sowal.

²³ I 'ayaw no nika ira no <> i, makowan no Rikec kita a matiya o marofoay tangasa i kahapinangan no <>.

²⁴ Mahaenay saka, malamisimaway titaanan ko Rikec, mikrid titaanan a pasasiyor i ci Kristoan. Ta pakayni i <> ci Kristoan ko sakanga'ay ita a malayap no Kawas.

²⁵ Nikawrira, tona irato i matini ko <> saka, caayto ko Rikec ko misimaway titaanan.

²⁶ Pakayni i <> namo i ci Yis Kristoan ko sakalaccay namo a ma^min aci Kristo a malawawa no Kawas.

²⁷ Pakayni i nika paino' namo a mapalaccayto kamo aci Kristo. Saka, o mica'dongayto kamo to pinangan ni Kristo, o iraayto ko 'orip Ningra.

²⁸ Saka, ano o Yutayato a tamdaw, ano o Krisiyato a tamdaw, ano o kolito, ano caayto ko koli, ano o fa'inayanto, ano o fafahiyanto i, awaay ko kasairoma to maan aca. O malaccayayto kamo i 'orip ni Kristo Yis.

²⁹ Ano ni Kristoto kamo i, o tlocto ni Apraham kamo. O mamilayap kamo to nano niktonanto no Kawas a sowal.