Kalatiya 2 - 阿美語聖經-新約附詩篇箴言

Ci Pawlo ato Romaroma a Tarokos

¹ Nanoya, i ikor no spat ko safaw a mihca, kriden ako ci Titus a malahaklong aci Parnapas a miliyaw a tayra i Yirusalim.

² O nano nipa'arawan no Tapang ko sakatayra ako. I kakrikridan no sa'opo no mitooray i, satked han ako cangra a misahci a somowal to nipatnakan ako a Nga'ayay Ratoh i roma a finacadan. Onini i, o saka^caaw ka lasawad no nitayalan ako to ha:tiniay.

³ Talacowa o Krisiya a tamdaw koya haklong ako ci Titus, o romasato ira ko mangalayay a papikrit cingraan, nikawrira, caay paci^cien cingra a papido^do to krit a lisin. Nawhani mapakonira kami tona malaccay aci Kristo a Yis.

⁴ Ira ko dokdok sanay a matiya o misolapay a micomod to kiwkay niyam a pacfaay a salikaka. Mangalay cangra a mihapinang to nika samaan no pitoor niyam ci Yis Kristoan. Onini i, o sapa'orongaw nangra i tamiyanan to kartengay a lkakawa.

⁵ Nikawrira, sapipatadoaw i tamowanan to sapitrekaw to so'lin no Nga'ayay Ratoh, caay pisorar kami i cangraan to mamamamang aca.

⁶ Saka, ano masamaamaanay koya kakrikridan hananay a tamdaw i, (caay ko papotal ko pi'arawan no Kawas a minengneng to tamdaw, o nika tadamaan nangra ko mimaanay.) Awaay ko sapafli nangra i takowanan to fa^lohay a saparatoh.

⁷ Nikawrira, mahapinang nangra ko nika mato nipipatorod no Kawas ci Pitiroan to tayal a papipatnak to Nga'ayay Ratoh i Yutaya a tamdaw ko nipipatorod Ningra i takowanan to tayal a papipatnak i roma a finacadan.

⁸ Nawhani oya pakatayalay ci Pitiroan a palatarokos to saki Yutaya a tamdaw a Kawas ko pakatayalay i takowanan a palatarokos to saki roma a finacadan.

⁹ Mahapinang na Yakop aci Pitiro aci Yohani, o na tatoloay a cinganganay a malohcek no kiwkay ko nipipatorod no Kawas i takowanan tonini a micidekay a tayal. Saka, laya' sato to kamay cangra a mimetmet to kamay niyam aci Parnapas a pahapinang to nika o kapotto nangra kami a matayal. Mihai kami a ma^min to sakatayraaw niyam aci Parnapas i roma a finacadan a matayal ato sakaitiraaw nangra o kakrikridan i Yutaya a tamdaw a matayal.

¹⁰ Ira ko ccay a longoc nangra i tamiyanan. Nanay miharateng kamo to pakoyoc a salikaka niyam i tini i Yutaya saan cangra. Ano onini a dmak i, o misa'icelayto kako.

O Nika Kter ni Pawlo ci Pitiroan i Antiyok

¹¹ Nikawrira, yo tayra i Antiyok ci Pitiro i, ira ko mararaway a dmak ningra. Saka, si'ayaw han ako cingra a mikakter.

¹² Nawhani yo awaho ko nai ci Yakopananay a papinapina a tamdaw i, mikapot ci Pitiro to roma a finacadan a mitahka. Nikawrira, yo irato cangra i, matalaw ci Pitiro toya paci^ciay a papido^do to roma a finacadan to krit a lisin a Yutaya a tamdaw saka, siikor sato cingra toya roma a finacadan a micidek.

¹³ Saka, kapot sa i ci Pitiroan ko 'alomanay a Yutaya a tamdaw a misamangah ko faloco'. Saka, halo ci Parnapas a makayhid nangra.

¹⁴ Ma'araw ako ko nika ^ca ka pido^do nangra to so'lin no Nga'ayay Ratoh, ta pasowal hanto ako ci Pitiro i ka'ayaw no 'alomanay, <> han ako.

O Nano Piti'er i ci Kristoan ko Saka Mapa'orip ko Yutaya a Tamdaw ato Roma a Finacadan

¹⁵ So'linayto, nahofocen o Yutayataya aca a tamdaw kita. Caay ko ciraraway hananay a roma a finacadan kita.

¹⁶ Nikawrira, mafana' kita, caay ko nano pido^do to Rikec ni Mosi ko sakanga'ay no tamdaw a malayap no Kawas. Deng o nano piti'er ci Yis Kristoan, saan kita. Saka, miti'er kita i ci Yis Kristoan. Onini i, o nano piti'er ita i ci Kristoan ko sakanga'ay ita a malayap no Kawas o sanay ita. Caay ko nano pido^do to Rikec. Nawhani awaay ko ccaccay aca a malayapay no Kawas a tamdaw to nano pido^do to Rikec.

¹⁷ Ano hatira, pakaynien ita i nika laccay aci Kristo ko sakanga'ay ita a malayap no Kawas ano saan kita, itiya a mahapinang ko nika o malcaday kita ato roma a finacadan a ciraraw. Ano hatira i, o micokeray aca ci Kristo to raraw haw? Caayay ka matira!

¹⁸ Nawhani ano miliyaw kako a palowad to miplengan ako i 'ayaw a Rikec i, o pahapinangay kako to nika o mararaway kako.

¹⁹ Ano pakayniay i Rikec i, o mapatayayto kako. O Rikec ko sakapatay ako. Saka, manga'ay kako a mido^do to nafaloco'an no Kawas a ma'orip. O mapakapotayto kako ci Kristoan a mapacek i ciwcika Ningra.

²⁰ Saka, caayto ka o kako ko ma'oripay i matini, ci Kristoto ko ma'oripay i faloco' ako. O nika 'orip ako anini i, o nano piti'er ako toya maolahay takowanan a kinafalah to tireng to saki takowanan a Wawa no Kawas.

²¹ Caay ko mamina'ay kako to mikomi no Kawas. Nawhani ano nano pido^do to Rikec ko sakanga'ay no tamdaw a malayap no Kawas i, o maan ko ^poc to nika patay ni Kristo hakiya?