Ifiso 4 - 阿美語聖經-新約附詩篇箴言

O Saka Laccay no Kiwkay

¹ Orasaka, pa'icel kako o marofoay to nano nika tayal ako to no Tapang a palimo'ot i tamowanan. Nanay mado^do namo i dmak ko nafaloco'an no mitahidangay i tamowanan a Kawas.

² Ka o misapo^neray, o damsayay, o kodaitay, o ciolahay ko faloco' a masasipa'ayaw kamo,

³ ka o rihadayay a faloco' namo ko sakakakafit namo, kararid a misa'icel a ma'imer to nipipalaccay no Fangcalay 'Adingo i tamowanan.

⁴ Nawhani ccay ko tireng, ccay ko Fangcalay 'Adingo, ccay ko patosokan no pitahidang no Kawas tamowanan a pafaloco'.

⁵ Ccay ko Tapang, ccay ko piti'eran, ccay ko pipaino'.

⁶ Ccay ko Wama a Kawas no polong no tamdaw. O maro'ay i polong no kalomaamaan, o mikowanay to polong no kalomaamaan, o matayalay i polong no kalomaamaan Cingra.

⁷ O faloco' ni Kristo ko pi'arawan Ningra a pafli i kahaccaccay ita to micidekay a rocek.

⁸ Mato sowal a matilid i Fangcalay Cudad, <> saan.

⁹ <> yasanay a sowal i, caay hakiya ka o nano maloklonay Cingra tangasa i kala^no no sra?

¹⁰ Orasaka, oya nano <> a tamdaw i, <> i satakaraway a kakarayan a talafaed. O pihaen Ningra i, o sakapitomesaw Ningra to kalomaamaan.

¹¹ Cingra haca koya <> Maparocek Ningra ko roma a tamdaw a malatarokos. O roma i, malapali'ayaway to sowal no Kawas. O roma i, malapatnakay. O roma i, malafoksiay ato pasifana'ay.

¹² O sakapihaen no Kawas i, o pipatala to finawlan no Kawas a matayal to saki Cingraan, patireng to kiwkay, o tireng ni Kristo.

¹³ Ta malaccay kita a miti'er a mafana' to Wawa no Kawas. Ta mato'as ko faloco' ita a matiya o nika songila' ni Kristo.

¹⁴ Ta caayto ko mamatiya o ka^mangay kita a mangiyangi ko faloco' a mafalic a matiya o mapawpaway no taplik ato nai cowacowaay a fali. Ta caayto ko mamasa'fit no tatiihay ato misawiay a sifana' kita.

¹⁵ O romasato, ka o nano olah no faloco' ita ko sakaso'lin no sowal, ta malahad a malahad ko faloco' a miringi ci Kristoan i masamaamaanay a dmak. Nawhani o Tapang no sa'opo no mitooray Cingra.

¹⁶ O mamitadi'ec i Cingraan ko polong ko tireng, pakayni i ci Kristoan ko sakakakafit no kasapokopokoh no tireng a madadamadama. Ano hatira, yo mapakatayal ko kahaccaccay a ca'ang no tireng i, o lalomahad a tanektek ko tireng i kasasiolaolah a mapatireng.

O Fa^lohay a 'Orip i ci Kristoan

¹⁷ Orasaka, o nano sowal no Tapang ko sapa'icel ako a pasowal i tamowanan, akato ka matiya o dmak no caay pitoor to Kawas a tamdaw ko dmak namo. Awaay ko ^poc no nisafaloco'an nangra.

¹⁸ Nawhani to'man ko faloco' nangra. O nika fokil ato nika 'atkak no faloco' nangra ko saka^ca pikihar nangra to nipipafli no Kawas to 'orip cangraan.

¹⁹ Mafokilto cangra to ngodo. Saka, haklong han nangra ko 'anof no faloco' nangra a ma'otit a midmak to masamaamaanay a kaackan a dmak.

²⁰ Nikawrira, caay ka matira ko pinanam namo to pakayniay ci Kristoan!

²¹ Nano matngilay namo ko pakayniay i Cingraan, malanisawawaan to Ningra, o mananamayto koya iraay i ci Yisan a so'lin.

²² Orasaka, hlongen ko mipoheday to 'orip namo a <>. Onini a katlangay a faloco' i, o nano masawiay no 'anof no tireng a malamaponi'ayto.

²³ Safa^lohen ko faloco' namo.

²⁴ Ca'dongen ko <>. Onini a fa^lohay a faloco' i, o milcaday to faco no Kawas a masanga', mapahapinang konini a so'lin to nika mo^cel ato nika korac no dmak.

²⁵ Orasaka, akato pisamangah a somowal. Ka o so'linay a sowal ko sakalalicalicay namo a ma^min. Nawhani o todong no ca'ang no tireng ni Kristo kita a ma^min.

²⁶ Ano maktekter kamo i, aka ka o sakaciraraw namo ko kter namo. Aka ka tahacremen ko kter namo.

²⁷ Aka pangala'en ko Palafoay.

²⁸ O mitatakaway a tamdaw i, akato pitakaw. O nika mo^cel no faloco' ningra a malalok a matayal ko nga'ay. Ta ira ko sapalada' ningra i pakoyoc a tamdaw.

²⁹ Akato ka o tatiihay ko sowal namo. Ka o pa'icelay, o palatamdamdaway ato sakaci^poc no mitngilay a tamdaw a ccay ko sowal namo.

³⁰ Aka pakararomen ko todong no tireng no Kawas a Fangcalay 'Adingo. Nawhani o nitopaanto no Kawas kamo to Fangcalay 'Adingo. Onini a Fangcalay 'Adingo ko kacipinangan to nika o aira ko pitdalan no Kawas tamowanan a romi'ad.

³¹ Sawaden ko masamaamaanay a tlii ato makteray ato mafirangay a faloco' namo. Aka to piliyaw a micacli', aka to piliyaw a milalokes, aka to piliyaw a ira ko masamaamaanay a 'intel.

³² Kasasini'ada'ada, kasasipa'ayaw kamo. Kasasihpol kamo to raraw a matiya o pihpol no Kawas to raraw namo pakayni ci Kristoan.