Hipray 8 - 阿美語聖經-新約附詩篇箴言

O Sakakaay a Citodongay to Ta'ong ita ci Yis

¹ O patosokan no sasowalen niyam i matini i, iraay a maro' i kawanan no TadaCi'icelay a Kawas i kakarayan ko matiniay a Sakakaay a Citodongay to Ta'ong no mita.

² Matayal Cingra anini to no Sakakaay a Citodongay to Ta'ong i Safangcalay a Kaitiraan o todong no so'linay a Talo'an. Caay ko nisanga'an no tamdaw konini a Talo'an, o nisanga'an no Tapang.

³ O sakapipatireng to sakakaay a citodongay to ta'ong hananay i, o mamipacakat cingra to sapaini ato sapato'aya i Kawas. Saka, caay ka ^ca ka o aira ko maan a sapacakat no sakakaay a citodongay to ta'ong ita.

⁴ Ano i tiniayho Cingra i hkal i, kona caay ka o citodongay to ta'ong Cingra. Nawhani iraayto ko mido^doay to Rikec a pacakat to sapaini i Kawas a citodongay to ta'ong.

⁵ O pasamoay to no i kakarayanay a Talo'an ko tayal nangra a citodong to ta'ong. Mahaen ito ko ni Mosi, yo tala'ayaw cingra a misanga' to Talo'an i, palimo'oten no Kawas cingra a pasowal, <> saan.

⁶ Nikawrira, i kakaay no tayal no romaroma a citodongay to ta'ong ko nipatorodan i ci Yisan a tayal. Nawhani i kakaay noya i 'ayaway a katatlekan ko nipakayakayan ni Yis a palalitmoh to Kawas ato finawlan Ningra a katatlekan. O nano nisowalan no Kawas to ikakaay no i 'ayaway a dmak ko sakaira nonini.

⁷ Ano awaay to ko kacango'otan toya sa'ayaway a katatlekan i, sapimaanho ko sakatatosa a katatlekan saw?

⁸ Nikawrira, mitoro' ko Kawas to finawlan Ningra saka, sowal sa ko Tapang, <

⁹ Onini a katatlekan i, caay ka lcad atoya katatlekan Ako ato tato'asan nangra i 'ayawto yo patado Kako cangraan a mikayat a pasadak nai Icip. Caay ka 'imer cangra to katatlekan niyam. Saka, sowal sa ko Tapang, caay kiharen Ako cangra.

¹⁰ Pasowal haca ko Tapang, i ikor nonini a romi'ad i, o papatirengen Ako ko matiniay a katatlekan ato finawlan no Israil. O paparoen Ako i harateng nangra ko rikec Ako, o tatiliden Ako i faloco' nangra. O mamaloKawas nangra Kako, o mamalofinawlan Ako cangra.

¹¹ Caayto ko papatadoen no tamdaw cangra a pakafana' to sakafana' nangra to Tapang. Kafana' to Tapang, caay ko sasaan ko tamdaw a somowal to finacadan no tireng. Ano o sasafaayto, ano o tadamaanayto a tamdaw i, lonok o sasaan ko tamdamdaw a mafana' i Takowanan.

¹² O sasololen Ako ko patlac nangra. Caayto ko haharatengen Ako ko raraw nangra,>> saan.

¹³ Pasowal ko Kawas to pakayniay i fa^lohay a katatlekan saka, o katlang han Ningra koya sa'ayaway. 0 mamalasawadto ko mamatlang a maamaan.