Hipray 7 - 阿美語聖經-新約附詩篇箴言

O Citodongay to Ta'ong ci Milikicitik

¹ O hongti no Salim ci Milikicitik. O citodongay to ta'ong cingra a matayal to no Isatakaraway a Kawas. Yo minokay ci Apraham tona milowid to kakitakitaan i, litmohen ni Milikicitik ci Apraham a mipalmed.

² Paflien ni Apraham cingra to ccay no mo^tepay no nialaan ningra i kalaloodan a kalomaamaan. (O saka ccay a tatodong no ngangan ni Milikicitik i, o <> sanay. O romasato, tona o hongti no Salim cingra saka, o <> sanay ko roma a tatodong no ngangan ningra.)

³ Awaay ko mama, awaay ko ina ningra, awaay ko tilid to pakayniay i tato'asan ningra. Awaay ko satapangan, awaay ko pahrekan no 'orip ningra. Matiya o Wawa no Kawas cingra. Tahada'oc ko nika rarid ningra a malacitodongay to ta'ong.

⁴ Haratengen, hakowa ko nika tadamaan ningra. Halo ci Apraham o tato'asan ita a pafli i cingraan to ccay no mo^tepay no nialaan ningra i kalaloodan a safangcalay a dafong.

⁵ O tloc ni Lifi ko mamalacitodongay to ta'ong. Do^doen nangra ko matiliday i Rikec a limo'ot a miala i finawlan no Israil to ccay no mo^tepay. Talacowa o malcaday cangra o tloc ni Apraham, nikawrira, alaen nangra i finawlan no tireng ko ccay no mo^tepay.

⁶ Caay ko tato'asan ni Lifi ci Milikicitik. Nikawrira, miala cingra i ci Aprahaman to ccay no mo^tepay. Ta palmeden ningra ci Apraham, o milayapay to nano nisowalan no Kawas a sapalmed.

⁷ O papalmed a tamdaw i, caay ka ^ca i kaka no mamilayap to sapalmed a tamdaw ko nika tadamaan ningra.

⁸ Ano pakayniay i citodongay to ta'ong i, ano mialaala cangra to ccay no mo^tepay i, o mamapatay cangra. Nikawrira, ano pakayniay ci Milikicitikan i, o mida'ocay a ma'orip cingra o mialaay to ccay no mo^tepay saan ko sowal a matilid i Fangcalay Cudad.

^9-10 O romasato, yo litmohen ni Milikicitik ci Apraham i, i tatirenganto no tato'asan ningra ci Aprahaman ci Lifi. Caayho ka hofocen cingra itiya. O tato'asan no mamisorot to ccay no mo^tepay ci Lifi. Saka, yo mipafli ci Apraham to ccay no mo^tepay i, o iraayto ci Lifi a mikapot a pafli to ccay no mo^tepay.

¹¹ O mirikecay to finawlan ko tayal no citodongay to ta'ong a Lifi a tamdaw. Saka, mapafli i finawlan no Israil ko Rikec. Ano masongila'ay ko tayal noya citodongay to ta'ong a Lifi i, kona ma^deng ko tloc ni Aron a matayal tonini, kona caay to ka palowad ko mido^doay to tayal ni Milikicitik a roma a citodongay to ta'ong.

¹² Nawhani ano mafalic ko lkakawa no citodongay to ta'ong i, halorikec a mafalic.

¹³ O sasowalen ita i matini a Tapang i, o no roma a ngangasawan. Awaayho ko matayalay nangra to no citodongay to ta'ong a tayal i ka'ayaw no pipato'ayaan.

¹⁴ Kafana'anto ita, o Yuta a ngangasawan ko mihofocay to Tapang ita. Nikawrira, awaay ko maan a sowal ni Mosi to pakayniay i nika tayal nonini a ngasaw to no citodongay to ta'ong.

O Milcaday ci Milikicitikan a Roma a Citodongay to Ta'ong

¹⁵ Mapahapinangto anini ko dmak. Nawhani talahkalto ko fa^lohay a citodongay to ta'ong, o milcaday ci Milikicitikan.

¹⁶ O sakatomireng nonini a tamdaw a malacitodongay to ta'ong i, caay ko nano tamdawan a limo'ot ato rikec. O nano 'icel no mida'ocay a 'orip.

¹⁷ Nawhani o sowal a matilid i Fangcalay Cudad i, <> saan.

¹⁸ O nika tadanca, o nika awa no ^poc noya i 'a:yaway a limo'ot saka, mapalasawad koya i 'a:yaway.

¹⁹ Awaay ko 'icel no Rikec ni Mosi a misongila' to maamaan a dmak. Talahkalto anini ko ikakaay a kacifaloco'an. Pakayni tonini a manga'ay kita a miraod to Kawas.

²⁰ O romasato, o nano niktonan no Kawas a sowal ko sakaira nonini a dmak. Nikawrira, o sakatomireng no i 'a:yaway a citodongay to ta'ong i, caay ko nano niktonan no Kawas a sowal.

²¹ Nikawrira, pakayni i niktonan a sowal ci Yis a malacitodongay to ta'ong, na pasowalto ko Kawas i Cingraan, <>

²² Mahaenay ko nipikton no Kawas to sowal saka, malapawacayay ci Yis to tadaikakaay a katatlekan.

²³ O romasato, 'aloman ko kacacrocror no i 'a:yaway a citodongay to ta'ong. Nawhani mapatayto cangra, caay to kanga'ay a mararid a tayal.

²⁴ Nikawrira, o mida'ocay a ma'orip ci Yis. O tayal Ningra to no citodongay to ta'ong i, caay to kanga'ay a rocoken no tao.

²⁵ Saka, pakafilo Cingra anini ato tahada'oc a misongila' a mipa'orip to miraoday to Kawas pakayni i Cingraan. Nawhani kala'orip han Ningra ko pipatado to tamdaw a mingitangit a mitolon to Kawas a tahada'oc.

²⁶ O matiniay a Sakakaay a Citodongay to Ta'ong ko tadakakalimlaan i titaanan. Nawhani o fangcalay, o awaay ko patlac, o awaay ko raraw, o micidekay to ciraraway a tamdaw, o mapacakatayto i fafaed no kakarayan Cingra.

²⁷ O romaroma a sakakaay a citodongay to ta'ong i, caay ka ^ca pato'aya to romi'ami'ad to sakahpol no raraw no tireng, ta do^do sa i, o sakahpol no raraw no finawlan. Nikawrira, caay ka matira ko ni Kristo. Kinaccay aca Cingra a pato'aya. O tireng Ningra ko sapato'aya Ningra a milahci tonini a dmak.

²⁸ Ano pakaynien i Rikec ni Mosi ko dmak i, mapatireng ko caay ka songila' a tamdaw a malasakakaay a citodongay to ta'ong. Nikawrira, i ikorayto no nika ira no Rikec a dmak no Kawas i, pakaynien no Kawas i niktonan a faloco' ato sowal ko nipipatireng to mida'ocay, masongila'ay a Wawa Ningra a palaSakakaay a Citodongay to Ta'ong.