Hipray 6 - 阿美語聖經-新約附詩篇箴言

¹ Orasaka, liyasen ita ko sa'ayaway a ninanaman ita to pakayniay i ci Kristoan, pasayra i saka'ikes no faloco' a miti'er a tala'ayaw, o nipifalic to faloco' a miliyas to awaay ko ^poc a dmak ato nipipaso'lin to Kawas

² ato pipasifana' to kasasiroma no ino' a lisin ato mikapaay to tamdaw a dmak ato pipalowad a pa'orip to mapatayay ato mida'ocay a pisawkit hananay a dmak.

³ O nika tala'ayaw ita a miharateng to masongila'ay a sifana' ko nga'ay. Ano o nafaloco'an no Kawas i, o hahaenen no mita.

⁴ O sakasaan i, oya miliyasay to mo^celay a lalan hananay a tamdaw i, maanen nangra a misafa^loh a palisomad saw? o nano mapatdiayto no 'dil no Kawas cangra, pakapitanamayto to 'ardet no nai kakarayanay a rocek, pakalayapay haca to Fangcalay 'Adingo,

⁵ ato pakatinakoayto nika fangcal no sowal no Kawas, pakahapinang haca to 'icel no pahrekan no hkal,

⁶ 'arawhani, miliyas haca to mo^celay a lalan. O hatiniay a tamdaw, awaay to ko pakayrayraan nangra a patatikol ato palisomad to faloco', nawhani, o miliyaway cangra a mipacek i ciwcika to Wawa no Kawas, o pakangodoay cangra i Cingraan i ka'ayaw no tamdamdaw.

⁷ Mararid a mahcep no sra ko 'orad, sakalahad no kalodateng ato sakaci^poc no maomahay, o sapalmed no Kawas konini.

⁸ Nikawrira, ano o fadal ato 'odidal ko nipalahadan no sra i, awaayto ko ^poc. Latek o mama'kak no Kawas koya sra a mitodoh.

⁹ Kaolahan ako a salikaka, talacowa matini ko nika somowal niyam, nikawrira, caay ko mamatira kamo saan kami. Paso'lin kami to nika nga'ay ato nika tatodong no piti'er namo ci Kristoan. O mamapa'orip no Kawas kamo.

¹⁰ O mo^celay ko Kawas saka, caay ka tawal Ningra ko nano tayal namo ato nipipatalahkal namo to olah i Cingraan i tini i nipipadama namo to mitooray ato nika tahanini nora dmak namo.

¹¹ O longoc niyam i tamowanan o kahaccaccay i, nanay malcad ko lalok namo tangasa i pahrekan ta malahci ko kacifaloco'an namo.

¹² Nanay caay ka toka kamo. Ka o mitodongay kamo to miti'eray to Kawas a kodaitay ko faloco' a tamdaw. Ta malayap namo ko nano nisowalan no Kawas a sapafli.

O Nika So'lin no Niktonan no Kawas a Sowal

¹³ Yo mikton to sowal ko Kawas ci Aprahaman i, kton sa Cingra to faloco'. Awaay ko i kakaay Ningra a malotatoro'en Ningra a mikton to faloco'. Saka, o tireng Ningra ko nitoro'an Ningra a mikton to faloco'.

¹⁴ Sowal sa, <> saan.

¹⁵ O kodaitay ko faloco' ni Apraham. Saka, malayap ningra ko nano nisowalan no Kawas a dmak.

¹⁶ Ano mikton ko tamdaw to faloco' i, o ikakaay ningra a tamdaw ko tatoro'en ningra a mikton to faloco' a somowal. Pakayni tonini a dmak a malasawad ko masamaamaanay a kalaliyaliyang no tamdaw.

¹⁷ Mahaen ko dmak no Kawas. O sapahapinangaw Ningra i mamilayap to nisowalan Ningra a dmak to nika caay ko mamafalic ko nafaloco'an Ningra saka, pakaynien Ningra i niktonan Ningra a faloco' ko nipipahapinang to niktonan Ningra a sowal.

¹⁸ Onini a caay ko mamafalic a niktonan no Kawas a faloco' ato sowal Ningra i, o pahapinangay i titaanan to nika caay ko misamangahay ko Kawas. Saka, kita o pakatamaay to papa'ading titaanan i, malatadamaanay a sapa'icel to faloco' ita konini. O saka^caaw pisawad ita a miharateng to kacifaloco'an ita.

¹⁹ Onini a kacifaloco'an ita i, o masongila'ay, o tanektekay a malo'enor no 'orip ita. Micomod i sapala'ed a kiradom no kakarayay a Fangcalay Pita'ongan tangasa i Safangcalay a Kaitiraan.

²⁰ Malasa'ayaway no mita ci Yis a micomod itira a malataypiyaw ita a matayal. O mido^doay Cingra ci Milikicitikan a mida'oc a malaSakakaay a Citodongay to Ta'ong.