Hipray 5 - 阿美語聖經-新約附詩篇箴言

¹ O nipili'an nai tamdamdaw ko sakakaay a citodongay to ta'ong hananay. O nipatirengan cingra to mamalataypiyaw no tamdamdaw a matayal to no Kawas. O papacakat cingra to sapato'aya to sakahpol no raraw.

² Adihayay ko tadanca no tireng no sakakaay a citodongay to ta'ong, saka, damsay ko faloco' ningra a pa'ayaw to mafokilay ato moraraway a tamdaw.

³ Tona o tadancaay ko tireng ningra, caay ka dengan o nipipato'aya ningra to saki raraw no finawlan, o mamipato'aya haca to saki no tirengan a raraw.

⁴ Caay ko no tireng a harateng ko sakacingangan no tamdaw to no sakakaay a citodongay to ta'ong. Deng o nano pitahidang no Kawas ko sakacingangan no tamdaw tonini a matiya o ni Aron.

⁵ Mahaenay ito ci Kristo, caay ka Cingra ko pacakatay to tireng a palasakakaay a citodongay to ta'ong. O Kawas ko pasowalay Cingraan, << O Wawato Ako Kiso. MalaWamato Iso Kako anini,>> saan.

⁶ O roma a sowal Ningra a matilid i Fangcalay Cudad i, <> saan.

⁷ Yo i tiniho i hkal ci Yis i, satata'ang sa Cingra to ngiha' a talalosa' a mitolon a mingitangit i pakapa'oripay Cingraan nai patay a Kawas. O misapo^neray Cingra to faloco' i ka'ayaw no Kawas. Saka, tngilen no Kawas ko pitolon Ningra.

⁸ Talacowa o Wawa no Kawas Cingra nikawrira, pakayni i nipisemsem Ningra ko sakafana' Ningra a mihaklong to faloco' no Kawas.

⁹ Yo masongila'to ci Yis i, malamida'ocay a pa'oripay Cingra a pa'orip to polong no mihaklongay i Cingraan.

¹⁰ Orasaka, o mido^doay ci Yis ci Milikicitikan a malaSakakaay a Citodongay to Ta'ong han no Kawas Cingra.

O Papina'on to Saka^caaw Piliyas to Kawas

¹¹ Adihayho ko sasowalen niyam i tamowanan to pakayniay tonini a dmak. Nikawrira, maorat ko faloco' namo. Saka, maroray kami a misahci a mipakafana' i tamowanan.

¹² Ano pakaynien i nika halafin namo a mitoor i, ma^dengto kamo a malapasifana'ay. Nikawrira, o laliyawenho no nima kamo a misatapang a mipasifana' to sowal no Kawas. Caayho ka nga'ay kamo a komaen to 'atkakay. O hacolho ko malokakaenen namo.

¹³ O komaenayho to hacol i, o mola'ayho a wawa. Caayho ka fana' cingra to nga'ayay ato tatiihay.

¹⁴ O 'atkakay a kakaenen i, o kakaenen no mato'asay, oya mafana'ayto a mihapinang to nga'ayay ato tatiihay a matanengayto a tamdaw.