Hipray 4 - 阿美語聖經-新約附詩篇箴言

¹ Tona mahrekto ko Kawas a mikton to sowal to sapicomodaw ita i nisowalan Ningra a pasla'an, saka ka ira ko mangodoay a matalaway a faloco' ita, ano^ca ira ko mapidahay hananay no tao i laloma' namo, o caay ko papakalayap to pasla'an ningra.

² Nawhani malcad ato cangra kita a mapatngil to Nga'ayay Ratoh. Nikawrira, caay ka ci^poc ko nipitngil nangra. Nawhani caay paso'linen nangra ko nitngilan nangra a sowal.

³ Kita o paso'linay a tamdaw i, o micomoday to nisowalan no Kawas a pasla'an. Mado^do ko sowal no Kawas toya, <> sanay. Talacowa i ti:ya aca yo mahrek ko Kawas a misanga' to hkal a mapahrek ko tayal Ningra, nikawrira, pararid haca Cingra a somowal to matiniay a sowal.

⁴ Ira a matilid i Fangcalay Cudad ko pakayniay i saka pito a romi'ad. <> saan.

⁵ I tini tona malcaday a dmak i makidat haca ko roma a tosir, sowal sa, <> saan.

⁶ Oya mitngilay to Nga'ayay Ratoh i sa'a:yaw i, caay paso'lin cangra saka, caay pacomoden no Kawas cangra i pasla'an. Nikawrira, ira ko romaroma to mamanga'ay a micomod toya nisowalan no Kawas a pasla'an.

⁷ Mapahapinang konini itini to nika nawiro mipatonek ko Kawas to roma a <> hananay a romi'ad. I ikor no pinapi:na a mihcaan i, pakaynien Ningra i ci Tafitian ko nipipasowal, irato a matilid i Fangcalay Cudad, <> saan.

⁸ Ano ci Yosuwa ko mikriday to finawlan a pacomod i nisowalan no Kawas a pasla'an i, kona caay pasowal ko Kawas i ikor noya romi'ad to pakayniay i roma a romi'ad.

⁹ Ano hatira i, iraho ko roma a masongila'ay a malopasla'an no finawlan no Kawas. Malcad to <> no Kawas konini.

¹⁰ Nawhani, o micomoday to nisowalan no Kawas a pasla'an a tamdaw i, o pasla'ay to tayal no tireng, matiya o nipipasla' no Kawas to tayal Ningra.

¹¹ Orasaka, sa'icelen no mita a micomod to nisowalan no Kawas a pasla'an. Ta caay ka matiya oya pacoliay to Kawas a tamdaw ko cimacima ita a ^ca pakacomod.

¹² O ma'oripay, o ci'icelay ko sowal no Kawas. Ikakaay no matalemay a matatapalay a sinang no fonos ko nika talem nira. Pakacocokay to faloco' ato salo'afang ita ato i laloma'ay no tireng ita halodo'es no 'okak. O mihapinangay to harateng ato kangalayan no faloco' ita konini.

¹³ Awaay ko masimeday i ka'ayaw no Kawas to ccaccay aca. Mawacay a ma^min a ma'araw no mata Ningra ko nisanga'an Ningra. O papasowal kita i Cingraan to nano dmak ita.

O Sakakaay a Citodongay to Ta'ong ci Yis

¹⁴ Ira ko no mita a tayraay i ka'ayaw no Kawas a tadamaanay a Sakakaay a Citodongay to Ta'ong a Wawa no Kawas ci Yis. Orasaka, ka'imeren ita ko piti'er i Cingraan.

¹⁵ O no mita a sakakaay a citodongay to ta'ong i, caay ko mafokilay a miharateng to nika tadanca ita. I tini i masamaamaanay a dmak i, malcad ato kita Cingra a malifet. Nikawrira, caay ka raraw Cingra.

¹⁶ Orasaka, aka ka talaw kita a miraod a tala'ayaw no kamaro'an no matomesay no mikomi a Kawas, ta manga'ay a milayap kita to adayay ato mikomi Ningra, to saka tangsol ita a mapadama.