Hipray 3 - 阿美語聖經-新約附詩篇箴言

Ikaka ni Mosi ci Yis

¹ Kamo o matahidangay no Kawas a mitooray ci Kristoan a salikaka, o haharatengen namo ci Yis. O niocoran no Kawas Cingra a malatarokos ato Sakakaay Citodongay to Ta'ong a mipatalahkal to piti'er ita.

² Matiya o nika so'lin no dmak ni Mosi a milahci to nipatorodan no Kawas i Cingraan a tayal to saki paro no loma' no Kawas ko nika so'lin no dmak ni Yis a matayal to saki mipatirengay Cingraan a Kawas.

³ Ikaka no nika tadamaan no loma' ko nika tadamaan no mipatirengay toya loma'. Malcad tonini, ikaka ni Mosi ko nika tadamaan ni Yis.

⁴ Caay ka ^ca ira ko misanga'ay to kahaccaccay a loma'. Nikawrira, o Kawas ko misanga'ay to polong no maamaan.

⁵ O so'linay a matayalay to saki polong no dmak no loma' no Kawas ci Mosi. Onini i, o ccay no pipali'ayaw ningra to i ikoray a sasowalen no Kawas a dmak.

⁶ Nikawrira, o so'linay a citodongay to dmak no loma' no Kawas a Wawa no Kawas ci Kristo. Ano mararid ko nika tanektek no faloco' ita a paso'lin to pafaloco'an ato kacicdi no faloco' ita i, o paroto no loma' no Kawas kita.

O Pasla'an no Finawlan no Kawas

⁷ Orasaka, mato sowal no Fangcalay 'Adingo, <

⁸ aka ka 'atkak ko faloco' namo a matiya o dmak no i ti:yaho a pacoli to Kawas, misawi i Cingraan i kohkohan.

⁹ Sowal sa ko Kawas, talacowa ma'araw no tato'asan namo itira to spat a polo' no mihcaan ko dmak Ako, nikawrira, lifeten nangra Kako itira.

¹⁰ Orasaka, kakteren Ako koya finawlan. O sowal Ako i, caay ko so'linay ko faloco' nangra, tada o maliyangay haca to limo'ot Ako ko pinangan nangra.

¹¹ Saka, kton sato Kako to faloco' to nano kter Ako, saan Kako,>> saan ko Fangcalay 'Adingo.

¹² Salikakaaw, pina'on kamo. Latek ira i tamowanan ko tatiihay ko faloco', caay paso'lin to Kawas ta malamiliyasay cingra to ma'oripay a Kawas.

¹³ O saka^caaw ka tolo' no nima namo i raraw a mala'atkakay ko faloco' saka, yo iraho ko anini hananay a nitoro'an no Fangcalay Cudad a romi'ad i, kasasipa'icel kamo to romi'ami'ad.

¹⁴ Ano tahira i pahrekan ko nika 'imer ita toya sa'ayaway a tanektekay a faloco' ita a miti'er i, o kapotto ni Kristo kita.

¹⁵ O sowal a matilid i Fangcalay Cudad i, <> saan.

¹⁶ Cima hakiya ko mitngilay to sowal no Kawas a pacoliay i Cingraan? Caay koya nikridan ni Mosi a pasadak nai Icip a finawlan a ma^min saw?

¹⁷ Cima hakiya ko kakteran no Kawas to spat a polo' no mihcaan? Caay koya ciraraway, oya polin sanay a mapatay i kohkohan a finawlan saw?

¹⁸ Yo mikton to faloco' ko Kawas a somowal, <> ya sanay i, cima hakiya ko nipasowalan no Kawas tonini? Caay koya pacoliay a finawlan ko nisowalan saw?

¹⁹ Orasaka, i tini a mafana' kita to nika o saka^ca pakacomod nangra i pasla'an i, o nika ^ca paso'lin nangra.