Hipray 2 - 阿美語聖經-新約附詩篇箴言

O Tadamaanay a Pipa'orip no Kawas

¹ Orasaka, o sasongila'en ita a pakifaloco' ko nitngilan ita a so'lin, to saka^caaw ka kayhid.

² Nawhani mahapinangto ko nika o so'linay ko nipatnakan no coyocoyoh i titaanan a sowal. Saka, malayapto no miliyangay to rikec ato caay pihaklong toya sowal a tamdaw ko tatodong nangra a tfoc.

³ Mahaenay saka, ano satalifokilen ita ko tadamaanay a pipa'orip no Kawas i, samaanen ita ko piliyas to pitfoc no Kawas saw? O Tapang ko sa'ayaway a paratoh to pakayniay i pipa'orip Ningra. Ta o so'linay konini saan ko mitngilay a tamdaw. Mapahapinangto nangra i titaanan konini.

⁴ Halo Kawas a pahapinang tonini. Pakaynien Ningra i masamaamaanay a kafahka'an a dmak ko nipipahapinang tonini. Do^doen Ningra ko nafaloco'an Ningra a pafli i titaanan to sapafli no Fangcalay 'Adingo.

O Mamikrid to Tamdaw a Pa'orip

⁵ Caay papikowanen no Kawas ko coyocoyoh toya sasowalen ita i matini a aira a fa^lohay a hkal.

⁶ Mato sowal a matilid i Fangcalay Cudad, <

⁷ I safaayho no coyocoyoh to miming ko pisanga' Iso cingraan. Mapafli Iso cingra to ma'dilay ato tadamaanay to malotamohong ningra.

⁸ Papikowanen Iso cingra to polong no maamaan,>> saan. <> yasanay a sowal i, mahapinang ito, o mihawopay to maamaan a ma^min. Nikawrira, caayho ka 'araw ita ko pikowan no tamdaw to maamaan a ma^min.

⁹ Nikawrira, ma'araw ita ci Yis i, pacna' Cingra a isafa no coyoh ko 'orip Ningra. Onini i, o sapatalahkalaw Ningra to mikomi no Kawas a mapatay to saki polong no tamdaw. Nano misemsemay Cingra a mapatay saka, ma'araw ita anini ko nipipalatadamaan no Kawas i Cingraan.

¹⁰ O sapikridaw no misanga'ay, midipotay to maamaan a Kawas to 'alomanay a wawa Ningra a papikapot i nika tadamaan Ningra saka, o matatodongay ko nipipapisemsem Ningra ci Yisan a misongila'. Nawhani ci Yis ko mamikrid i cangraan a pa'orip.

¹¹ Koracen ni Yis ko raraw no tamdaw saka, o ccayay ko Mama Ningra o mikoracay ato nikoracan Ningra a tamdaw. Saka, caay ka ngodo ci Yis a o salikaka han Ningra cangra.

¹² Sowal sa Cingra, <> saan.

¹³ O romasato a sowal Ningra i, <> saan. O roma a sowal Ningra i, <> saan.

¹⁴ Tona o cihciay ko tatirengan noya wawawawa saka, palcad han ni Yis to tireng nangra ko tireng Ningra. Onini i, nga'ay pakayni i nika patay Ningra ko pitkop Ningra toya ci'icelay a mikowan to patay no Palafoay.

¹⁵ O romasato, nga'ay matdal ko mapa^kelay no talaw to patay to romi'ami'ad a tamdamdaw, o sanay Ningra.

¹⁶ Mahapinang ko nika caay ko coyocoyoh ko nipadamaan Ningra. O tlotloc ni Apraham ko nipadamaan Ningra.

¹⁷ Orasaka, i tini i polong no dmak i, o mamilcalcad aca Cingra to salikaka Ningra. Ta nga'ay Cingra a malasini'adaay, malatati'eren nangra a sakakaay a citodongay to ta'ong a matayal to no Kawas to sakahpol no raraw no tamdamdaw.

¹⁸ Nano milifetay Cingra to pades a misemsem. Saka, ma^deng Cingra a padama anini to mapadesay a tamdaw.