Hipray 13 - 阿美語聖經-新約附詩篇箴言

Maanen ko Sakarahker no Kawas

¹ Kararid kamo a masasiolaolah ato salikaka.

² Aka pitawal a misanga'ay a mihamham to lafang. Nawhani o romaroma a mihaenay to lafang a tamdaw i, o coyoh ko nihamhaman nangra. Caay ka fana'en nangra konini.

³ Kihatiyaen ko faloco' no marofoay a tamdaw a miharateng. Kihatiyaen ko faloco' no misemsemay a tamdaw. Nawhani malcaday kita ato cangra a citireng.

⁴ O a 'imeren no tamdaw a ma^min ko kararamod nangra. Sarocoden ko faloco' i ramod iso. Nawhani sawkiten no Kawas ko ma'odangay a tamdaw.

⁵ Aka ka o ma'anofay to payso ko dmak namo. Ma^deng kako tonini a iraay a dafong ako han ko faloco'. Nawhani <> saan ko sowal no Kawas.

⁶ Orasaka, caay paska kita a somowal to, <> sanay.

⁷ Haratengen ko i 'a:yaway a mikriday tamowanan, oya pasowalay i tamowanan to sowal no Kawas. Haratengen ko hci no dmak nangra. Todongen ko piti'er nangra to Kawas.

⁸ Ano inacilato, ano aninito, ano tahada'octo i, caay ko mamafalic ci Yis Kristo.

⁹ Aka ka safana' no masamaamaanay a roma a sifana' kamo. Sa'icelen a miti'er ko mikomi no Kawas a patanektek to faloco' namo. Aka piti'er to lkakawa no pakayniay i kakaenen. Awaay ko ^poc no nipido^do no tamdaw to lkakawa to pakayniay i kakaenen.

¹⁰ Caay ka nga'ay a mikapot i titaanan a komaen ko matayalay i pita'ongan no Yutaya a citodongay to ta'ong i Talo'an.

¹¹ Alaen no sakakaay a citodongay to ta'ong no Yutaya ko rmes no 'a'adopen a micomod i Safangcalay a Kaitiraan a pacakat to sakahpol no raraw. Nikawrira, i papotal no patalo'anan a todohen ko tireng noya 'a'adopen.

¹² O sapikoracaw ni Yis to finawlan pakayni i rmes Ningra, orasaka, mapatay Cingra i papotal no niyaro'.

¹³ O nika sadak ita a tayra i papotal no patalo'anan ko nga'ay a miraod i Cingraan a mikihatiya a mapakangodo.

¹⁴ Nawhani awaay i tini i hkal ko malo no mita a mida'ocay a tadaniyaro'. O mitalaay kita to aira a maloniyaro' ita.

¹⁵ Orasaka, pakaynien ita i ci Yisan ko nika rarid ita a pahmek to Kawas to todong no sapato'aya ita. O sapato'aya no patalahkalay to nika fana' ita Cingraan a ngoyos ita konini.

¹⁶ Aka pisawad to nga'ayay a dmak ato nipipalada'. Nawhani o kaolahan no Kawas ko matiniay a sapacakat.

¹⁷ Tngilen, haklongen ko sowal no mikriday tamowanan a tamdaw. O marariday cangra a miharateng to sakanga'ay no salo'afang namo. Nawhani o papasowal cangra i Kawas to dmak nangra. Ano haklongen namo ko sowal nangra i, lipahak cangra a matayal. Ano caay haenen namo i, mararom cangra a matayal i tamowanan. Ano hatira i, awaay ko ^poc namo.

¹⁸ Nanay caay pitolas a mitolon to saki tamiyanan. Paso'lin kami ira ko tingalaway a nga'ayay a faloco', mihai a mararid a romakat to mo^celay a lalan.

¹⁹ Mingitangit kako i tamowanan. Nanay mitolon kamo i Kawas to sakaranikayaw ako a minokay i tamowanan.

O Pitolon

^20-21 Mapalowaday to no Kawas ko Tapang ita ci Yis nai patay a ma'orip. O patirengay Cingra to mida'ocay a katatlekan pakayni i rmes Ningra, Palatadamaanay a Pakaenay to siri ci Yis. Nanay, onini a Kawas ko pafliay tamowanan to maamaan to sakanga'ay no dmak namo a ma^min. Ta malahci namo ko nafaloco'an Ningra. Nanay, pakaynien Ningra i ci Yis Kristoan ko nipilahci i faloco' ita to kaolahan Ningra a dmak. Nanay, caay ka citolas a mapahmek ci Kristo! Amin.

O Sapaikor a Sowal

²² Salikakaaw, caay ka hakowa ko nitilidan ako. Tngilen haw konini a pipa'icel ako i tamowanan.

²³ Pakafana'en ako kamo to nika matdalto nai pirofoan ko salikaka ita ci Timoti. Ano ranikay cingra a tayni i, malahaklong kami a tayra a miliso' i tamowanan.

²⁴ Nga'ayho han a paratoh ko polong no mikriday i tamowanan ato mitooray a ma^min. Nga'ayho saan a paratoh i tamowanan ko nai Italiay a salikaka.

²⁵ Nanay, mapaini no Kawas kamo a ma^min to mikomi!