Hipray 12 - 阿美語聖經-新約附詩篇箴言

O Wama ita a Kawas

¹ Hatini ko nika 'aloman no pawacayay to dmak no Kawas a tamdaw a milikot i titaanan. Orasaka, falahen ita ko kartengay a 'inorong a ma^min ato mifedfeday titaanan a raraw. Lahcien ita a comikay ko cacikayen ita.

² Pamoteken ita a minengneng ko piti'eran ita ci Yis. Nawhani o palowaday, o milahciay to pitoor ita Cingra. O sapilayapaw Ningra to aira a malolipahak Ningra saka, o nika pakangodo Ako ko mimaanay, saan Cingra. Hadidi han Ningra ko nika pacek Ningra i ciwcika. Maro' Cingra anini i kawanan no tadamaanay a kamaro'an no Kawas.

³ Haratengen Cingra o nano mihadidiay to pi'intel no ciraraway a tamdaw. Ta caay ka roray, caay ka toled kamo.

⁴ Milood kamo to raraw i, awaayho ko taharmesay namo a mico'ay to raraw.

⁵ Matawal namo saw ko nipipa'icel no Kawas? Samatiyaen Ningra o nika somowal no mama i wawa ko nika somowal Ningra i tamowanan. O sowal Ningra i, <

⁶ Nawhani toro'en no Tapang ko raraw no kaolahan Ningra a tamdaw, o wawa Ako yahananay no Tapang a ma^min i, sti'en Ningra,>> saan.

⁷ O nipihaen no Kawas i, o wawa Ako konini, o sanay Ningra. Saka, o nipipalatamdaw no Mama ako takowanan konini han ko harateng a mihadidi. Iraay sa ko caay pipalatamdaw to wawa a mama?

⁸ Ano caay palatamdawen no Mama kiso i, caay ko so'linay a wawa Ningra kiso. O focod a wawa kiso. O nihaenan Ningra a ma^min ko wawa Ningra a palatamdaw.

⁹ O mama ita i tini i hkal i, mipalatamdaw i titaanan. Ta kangodoen ita cangra. Ano hatira i, mangalef ko nika nga'ay ita a mihaklong to no salo'afangan a Mama ita ta ci^poc ko 'orip ita.

¹⁰ O mama ita i tini i hkal i, o pasamo aca ko dmak ningra a mipalatamdaw titaanan a mido^do to harateng ningra. Nikawrira, o nipipalatamdaw no salo'afangan a Mama ita i, o sakaci^poc ita, o sakapikapotaw ita i Cingraan a malafangcalay.

¹¹ Ano misalof ko cima a palatamdaw titaanan i, caay ko kalipahakan ita itiya, o kararoman ita. Nikawrira, i ikoray i, pakayni tonini a dmak ko sakacirihaday ato sakamo^cel no dmak no mita o nilifetan a tamdaw.

O Pasifana' ato Palimo'ot

¹² Orasaka, fiyacen ko marorayay a kamay ato rarimaay a tosor namo.

¹³ Kararid a pakayra i mo^celay a lalan a romakat. Ta caay ka ngalef ko pi'iw no wa'ay iso. Ta maadahto ko wa'ay iso.

¹⁴ Sa'icelen ko sakararihaday ato polong no tamdaw. Sa'icelen ko sakafangcal no dmak namo. Ano caay ka fangcal i, caay ko papaka'araw kamo to Tapang.

¹⁵ Pina'on. Latek iraaw ko pakapisawaday to mikomi no Kawas. Pina'on. Latek iraaw ko milcaday to ci sawarakay a losay, malahad to i, mikari'ang to tamdamdaw.

¹⁶ Pina'on. Latek iraaw ko ma'odangay ano ^ca i, malamilcaday ci Isauan a caay ka ngodo to Kawas, pakayni i mamangay a kakaenen paliwal han ni Isau to fisac a ngangan ningra.

¹⁷ Mafana' kamo, nanoya, yo mangalay cingra a milayap to sapalmed no mama ningra i, mawanikto cingra. Ano tomangimangic cingra a mingitangit i, awaayto ko pakayraan ningra a mifalic to nidmakan ningra.

¹⁸ Caay ka matiya o finawlan no Israil kamo anini a miraod to makapaay a Sinay a lotok a misi'ayaw to marengrengay a namal ato to'em ato to'man ato faliyos

¹⁹ ato soni no la^pa ato ngiha' no pasowalay. Yo mitngil ko finawlan toya ngiha' i, mingitangit cangra to saka^caaw piliyaw noya pasowalay a pasowal.

²⁰ Nawhani caay pakahadidi cangra to limo'ot no Kawas toya, <> sanay a sowal.

²¹ Tada o kacalemceman koya dmak a nengnengen. Saka, o sowal ni Mosi i, <> saan cingra.

²² O miraodayto kamo to Cion a lotok ato i kakarayanay a Yirusalim a niyaro' no ma'oripay a Kawas. Ira itira ko pinapi:na a 'ofad a coyoh.

²³ O miraodayto kamo i lipahakay a sa'opo no matiliday ko ngangan i kakarayan a fisac a wawawawa no Kawas. O miraodayto kamo to misawkitay to polong no tamdaw a Kawas ato salo'afang no nisongila'an no Kawas a nga'ayay a tamdaw.

²⁴ O miraodayto kamo ci Yisan o patirengay to fa^lohay a katatlekan ato mafarsi'ay a rmes. Ikakaay no rmes ni Apil konini a rmes a mitoro' to tadamaanay a dmak.

²⁵ Pina'on kamo. Latek malama'osiay kamo a mitngil to sowal no pasowalay. Nawhani o ma'osiay a mitngil to sowal no pasowalay to sowal no Kawas i tini i hkal i, awaay ko pakayraan nangra a miliyas to tfoc. Ano misiikor kita to nai kakarayanay a pasowalay i, mangalef ko nika awato no pakayraan ita a miliyas.

²⁶ Itiya i, mangernger no ngiha' Ningra ko sra. Nikawrira, anini sato mikton Cingra to sowal, <> saan.

²⁷ Oya <> sanay a sowal i, o kacipinangan ita to nika o mamangernger o mamalasawad ko masanga'ay no Kawas a maamaan. Onini i, o saka'osawaw no caay ko mamangernger a maamaan.

²⁸ O caay ko mamangernger a kitakit ko mamalokitakit ita. Orasaka, o kakansiyaen ita ko Kawas. Ka o matatodongay i nafaloco'an Ningra ko nipita'ong ita i Cingraan a mangodo.

²⁹ Nawhani o mitodohay a tadamarengrengay a namal ko Kawas ita.