Hipray 11 - 阿美語聖經-新約附詩篇箴言

O Piti'er to Kawas

¹ O piti'er to Kawas hananay i, o so'linay konini sanay a faloco' to pafaloco'an ato caay ka 'araw a dmak.

² Miti'er to Kawas ko iti:yaayho a tamdaw. Saka, makahmek no Kawas cangra.

³ Nano piti'er ita to Kawas ko sakafana' ita to nika o nano sowal no Kawas ko sakasanga' no hkal. Saka, o nano caay ka 'araw a maamaan ko sapisanga' to ma'araway i matini saan ko nika fana' ita.

⁴ O miti'eray ci Apil to Kawas saka, ikaka no nipacakatan ni Kain ko nika tadamaan no nipacakatan ningra i Kawas. O nipiti'er ningra to Kawas ko pi'arawan no Kawas to nika o mo^celay ko faloco' ningra. Saka, kahmeken no Kawas ko nipacakatan ningra. Talacowa mapatayayto cingra, nikawrira, pakayni i nipiti'er ningra to Kawas a matiya o pasowalay cingra a tahanini.

⁵ O miti'eray ci Inok to Kawas saka, caay ka patay cingra. Kakoy han no Kawas cingra a milinah. Orasaka, awaay a makra no tamdaw cingra. O sowal a matilid i Fangcalay Cudad i, <> saan.

⁶ Ano caay piti'er to Kawas ko tamdaw i, caay pakapalipahak to Kawas cingra. Nawhani o miraoday to Kawas a tamdaw i, caay ka ^ca paso'lin to nika ira ko Kawas. O romasato, paso'lin cingra to nika o mipakaolahay ko Kawas to milongocay Cingraan a tamdaw.

⁷ O miti'eray to Kawas ci Nowa saka, mitngil cingra to limo'ot no Kawas to pakayniay i caayho ka 'araw ningra a dmak. Ta misanga' cingra to lonan to maloka'oripan ningra ato paro no loma' ningra. Orasaka, mapastekto ko tamdamdaw i raraw. O romasato, pakayni i piti'er ningra a o mo^celay kiso han no Kawas cingra.

⁸ O miti'eray to Kawas ci Apraham saka, yo sowalen no Kawas cingra a miocor a patayra toya nano nisowalan no Kawas cingraan a sapafli a sra i, do^do han ningra ko sowal no Kawas. Yo miliyas cingra to kitakit ningra i, caay ka fana' cingra to katayraan ningra.

⁹ O miti'eray to Kawas cingra saka, sanopalafangay han ningra ko aro' i nano nisowalan no Kawas a sapafli cingraan a sra. Maro' cingra i kopang a talo'an. Mahaen ci Isak aci Yakop. O malcaday cangra a mapasowal no Kawas to lalayapen nangra a sra.

¹⁰ Nawhani o mapatirengay i tanektekay a paranaan a niyaro' ko nitalaan ni Apraham. O Kawas ko misafacoay a mipatireng toya niyaro'.

¹¹ O miti'eray to Kawas ci Sara. Talacowa mata'lifto ko kaciwawaan ningra, nikawrira, mapafli no Kawas cingra to sakaciwawaaw, nawhani paso'lin cingra to Kawas o mido^doay to miktonan Ningra a sowal.

¹² Talacowa hato mamapatayto ci Apraham to nika to'as no tireng ningra, nikawrira, citloc cingra to caay ko mamasa'osi ko nika 'aloman. Matiya o nika adihay no fo'is i kakarayan ato tafok i riyar ko nika 'aloman nangra.

¹³ O miti'eray to Kawas cangra a ma^min tangasa i nika patay nangra. Talacowa caay ka layap nangra ko nano nisowalan no Kawas a sapafli, nikawrira, matiya o paka'araway i ra:ay ko nika halamham nangra a mitala tonini. <> saan ko nipipatalahkal nangra to sowal.

¹⁴ O sakamatini no sowal nangra i, o patalahkalay to nipilongoc nangra to malokitakit nangra.

¹⁵ Caay piharateng cangra to niliyasan nangra a kitakit. Ano miharatengay cangra i, kona ira ko kanga'ayan nangra a minokay.

¹⁶ Nikawrira, o i kakarayanay a tadamaanay a kitakit ko so'linay a kahalamhaman nangra. Orasaka, caay ka ngodo ko Kawas a o Kawas niyam han nangra Cingra. Nawhani mapatalato no Kawas ko maloniyaro' nangra.

¹⁷ O miti'eray to Kawas ci Apraham, saka, yo lifeten no Kawas cingra i, pacakaten ningra ko wawa ningra ci Isak a malosapato'aya. O niktonanto no Kawas ko sowal ci Aprahaman to sapalmed. Nikawrira, hai sa ci Apraham to sapacakataw to dengan a wawa ningra.

¹⁸ O sowal no Kawas ci Aprahaman i, <> saan.

¹⁹ Nawhani o faloco' ni Apraham i, <> saan cingra. So'linay o todong no nika patay ni Isak koya dmak. Saka, matiya o picada a miala to lomowaday a ma'orip nai patay ko nipicada ni Apraham a miala ci Isakan.

²⁰ O miti'eray to Kawas ci Isak saka, pasowalen ningra ci Yakop aci Isau to aira a sapalmed no Kawas cangraan.

²¹ O miti'eray to Kawas ci Yakop saka, yo mamapatay cingra i, palmeden ningra ko wawa ni Yosif a tatosa. O romasato, pinoer sa cingra to cokor ningra a mita'ong to Kawas.

²² O miti'eray to Kawas ci Yosif saka, yo mamapatay cingra i, pasowal cingra to pakayniay i sapiliyasaw no finawlan no Israil to Icip. O romasato, pasowal cingra to pakayniay i sapitademaw to tireng ningra.

²³ O miti'eray to Kawas ko mama ato ina ni Mosi. Saka, namahofoc ci Mosian, tolo a folad cangra a misimed cingraan. Makapah a nengnengen nangra koya wawa. Saka, caay ka talaw cangra to limo'ot no hongti.

²⁴ O miti'eray to Kawas ci Mosi saka, yo tata'angto cingra i, mana'ay cingra a malawawa no fafahiyan a wawa no hongti no Icip.

²⁵ Nawhani caay ka olah cingra a mikapot to ciraraway a tamdaw a lipahak. O nipikapot ako to finawlan no Kawas a mapades ko nga'ay saan ko nipipili' ningra.

²⁶ O nika tongangan ako to nano pitoor ako to Misiya ko nga'ay to nika cidafong ako to tadamaanay a dafong no Icip saan cingra. Nawhani pasayra i aira a sapakaolah ko faloco' ningra.

²⁷ O miti'eray to Kawas cingra saka, liyas han ningra ko Icip. Caay ka talaw cingra to kter no hongti. Nawhani matiya o paka'araway to caay ka 'araw a Kawas ko nika kodait no faloco' ningra.

²⁸ O miti'eray to Kawas cingra saka, patirengen ningra ko Pita'lifan a Lisin hananay. Papifarsi'en ningra ko finawlan to rmes i fawahan nangra to saka^caaw pipatay no Mipatayay a Coyoh to fisac a wawa no Israil.

²⁹ O miti'eray to Kawas ko finawlan no Israil saka, matiya o romakatay i hadhad ko nika romakat nangra a milacal to Kahngangay hananay a riyar. <> nasa ko Icip a tamdaw. 'Arawhani, ma'alol cangra.

³⁰ O miti'eray to Kawas ko finawlan no Israil. Saka, mitaliyok cangra to niyaro' no Yiriko to pito a romi'ad i, maprar ko 'adipel noya niyaro'.

³¹ O miti'eray to Kawas ko tasalamaan a fafahiyan ci Rahap saka, sanga'ayen ningra ko pihamham toya misolapay to niyaro' a tamdaw. Orasaka, yo matkop ko caay pitoor to Kawas a tamdamdaw i, caay ka rapot cingra.

³² Hatinien ako ko nika somowal. Ano sowalen ko ni Kitiyon, ni Parak, ni Samson, ni Yifta, ni Tafiti, ni Samuil ato romaroma a pali'ayaway to sowal a tamdaw a dmak i, awaayto ko romi'ad.

³³ O miti'eray to Kawas cangra saka, malowid nangra ko kitakit no 'ada. O mo^celay ko midmakan nangra. Malayap nangra ko nano nisowalan no Kawas a sapalmed. Masafa nangra ko layon.

³⁴ Mapadeng nangra ko marengrengay a namal, maliyas nangra ko mipatay no fonos. Nano tadancaay cangra i, malaci'icelayto. Malaki^melayto cangra a milood, laopen nangra ko sofitay no roma a kitakit a milowid.

³⁵ O miti'eray to Kawas ko fafahiyan saka, mapanokay i cangraan ko mapalowaday a mapa'orip nai patay a tamdaw nangra. O romaroma a mapalitay a tamdaw i, caay ka kahi a tdalen. Nawhani mangalay cangra a mapalowad a mapa'orip nai patay to sakaci'oripaw to tadamaanay a 'orip. Saka, mapasemsem cangra a mapatay.

³⁶ O romaroma a tamdaw i, masamsam, masti', mapalit to lonayi', marofo i pirofoan,

³⁷ matkol to fokloh a mipatay, marosaros a makalitosa, patayen to fonos. Ciriko' cangra to falako no lalifanohen a siri ato siri a misarakarakat. O malapakoyocay, o makari'angay, o masamsamay cangra.

³⁸ Caay ka tatodong konini a hkal a malokamaro'an nangra saka, salinalinah saan cangra a maro' i kohkohan, i lotolotokan, i dihidihifan, i rforfongan no sra.

³⁹ O kahmekan ko nipiti'er nangra a ma^min to Kawas! Nikawrira, caay ka layap nangra ko nano nisowalan no Kawas a sapalmed.

⁴⁰ Nawhani o tadaikakaay a dmak ko nisahalakaan no Kawas to saki titaanan. Saka, papitala han no Kawas cangra to sakalakapotaw ita ato cangra a masongila'.