Filipi 2 - 阿美語聖經-新約附詩篇箴言

O Pi'arawan ci Kristo

¹ Pakayni i nika laccay namo aci Kristo a mapa'icel ko faloco' namo. O nano olah ni Kristo ko sakahinom namo. Malakapot kamo ato Fangcalay 'Adingo. Masasipa'ayaw kamo a sini'ada.

² Orasaka, nanay pakayni i nika lcad no harateng ita ato nika sasiolaolah ita ato nika laccay no faloco' ita ko sakalipahak ako.

³ Ano o maamaanto a dmak i, aka ka o misatkeday, aka ka o mipasnengay ko dmak namo. Ka o misapo^neray ko faloco' namo. Ikakaay no mako ko tao, han ko faloco' namo a masasingodongodo.

⁴ Aka ka o dmak no tireng a ccay ko haharatengen. Halo no taoen a dmak a miharateng.

⁵ Samatiyaen o faloco' ni Kristo Yis ko faloco' namo.

⁶ Talacowa o Kawas ko pinangan Ningra, nikawrira, haenento Ako to no Kawas a milcad a citodong to micidekay a sakowan, caay ka saan.

⁷ Sawaden Ningra ko no tireng a dmak, palakolien Ningra ko tireng Ningra a palcad to no tamdaw. Miringi to tireng no tamdaw Cingra a talahkal.

⁸ Sapo^neren Ningra ko faloco'. Tangasa i nika patay Ningra i ciwcika ko nipihaklong Ningra to nafaloco'an no Kawas.

⁹ Onini ko saka pacakaten no Kawas ci Kristo a palasakakaay. Mapangangan no Kawas Cingra to satadamaanay a ngangan.

¹⁰ Saka, o mamipitosor ko i kakarayanay ato i hkalay ato i lalinikay no sra a ma'oripay a ma^min a mita'ong ci Yisan.

¹¹ O papatalahkal ko tamdaw a ma^min to nika o Tapang ci Yis Kristo saan a pahmek to Wama a Kawas.

O Likat no Hkal

¹² Orasaka, kaolahan ako a salikaka, samatiyaen o ha:tiniay ko nipihaklong namo i takowanan. Aka ka itiya i nika iraan ako a ccay. Ano awaawa kako anini i, ikakaen ko nipihaklong namo. Ka o nano ngodo no faloco' namo ko sakapisa'icel namo a milahci to tayal no Kawas a pa'orip tamowanan.

¹³ Nawhani mararid ko Kawas a matayal i faloco' namo a pafaloco' a papilahci to nafaloco'an Ningra.

¹⁴ I tini i masamaamaanay a dmak i, aka ka ngaliwngiw. Aka ka laliyaliyang kamo.

¹⁵ Ta tingalaw ko faloco' namo, awaay ko raraw namo, o masongila'ay a wawa no Kawas kamo a mikapot to aniniay a tatiihay ko faloco' a ciraraway a tamdamdaw i tini i hkal. Kamatiya o fo'is kamo a matdi i tini i hkal

¹⁶ a ma'imer to saka'orip a sowal. Ano haenen namo i, ira ko kalata'angan ako tamowanan i piliyawan ni Kristo a tayni. Nawhani onini ko kacipinangan ako to nika ci^poc no nisa'icelan ako ato nika rorayan ako.

¹⁷ Ano talarmermes kako a malasapacakat to piti'er namo i Kawas i, lipahak ko faloco' ako. Mikapot kako i tamowanan a mapolong a lipahak.

¹⁸ O hahaenen namo ko nipikapot i takowanan a lipahak.

Ci Timoti aci Ipafrotitus

¹⁹ Ano o nafaloco'an no Tapang a Yis, ano ma^deng kako i, kalamkamen ako a miocor ci Timoti a patayra i tamowanan. Onini i, nga'ay matngil ako ko pakayniay i dmak namo ta mahinom ko faloco' ako.

²⁰ Deng ci Timoti ko milcaday to faloco' ako a so'lin ko nika sida'it tamowanan.

²¹ Sahto o saki notirengan a ccay ko niharatengan no tao. Caay piharateng to saki ci Yis Kristoan a dmak.

²² Mafana' kamo to nika ci^poc no tayal ni Timoti. Matiya o malahaklongay a malowama kami a matayal a mipatnak to Nga'ayay Ratoh.

²³ Orasaka, ano mahapinangto ako ko nika masamaan ko pahrekan no dmak ako i, o tatangsolen ako a miocor cingra a patayra i tamowanan saan ko faloco' ako.

²⁴ O romasato, paso'lin kako to Tapang to nika mangatato kako a tayra tamowanan saan kako.

²⁵ O harateng ako i, o papanokayen ako i tamowanan ci Ipafrotitus o kapot ako a matayal a milood a salikaka ita. O niocoran namo cingra a patayni a papipadang takowanan.

²⁶ Ma'ilol cingra i tamowanan a ma^min. Matngil namo ko nika adada ningra saka, mararom ko faloco' ningra.

²⁷ So'linay, sakapatayan cingra to nika adada ningra. Nikawrira, sini'ada ko Kawas cingraan. Caay ka cingra a ccay. Halo ako a sini'adaen no Kawas. Saka, caay ka tongal ko rarom ako.

²⁸ Saka, makalah kako to sapanokayaw cingraan i tamowanan. Ta lipahak kamo a makaka'araw ato cingra. Onini i, nga'ay malowan ko rarom no faloco' ako.

²⁹ O mitooray to Tapang a salikaka namo cingra saka, kalipahak kamo a mihamham i cingraan. O kakangodoen namo ko matiyaay cingraan a tamdaw.

³⁰ Nawhani mangata a mapatay cingra to nipikinafalah ningra to tireng a matayal to saki ci Kristoan. Onini i, o nipipatado ningra i tamowanan a milahci to caay ka filo namo a matayal to saki takowanan.