Dmak 8 - 阿美語聖經-新約附詩篇箴言

¹ Onini a dmak to nipipatay ci Stifanoan i, mihaydaay ci Sawlo. Nanitiya a misatapang ko tata'angay a pikari'ang to kiwkay i Yirusalim. Maliwasak a ma^min ko mitooray ci Kristoan a tayra i Yutaya ato Samariya a pala. Dengan o tarokos a ccay ko caay ka liwasak.

O Pikari'ang ni Sawlo to Kiwkay

² Tadem hanto no malalokay a mitooray to Kawas a tamdaw ci Stifano. Tadamararom cangra a tomangic to pakayniay cingraan.

³ Forifor han ni Sawlo ko kiwkay. Comod sa cingra to lomaloma' a mirpet to mitooray a fa'inayan ato fafahiyan a mikidkid a pacomod i pirofoan.

Mapatnak ko Nga'ayay Ratoh i Samariya

⁴ Oya maliwasakay a tamdamdaw i, rakaten nangra ko niyaroaro' a mipatnak to sowal no Kawas.

⁵ Tayra ci Filip i tata'angay a niyaro' i Samariya a pala a patnak i tamdamdaw to pakayniay i ci Kristoan.

⁶ Laccay sa ko faloco' no finawlan a mitngil to sowal ni Filip. O romasato, minengneng cangra to kafahka'an a dmak ningra.

⁷ Nawhani alaclicli' sa koya kaackan a 'adingo a masadak nai kamaro'an nangra a tamdamdaw. Maadah ko 'alomanay a ma'piay ato mapi'iway a tamdaw.

⁸ Orasaka, tata'ang ko lipahak no finawlan noya niyaro'.

⁹ Ira itira toya niyaro' ci Simon hananay a tamdaw. O cikawasay cingra to ha:tiniay a pafahka' to finawlan no Samariya. O tadamaanay kako sa cingra to tireng ningra.

¹⁰ Ano o sasafaayto, ano o tadamaanayto ko 'orip, ano masamaamaanayto a tamdaw i, pasayra i cingraan a ma^min ko faloco' nangra. < hananay,>> saan cangra.

¹¹ Halafinto cingra a cikawas a mipafahka' to finawlan. Saka, pasayra ko faloco' no finawlan a ma^min i cingraan.

¹² Nikawrira, yo patnak ci Filip to pakayniay i Nga'ayay Ratoh to pikowan no Kawas ato pakayniay i ngangan ni Yis Kristoan a paso'lin cangra haw i, ta mapaino' cangra o fa'inayan ato fafahiyan.

¹³ Halo ci Simon a paso'lin ta mapaino' cingra. Rarid sa cingra a mihaklong ci Filipan. Fahka' cingra a minengneng to ci'icelay a kafahka'an a dmak ni Filip.

¹⁴ Matngil no i tiraay i Yirusalim a tarokos ko nipilayap no Samariya a tamdaw to sowal no Kawas. Saka, ocor hanto nangra ci Pitiro aci Yohani a patayra i cangraan.

¹⁵ Tahira koya tatosaay i, mitolon cangra to sapilayapaw noya Samariya a tamdaw to Fangcalay 'Adingo.

¹⁶ Nawhani caho ka ^pod i cimacimaan nangra ko Fangcalay 'Adingo. Deng o nika paino'ho nangra pakayni i ngangan no Tapang ci Yis.

¹⁷ Kapa hanto noya tatosaay cangra i, malayapto nangra ko Fangcalay 'Adingo.

¹⁸ Paka'araw ci Simon to nipipafli no tarokos to Fangcalay 'Adingo i cangraan pakayni i nipikapa nangra i, pasadak sa cingra to payso to sapafliaw to tarokos.

¹⁹ Sowal sa, <> han ningra.

²⁰ Pasowal sa ci Pitiro i cingraan, <

²¹ Caay ko cacitodong kiso tonini a tayal niyam. Nawhani caay ka mo^cel ko faloco' iso i ka'ayaw no Kawas.

²² Orasaka, falicen ko faloco' iso a miliyas tonini a tatiihay a dmak iso. Pitolon kiso to Tapang to sapihpolaw Ningra to mararaway a harateng iso.

²³ Nawhani mahapinang ako ko nika sahto o ma'anofay ko faloco' iso. Mapalitho no raraw kiso,>> han ningra.

²⁴ Pasowal sa ci Simon ci Pitiroan aci Yohanian, <> han ningra.

²⁵ Mahrek koya tarokos a pawacay a pasowal to sowal no Tapang i, kala pinokay han nangra i Yirusalim ko nipipatnak to Nga'ayay Ratoh i kasaniyaroaro' no Samariya a pala.

Ci Filip atoya Iciyopiyaay a Tamdaw

²⁶ Ira ko coyoh no Tapang a pasowal ci Filipan, <> han ningra. (O kohkohanto anini kora lalan.)

²⁷ Lowad sato cingra a tayra. Ira a malitmoh ningra ko ccay a maliti'ay a Iciyopiya a tapang a tamdaw. O misimaway to polong no dafong ni Kantaki hananay a fafahiyan a hongti no Iciyopiya cingra. O nano tayraay cingra i Yirusalim a mita'ong to Kawas.

²⁸ Kalanipiasip han ningra to nitilidan ni Isaya o pali'ayaway to sowal no Kawas a cudad ko nika maro' ningra i paliding a minokay.

²⁹ Pasowal han no Fangcalay 'Adingo ci Filip, <> han Ningra.

³⁰ Saka, cikay sato cingra a miraod i, matngil ningra ko nipiasip noya tamdaw to nitilidan ni Isaya o pali'ayaway to sowal no Kawas a cudad. Saka, <> han ningra a milicay.

³¹ Pasowal sa cingra, <> han ningra ci Filip a pasowal. Saka, dakaw sa ci Filip a maro' i tatihi ningra.

³² O niasipan ningra a rkad no Fangcalay Cudad i, <

³³ Mapakangodo Cingra. Awaay ko mipatadoay i Cingraan a mipa'ading to mo^celay. Awaay ko mamalotloc Ningra to sasowalen no tamdaw. Nawhani mapalasawadto ko 'orip Ningra i tini i hkal,>> saan.

³⁴ Licay sa koya misimaway to dafong no hongti a tamdaw i ci Filipan, <> han ningra.

³⁵ Saka, pakayni han ni Filip tonini a tosir ko pipasowal ningra cingraan to Nga'ayay Ratoh to pakayniay ci Yisan.

³⁶ Yo romakat cangra i, ma'araw nangra ko nanom. Pasowal sa koya tapang a tamdaw, <> han ningra.

³⁸ Saka, papipatireng hanto noya tapang ko parakatay to paliding ningra. ^Pod sato cangra a tatosa a maloklon a tayra i nanom. Ta paino' hanto ni Filip koya tapang a tamdaw.

³⁹ Yo macakat cangra nai nanom i, siyop han no 'Adingo no Tapang a miala ci Filip. Saka, awato a ma'araw noya tapang a tamdaw cingra. Salipahak sa cingra a minokay.

⁴⁰ Nanoya, ma'araw i Acotus a niyaro' ci Filip. Rakat han ningra ko polong no kasaniyaroaro' a patnak to Nga'ayay Ratoh tangasa i Kaysariya.