Dmak 6 - 阿美語聖經-新約附詩篇箴言

Papitoay a Padamaay

¹ Nanoya, matongal a matongal ko nika 'aloman no nisawawaan. Saka, ngaliwngiw ko misanoKrisiyaay to sowal a Yutaya a tamdaw to misanoHiprayay ko sowal a Yutaya a tamdaw. Nawhani malawa a mapakilac to romi'ami'ad ko maponengay nangra to malosaka'orip nangra.

² Orasaka, tahidang hanto no tosaay ko safaw a tarokos ko polong no nisawawaan a misa'opo a somowal, <

³ Saka, salikakaaw, pili'en ko papito namo to mapa'icelay no Fangcalay 'Adingo ato citanengay ato nga'ayay ko lihaf a tamdaw. Ta pakatayalen niyam cangra tonini a tayal.

⁴ Ta manga'ay kami a masarocod a mitolon a patnak to sowal no Kawas,>> han nangra.

⁵ Mihai ko 'alomanay a ma^min tonini a sowal saka, pili'en nangra ko so'linay ko piti'er to Kawas ato mapa'icelay no Fangcalay 'Adingo a tamdaw ci Stifano. O romasato i, ci Filip aci Prokorus aci Nikanor aci Timon aci Parminas ato micomoday i ti:yaho to no Yutaya a pakayraan a roma a finacadan ci Nikolaus no Antiyok.

⁶ Ta patireng hanto nangra cangra i ka'ayaw no tarokos. Saka, kapa hanto no tarokos cangra a mitolon.

⁷ Orasaka, matnak a matnak ko sowal no Kawas. Sa'aloman sato ko nisawawaan i Yirusalim. Halo'alomanay a citodongay to ta'ong a paso'lin a mitoor ci Kristoan.

O Pirpet ci Stifanoan

⁸ Mapa'icel, mapakalmed no Kawas ci Stifano saka, tadamaan ko nidmakan ningra to kafahka'an a dmak a patiri' i ka'ayaw no tamdamdaw.

⁹ Nikawrira, ira ko papinapina a pacoliay ci Stifanoan a tamdaw. O Pakoniraay hananay a masakapotay, o nanitiraay i ccay a kasa'opoan no Yutaya a tamdaw, o Kirini ato Aliksantriya ato Kilikiya ato Aciya a tamdaw cangra.

¹⁰ Nikawrira, o nano nipaflian no Fangcalay 'Adingo ci Stifano to taneng ko sapasowal ningra i cangraan. Saka, caay pakacoli cangra i cingraan.

¹¹ Orasaka, pa'alofoen nangra ko papinapina a tamdaw a paoror a pakasomowal, <> han nangra.

¹² Mahaenay ko pipalakalakalat nangra. Saka, marawraw ko finawlan halokalas no niyaro' ato pasifana'ay to Rikec. Saka, talifahal han nangra a mirpet ci Stifano a mikrid a patayra i Pilaocan.

¹³ Ta patirengen nangra ko pacfaay a pawacayay a tamdaw a pakasomowal, <

¹⁴ Matngil niyam ko sowal ni Stifano. O sowal ningra i, saan cingra,>> han nangra.

¹⁵ Pamotek sa a minengneng ci Stifanoan ko polong no maro'ay a tamdaw i Pilaocan. Itiya i, masapinang a matiya o pising no coyoh ko pising ningra a nengnengen.