Dmak 24 - 阿美語聖經-新約附詩篇箴言

Mapakokot no Yutaya a Tamdaw ci Pawlo

¹ I ikor no lima a romi'ad i, malahaklong ca Ananiyas o sakakaay a citodongay to ta'ong ato papinapina a kalas no niyaro' aci Tirtulus hananay a midamaay a somowal a tayra i Kaysariya. Tayra cangra i mikomoday a pakokot to nano dmak ni Pawlo.

² Yo matahidang ci Pawlo i, pakokot sa ci Tirtulus a somowal, <

³ Tada o karahkeran no faloco' niyam ko dmak iso i cowacowa a ma^min.

⁴ Caay ka sapicaraan kami a somowal i tisowanan. Kamoko'en niyam ko sowal saka, hadidi han a mitngil.

⁵ Mahapinang niyam ko nika o katalawan konini a tamdaw. O palowaday to rawraw no i cowacowaay a Yutaya a tamdaw cingra. O kakridan no misaNacaliay a kasakapot cingra.

⁶ Sapipaackan cingra to Fangcalay Pita'ongan saka, rpet han niyam cingra.

⁸ Saka, ano liclicen iso konini a tamdaw i, o mamafana' kiso to tatodong no nipipakokot niyam to dmak ningra a ma^min,>> han ningra.

⁹ Patoor sa ko romaroma a Yutaya a tamdaw a pasowal, <> han nangra a pakokot.

O Pipa'ading ni Pawlo to Tireng

¹⁰ Itiya i, kawih han no mikomoday ci Pawlo a pakasomowal. Saka, pasowal sato ci Pawlo, <

¹¹ Ma^deng kiso a mihapinang to dmak ako. Natayra kako i Yirusalim a mita'ong i, tosaho ko safaw no romi'ad.

¹² Ano i Fangcalay Pita'onganto, ano i kasa'opoanto a loma' no Yutaya, ano i niyaro'to i, awaayho ko paka'araway to nika laliyang ako ato cima ato niparawraw ako to finawlan.

¹³ O pakayniay i nipipakokot nangra to dmak ako i matini i, awaay ko malowacay nangra a patiri' i tisowanan.

¹⁴ Nikawrira, mihai kako to ccay. O mitooray kako to pacfaay hananay nangra a pakayraan. Onini i, o pita'ong ako to Kawas no tato'asan niyam. Paso'lin kako to polong no matiliday i Rikec ni Mosi ato nitilidan no pali'ayaway to sowal no Kawas a cudad.

¹⁵ O pakayniay i nika lomowad no nga'ayay ato tatiihay a tamdaw a ma'orip nai patay a pafaloco'an tona paso'lin cangra to Kawas i, malcaday ato nangra ko pafaloco'an ako.

¹⁶ Saka, mararid kako a misa'icel to saka^caaw ka toro' no nga'ayay a faloco' ako i ka'ayaw no Kawas ato i ka'ayaw no tamdaw.

¹⁷ <

¹⁸ Yo midmak kako tonini a mikorac to tireng i, ma'araw nangra kako i Fangcalay Pita'ongan. Itiya i, awaay ko finawlan, awaay ko rawraw.

¹⁹ Deng o nai Aciyaay a papinapina a Yutaya a tamdaw ko iraay itiya. Ano ira ko maan a papakokoten nangra a raraw ako i, kona cangra ko tatayni i ka'ayaw iso a pakokot.

²⁰ Ano ^ca i, papipasowalen konini a tamdaw i matini to nihapinangan nangra a patlac ako yo tomireng kako i ka'ayaw no Lomaocay.

²¹ Yo tomireng kako i ka'ayaw nangra i, deng ccay aca ko namicli'an ako a sowal, >> han ni Pawlo.

²² Talolong ko nika fana' ni Filis tonini a pakayraan. Saka, <> han ningra cangra a mipahrek to piliclic.

²³ Ta palimo'oten ningra ko kakridan no sofitay a papisimaw ci Pawloan, aka paliten cingra, aka lalangen ko nipiliso' no widawidang ningra a paini cingraan, han ningra.

I Ka'ayaw ni Filis aci Trusila ci Pawlo

²⁴ I ikor no pinapina a romi'ad i, malahaklong ci Filis aci Trusila hananay a Yutaya a fafahi ningra a tayra i Kaysariya. Ocoren ningra ko tamdaw a papitahidang ci Pawloan. Tngilen ningra ko nipipasowal ni Pawlo to pakayniay i paso'lin a miti'er i ci Kristo Yisan.

²⁵ Nikawrira, yo pasowal ci Pawlo to pakayniay i mo^celay a dmak ato pi'met to tireng ato aira a pisawkit no Kawas i, matalaw ci Filis. Saka, <> han ningra.

²⁶ O romasato, mangalay cingra a mapa'alofo ni Pawlo saka, sacnacna' han ningra a mitahidang ci Pawlo a malalicay.

²⁷ Mata'lif ko tosa a mihcaan i, croren ni Porkius Fistus ci Filis a malamikomoday. Mangalay ci Filis a makahmek no Yutaya a tamdaw saka, pararid han ningra ci Pawlo a mirofo.