Dmak 21 - 阿美語聖經-新約附詩篇箴言

O Rakat ni Pawlo a Tayra i Yirusalim

¹ Licinowas sato kami ato cangra. Pakalonan kami a pafsoc a tayra i Kos. Cila a romi'ad i, tangasa i Rotis. Nanitira tayra kami i Patara.

² Ira itira ko tatayra a lonan i Foinikiya. Saka, dakaw sato kami a miliyas.

³ Nanoya, ma'araw niyam ko Sayprus. Pasatimol sa ko rakat no tamina niyam a pafsoc a pasayra i Siriya. Ta macakat kami i Tiri, nawhani mi^pod itira ko tamina to dafong.

⁴ Matama niyam itira ko nisawawaan saka, itira sa kami to pito a romi'ad. Mapasowal no Fangcalay 'Adingo cangra saka, aka ka tayra i Yirusalim, han nangra ci Pawlo a milalang.

⁵ Yo malponto ko kaitiraan niyam a romi'ad i, lomowadto kami. Halofafahi ato wawa nangra a patono i tamiyanan tangasa i lawac no niyaro'. Ta pitosor sa kami a ma^min i lawac no riyar a mitolon.

⁶ Ta alapaikoikor sato kami a pasowal. Dakaw sato kami to lonan. Ta minokay cangra i loma'.

⁷ Nai Tiri tangasa i Ptolimais ko rakat niyam. Itira a mapahrek ko pakariyaray a rakat niyam. Nga'ayho han niyam ko i tiraay a salikaka. Itira sa kami i cangraan to ccay a romi'ad.

⁸ Cila a romi'ad i, miliyas kami to i tiraay a tayra i Kaysariya. Tayra kami i loma' ni Filip hananay a patnakay, o ccay noya nipili'an i Yirusalim to citodongay to tayal a papitoay cingra. Itira kami a milafin.

⁹ Ira ko wawa ningra to saspatay a kaying. Sahto o cirocekay to patnakay cangra to sowal no Kawas.

¹⁰ Yo itira kami to pinapina a romi'ad i, ira nai Yutaya a tayni ci Akapus hananay a pali'ayaway to sowal no Kawas.

¹¹ Raod sa cingra i tamiyanan. Ala han ningra ko safaked ni Pawlo a miso'ot to wa'ay ato kamay ningra. Ta sowal sa, <> han ningra.

¹² Matngil niyam konini a sowal i, lalangen niyam ato i tiraay a salikaka ci Pawlo to saka^caaw ka tayra ningra i Yirusalim.

¹³ Paca'of sa ci Pawlo, <> saan.

¹⁴ Caay ka solot niyam cingra saka trep sato kami, deng to, <> han niyam cingra a pasowal.

¹⁵ Mata'lif ko pinapina a romi'ad i, malkakawa kami. Ta lowad sato kami a tayra i Yirusalim.

¹⁶ Ira a mihaklong i tamiyanan ko papinapina a nisawawaan nai Kaysariya. Kriden nangra kami a tayra i loma' ni Nason no Sayprus. O halafinayto a nisawawaan cingra. Itira sa kami a milafin.

O Piliso' ni Pawlo ci Yakopan

¹⁷ Tahira kami i Yirusalim i, salipahak sa ko salikaka a mihamham a militmoh i tamiyanan.

¹⁸ Cila sato a romi'ad i, kriden ni Pawlo kami a tayra a miliso' ci Yakopan. Ira itira ko ciwlo no kasakiwkay a ma^min.

¹⁹ Mahrekto a malalicay ato cangra i, songila'en ni Pawlo cangra a pasowal to nano tayal no Kawas i roma a finacadan pakayni i tayal ningra.

²⁰ Mitngil cangra tonini i, hmek sato cangra to Kawas. Ta pasowal sa cangra ci Pawloan, <

²¹ Nikawrira, o matngilay nangra to pakayniay i dmak iso i, aka pitoor to Rikec ni Mosi, aka pido^do to krit a lisin a pakrit to wawa, aka pido^do to lkakawa no Yutaya, han ni Pawlo a pasifana' ko i tiraay i roma a finacadan a Yutaya a tamdaw a ma^min saan.

²² Ano hatira i, maanen ita ko dmak? Caay ka ^ca ka fana' cangra to nika tayni iso.

²³ Orasaka, do^do han ko sowal niyam. Ira i tamiyanan ko nano miktonay to faloco' i Kawas a saspatay a tamdaw.

²⁴ Haklongen konini a tamdaw a mikapot cangraan a mikorac to tireng. Pasadaken ko sapa'is'is to fokes nangra a payso. Ta, o mangah koya nitngilan niyam to pakayniay i ci Pawloan. O ma'imeray to Rikec ni Mosi cingra, ta saan ko nika fana' nangra a ma^min to pakayniay i tisowanan.

²⁵ O pakayniay i paso'linay ci Kristoan a roma a finacadan i, mahrekto kami a patilid i cangraan to nihapinangan niyam to saka^caaw ka komaen nangra to nipacakatan i samiyay a kakaenen ato rmes ato titi no ni'mecan a mipatay a 'a'adopen ato saka^caaw ka 'odang nangra,>> han nangra.

²⁶ Orasaka, krid hanto ni Pawlo koya pinapina a tamdaw, cila sato a romi'ad i, lahaklong sato cangra a milahci to no korac a lisin. Micomod haca cingra i Fangcalay Pita'ongan a pakafana' to pahrekan no pikoracan a romi'ad, ta mitala to citodongay to ta'ong a pato'aya to saki cangraan o kahaccay a tamdaw.

Marpet ci Pawloan i Fangcalay Pita'ongan

²⁷ Yo sakahrekanto koya pito a romi'ad i, ma'araw no nai Aciyaay a Yutaya a tamdaw ko nika ira ni Pawlo i Fangcalay Pita'ongan. Saka, paoror han nangra ko finawlan a ma^min a pakamay i cingraan.

²⁸ Cli' sa cangra a somowal, <> saan.

²⁹ (O sakasaan nangra i, nama'araw nangra ko nika lahaklong ni Pawlo aci Trofimus no Ifiso i tini i niyaro' nangra. Saka, O nikridan ni Pawlo cingra a micomod i Fangcalay Pita'ongan, saan ko piharateng nangra.)

³⁰ Orasaka, sararawraw sa ko niyaro'. Alaraoraod sa ko finawlan a mirpet ci Pawloan a mikidkid a pasadak i papotal no Fangcalay Pita'ongan. Ta tangsol sato a ma'def ko 'adawang no Pita'ongan.

³¹ Yo mamipatay cangra ci Pawloan i, ira ko paratohay to tapang no sofitay no Loma to nika rarawraw no polong no Yirusalim.

³² Saka, tangsol sa cingra a mikrid to sofitay ato kakrikridan no sofitay a comikay a tayra i finawlan. Ma'araw no finawlan koya tapang no sofitay ato sofitay a ma^min i, sawad han nangra a misti' ci Pawlo.

³³ Raod hanto no tapang no sofitay ci Pawlo a mirpet. Papiso'ot hanto ningra to tosa a lonayi' ko sofitay ci Pawloan. Ta licay han ningra ko tamdaw, <> han ningra.

³⁴ Nikawrira, alapatdotdo sa a micli' ko finawlan, saka rarawraw sato, awa sato ko pinang no tapang no sofitay a mihapinang tonini a dmak, saka, papikrid hanto ningra ko sofitay ningra ci Pawloan a patayra i loma' no sofitay.

³⁵ Yo mamacakat ci Pawlo to sacakat no loma' no sofitay i, co^co sa ko finawlan ci Pawloan to sapikari'angaw saka, 'orong hanto no sofitay cingra a pacakat.

³⁶ Nawhani <> saan ko 'alomanay a finawlan a micli' a mikotod i aikor nangra.

O Pipasowal ni Pawlo a Pa'ading to Tireng

³⁷ Yo mamicomod cangra i loma' no sofitay i, sowal han ni Pawlo ko tapang no sofitay, <> han ningra. Licay han noya tapang no sofitay, <

³⁸ Ano hatira i, caay ka kiso koya palowaday to rawraw i ti:yaho a mikrid to spatay a patek (4,000) a mari'angay a tamdaw a milaliw a tayra i kohkohan a Icip a tamdaw,>> han ningra.

³⁹ Paca'of sa ci Pawlo, <> han ningra.

⁴⁰ Hayda han noya tapang no sofitay cingra. Saka, tireng sa ci Pawlo i sacakat. Pasayra sa i finawlan a mikawih to kamay. Yo tomrepto cangra i, sano Hipray sato cingra a pasowal i cangraan.