Dmak 17 - 阿美語聖經-新約附詩篇箴言

O Rawraw no Finawlan i Tisalonika

¹ Nanoya, pakayra ca Pawlo aci Silas i Amfipolis ato Apoloniya a tayra i Tisalonika. Ira itira ko kasa'opoan a loma' no Yutaya a tamdaw.

² O pinangan ni Pawlo a micomod i kasa'opoan a loma'. Tolo a pasla'an cingra itira a malaliyaliyang ato cangra to pakayniay i Fangcalay Cudad.

³ Sahcien ningra a pasowal cangra, <> han ningra a mipahapinang a pasowal.

⁴ Ira ko papinapina a mala paso'linayto a tamdaw, ta malakapotto na Pawlo aci Silas cangra. O romasato, 'aloman ko mikitiraay ca Pawloan aci Silasan a mita'ongay to Kawas a Krisiya a tamdaw ato tadamaanay a fafahiyan.

⁵ Nikawrira, ma'inap ko Yutaya a tamdaw. Saka, sa'opoen nangra ko papinapina a awaay ko ^poc a tatiihay a tamdaw a papipalowad to faloco' no finawlan a mirawraw to niyaro'. Likoten nangra ko loma' ni Yason a papipasadak ci Pawloan aci Silasan i ka'ayaw no finawlan.

⁶ Caay ka tama nangra saka, kidkid han nangra ci Yason ato papinapina a salikaka a patayra i kakitaan no niyaro'. Cli' sa a somowal, <

⁷ Hamhamen ni Yason cangra a papilafin i loma' ningra. O sowal nangra i, saan cangra a ma^min a miliyang to limo'ot no hongti no Loma,>> han nangra a mipakokot.

⁸ Mitngil tonini ko finawlan ato kakitaan no niyaro' i, satatiih sa ko faloco' nangra.

⁹ Itiyasato, paci^ci han no kakitaan a miala ci Yasonan ato romaroma a salikaka ko tatodong no sakanga'ay nangra a masadak. Ta tdal hanto cangra.

O Pipatnak i Piriya

¹⁰ Dadaya sato i, tangsol han no salikaka a patayra i Piriya ca Pawlo aci Silas. Tahira koya tatosaay i, tayra i kasa'opoan a loma' no Yutaya a tamdaw.

¹¹ O i tiraay a Yutaya a tamdaw i, ikaka no i Tisalonikaay a tamdaw ko nika nga'ay no faloco' nangra. Tadamalalok cangra a mitngil to sowal no Kawas. So'linay hakini caay hakini saan cangra a mitiri' to Fangcalay Cudad to romi'ami'ad.

¹² Saka, 'aloman ko paso'linay nangra. 'Aloman ko paso'linay a Krisiya a fa'inayan ato tadamaanay a fafahiyan.

¹³ Nikawrira, mafana' ko i Tisalonikaay a Yutaya a tamdaw to nipipatnak na Pawlo to sowal no Kawas i Piriya saka, tayra cangra a paoror to finawlan a palowad to rawraw.

¹⁴ Saka, tangsol han no salikaka ci Pawlo a patayra i lawac no riyar. Nikawrira, itira saho i Piriya ca Silas aci Timoti.

¹⁵ Patangasaen no mikriday ci Pawlo i Atin. Ta patolon hanto ni Pawlo cangra to sakakalamkamaw na Silas aci Timoti a tayni. Ta nokay sato cangra.

O Pipatnak i Atin

¹⁶ Yo mitala ci Pawlo ci Silasan aci Timotian i Atin i, ma'araw ningra ko nika adihay no samiyay toya niyaro'. Saka, mararom ko faloco' ningra.

¹⁷ Orasaka, malaliyaliyang ci Pawlo ato Yutaya a tamdaw ato mita'ongay to Kawas a roma a finacadan itira i kasa'opoan a loma' no Yutaya a tamdaw. O romasato, malaliyaliyang cingra ato malitmohay ningra a tamdaw to romi'ami'ad i pisalamaan no niyaro'.

¹⁸ O romasato, malaliyaliyang ci Pawlo ato papinapina a citangalay a misaIpikorinay ato misaStoikay ko pakayraan a singsi. Sowal sa ko romaroma nangra, <> saan. O sowal no roma a tamdaw i, <> saan. Nawhani ci Yis ato nika lomowad ni Yis a ma'orip nai patay a sowal ko nipatnakan ni Pawlo.

¹⁹ Saka, krid hanto nangra ci Pawlo a tayra i Ariopakus hananay a pilaocan. Sowal sa, <

²⁰ Nawhani o kafahka'an a mitngil kora nisowalan iso. Saka, mangalay kami a mafana' to tatodong nonini a dmak,>> han nangra.

²¹ (O Atin a tamdaw a ma^min ato maro'ay itira a roma a kitakit a tamdaw i, maolah a masaromi'ad a misacaciyaw a misatngitngil to maan a fa^lohay a dmak.)

²² Saka, tireng sato ci Pawlo i Ariopakus i ka'ayaw no pilaocan a somowal, <

²³ O sakasaan ako i, yo romakat kako i lalan a minengneng to pita'ongan namo a ma^min i, ma'araw ako ko ccay a pipacakatan. Ira a matilid ko sanay. Orasaka, pasifana'en ako kamo i matini tora kafokilan namo a nita'ongan a kawas.

²⁴ O misanga'ay a Kawas Cingra tonini a hkal ato polong no i laloma'ay nonini a maamaan. O Tapang no kakarayan ato sra Cingra. Orasaka, caay ka maro' Cingra i nisanga'an no tamdaw a Fangcalay Pita'ongan.

²⁵ O romasato, caay ka matiya o cango'otay to maan Cingra a milongoc to nika tayal no tamdaw i Cingraan. Nawhani Cingra ko pafliay to 'orip ato sasla'an ato kalomaamaan i polong no tamdamdaw.

²⁶ Pakaynien Ningra i ccay a tamdaw ko nipisanga' to polong no kasafinacadacadan no tamdaw, ta mapaliwasak a pakamaro' i polong no hkal cangra, sanga'en Ningra ko kasapokopokoh no mihcaan ato kalangangangangan no kamaro'an no tamdaw a pahapinang.

²⁷ O sakapihaen Ningra i, nga'ay mikilim ko tamdaw Cingraan o Kawas. Ta latek matama nangra Cingra o sanay Ningra. So'linay caay piraay ko Kawas i titaanan o kahaccaccay.

²⁸ Nawhani Mato 'olic no ma'olicay a tamdaw namo. Sowal sa, saan.

²⁹ So'linay o wawa no Kawas kita. Saka, matiya o nisanga'an no tamdaw to tada^kim ato ^kim ato fokloh a samiyay ko pinangan no Kawas, aka ka saan ko piharateng ita.

³⁰ To ha:tiniay i, satalifokil han no Kawas ko ka ^caho ka fana' no tamdaw. Nikawrira, anini sa i, papipasasiyoren Ningra ko faloco' no polong no i cowacowaay a tamdaw.

³¹ Nawhani maktonto no Kawas ko pisawkitan a romi'ad. Mapili'to no Kawas ko ccay a tamdaw to mamisawkit to tamdamdaw i tini i hkal. O mamo^cel ko pisawkit Ningra. Pakaynien no Kawas i nipipalowad a pa'orip toya tamdaw nai patay ko nipipahapinang Ningra i tamdamdaw tonini a dmak,>> han ningra.

³² Mitngil to pakayniay i nika lomowad no tamdaw a ma'orip nai patay a dmak i, katawaen no romaroma a tamdaw ci Pawlo. Sowal sa ko romaroma a tamdaw, <> saan.

³³ Saka, liyas sato ci Pawlo to pilaocan.

³⁴ Ira itiya ko papinapina a tamdaw a mitoor ci Pawloan. Paso'lin cangra ci Yisan. Onini i, ci Tionisius aci Tamaris hananay a fafahiyan ato romaroma a tamdaw no lomaocay.