Dmak 16 - 阿美語聖經-新約附詩篇箴言

O Nipikapot ni Timoti ci Pawloan aci Silasan

¹ Nanoya, tahira ca Pawlo i Tirpi ta tayra i Listra. Ira itira ci Timoti hananay a nisawawaan. O mitooray ci Kristoan a Yutaya a tamdaw ko ina ningra. O Krisiya a tamdaw ko mama ningra.

² O nga'ayay ko lihaf ni Timoti itira i salikaka no Listra ato Ikonium.

³ Mangalay ci Pawlo to nipihaklong ni Timoti i cingraan. Saka, do^doen ningra ko krit a lisin a mikrit ci Timotian. Nawhani mafana' ko i tiraay a Yutaya a tamdaw a ma^min to nika o Krisiya a tamdaw ko mama ningra.

⁴ Yo mirakat cangra to niyaroaro' i, patoroden nangra i mitooray ci Kristoan koya nihapinangan no i Yirusalimay a tarokos ato ciwlo a limo'ot. Papi'imeren nangra cangra tonini.

⁵ Orasaka, mapa'icel ko piti'er no mitooray ci Kristoan a kasakiwkay. Matongal a matongal to romi'ami'ad ko nika 'aloman no tamdaw.

O Pitahidang no Makitoniya a Tamdaw

⁶ Nanoya, lalangen no Fangcalay 'Adingo cangra. <> han Ningra cangra. Saka, pakayra sato cangra i Frikiya ato Kalatiya a pala.

⁷ Yo mingata cangra i Mysiya i, sakatayraan cangra i Pitiniya a pala. Nikawrira, lalangen no 'Adingo ni Yis cangra.

⁸ Saka, taliyok sato cangra i Mysiya a tayra i Troas.

⁹ Toya dadaya i, ma'araw ni Pawlo i mapolosi ko ccay a Makitoniya a tamdaw. Tomireng cingra a mingitangit ci Pawloan, <> saan.

¹⁰ Nama'araw ni Pawlo konini a mapolosi i, tangsol sato kami a mipatala to sakatayraaw i Makitoniya. Nawhani o nipitahidang no Kawas i tamiyanan konini a papipatnak to Nga'ayay Ratoh i cangraan saan ko faloco' niyam.

O Nika Fohat no Faloco' ni Litiya

¹¹ Saka, pakalonan sato kami nai Troas a pafsoc a tayra i Samotraki. Cila a romi'ad i, tahirato kami i Niyapolis.

¹² Nanitira tayra kami i Filipi. Onini a niyaro' i, itira i saka ccay a kowan no Makitoniya hananay a pala. O nisaniyaro'an no Loma. I tini tonini a niyaro' kami to pinapina a romi'ad.

¹³ Yo Pasla'an a Romi'ad i, talapapotal no niyaro' kami a tayra i lawac no 'alo. Latek ira ko pitolonan no Yutaya a tamdaw itira sa kami. Aro' sa kami a pasowal to masa'opoay itira a fafahiyan.

¹⁴ Ira a mitngil ko ccay a nanitiraay i Tiyatira ci Litiya hananay a fafahiyan. O pacakayay cingra to maloloay a kiradom. O mita'ongay to Kawas a fafahiyan cingra. Mafohat no Tapang ko faloco' ningra saka, misongila' cingra a mitngil to sowal ni Pawlo.

¹⁵ Ta mapaino' cingra ato paro no loma' ningra. Ikor i, milongoc cingra i tamiyanan, <> saan cingra a mifo'ot i tamiyanan.

O Nika Rofo i Filipi

¹⁶ Nanoya, yo tayra kami i pitolonan i, malitmoh niyam ko ccay a fafahiyan a koli, o maaro'ay no palafoay. Pakayni tonini a palafoay ko sakafana' ningra a mi'daw to aira a dmak. Saka, pakayni i cingraan ko sakaadihay no ^tan no tawki ningra.

¹⁷ Mitoor cingra ci Pawloan ato tamiyanan. Cli' saan cingra a somowal, <> saan.

¹⁸ Rarid saan cingra to pinapina a romi'ad a mihaen to sowal. Ma'samento ci Pawlo. Saka, pasayra sa cingra toya palafoay a somowal, <> han ningra i, tangsol sa a masadak koya palafoay.

¹⁹ Nikawrira, mahapinangto noya tawki ningra ko nika awato ko pili^tanan nangra saka, rpet hanto nangra ci Pawlo aci Silas a mikidkid a patayra i sifo' no niyaro' a mipakokot i mikomoday.

²⁰ Ta patayra han nangra i ka'ayaw no mikomoday a Loma koya tatosaay. Sowal sa cangra, <

²¹ Mipatnak cangra i titaanan o Loma a tamdaw to caay ko dado^doen ita a lkakawa,>> han nangra a mipakokot.

²² Halofinawlan sato a miraod a pacoli toya tatosaay. Saka, tofific han no mikomoday a Loma ko riko' nangra a micicih. Ta papisti' hanto nangra ko sofitay cangraan.

²³ Mahrekto a mikari'ang a misti' i ca Pawloan aci Silasan i, pacomod hanto nangra i pirofoan. Ta papisongila' han nangra ko misimaway a papisimaw i cangraan.

²⁴ Namapalimo'ot koya misimaway i, pacomod hanto ningra koya tatosaay i cani'iway a pirofoan. Ta pa'atem hanto ningra i kilang ko wa'ay noya tatosaay a mirofo.

²⁵ Tnok no lafii i, mitolon, romadiw ca Pawlo aci Silas a pahmek to Kawas. Pasayra sa a mitngil ko marofoay a ma^min.

²⁶ Itiya i, fahal sa a ira ko tata'angay a lonen. Mangernger ko paranaan no pirofoan saka, alafawafawah sa ko sa'def no pirofoan. Matdal a ma^min ko sapalit a lonayi' noya marofoay a tamdaw.

²⁷ Ckad sa a talipa'lal koya misimaway. Ma'araw ningra ko nika fawah no sa'def no pirofoan i, <> sa ko harateng ningra saka, sodoc sato to fonos a sakinapatayan.

²⁸ Itiya i, cli' sa ci Pawlo a pasowal, <> han ningra.

²⁹ Papiala han noya misimaway ko tamdaw to dawdaw. Ta cikay sa koya misimaway a micomod. Mirmir sa cingra a mihinokop i ka'ayaw na Pawlo aci Silas.

³⁰ Ta krid hanto ningra koya tatosaay a talapapotal. <> han ningra a milicay.

³¹ Sowal sa koya tatosaay, <> han nangra.

³² Ta pasowalen nangra cingra ato paro no loma' ningra a ma^min to sowal no Tapang.

³³ Toya lafii i, kriden noya misimaway koya tatosaay. Sawsawen ningra ko nano nikasti'an a doka' nangra. Ta tangsol sato a mapaino' koya misimaway ato paro no loma' ningra a ma^min.

³⁴ Ta krid hanto ningra ca Pawlo aci Silas a patayra i loma' ningra a patahka cangraan. Salipahak sa cingra ato paro no loma' a ma^min to nika paso'linto nangra to Kawas.

³⁵ Yo ta^ngad sato i, ocor hanto no mikomoday a Loma ko tayring a papipasowal, <> han nangra.

³⁶ Pasowal han no misimaway ci Pawlo tonini a sowal. <> han ningra.

³⁷ Nikawrira, pasowal sa ci Pawlo toya tayring, <> han nangra.

³⁸ Pasowal han no tayring ko mikomoday a Loma tonini a sowal. Matngil nangra ko nika o Loma a tamdaw ca Pawlo aci Silas i, talaw sato cangra.

³⁹ Saka, tayra sato cangra i pirofoan a misanga'anga'ay a pasowal. Ta krid han to nangra cangra a papiliyas toya niyaro'.

⁴⁰ Tona masadakto ca Pawlo aci Silas nai pirofoan, tayra sato cangra i loma' ni Litiya, itira a masaso'araw to salikaka, pa'icelen nangra cangra, ta liyas sato cangra.