Dmak 14 - 阿美語聖經-新約附詩篇箴言

O Pipatnak i Ikonium

¹ Mahaenay haca ko dmak noya tatosaay i Ikonium. Micomod ci Pawlo aci Parnapas i kasa'opoan a loma' no Yutaya a tamdaw. Ci'icel ko pipasowal nangra. Saka, 'aloman ko malamitooray ci Kristoan a Yutaya a tamdaw ato roma a finacadan.

² Nikawrira, paororen no caay paso'lin a Yutaya a tamdaw ko roma a finacadan a pakatlii to salikaka.

³ Nikawrira, halafin itira koya tatosaay a milafin. Caay paska cangra a pasowal to sowal to pakayniay i Tapang. Paflien no Tapang cangra to 'icel to sapidmak to kafahka'an a dmak a pahapinang to nika o so'linay ko sowal nangra to pakayniay i mikomi no Tapang.

⁴ Itiya i, malatosa ko finawlan noya niyaro'. O roma a tamdaw i, mikitira i Yutaya a tamdaw. O roma a tamdaw i, mikitira i tarokos.

⁵ Itiya i, mapolong ko roma a finacadan ato Yutaya a tamdaw ato kakrikridan nangra a misahalaka to sapikari'angaw to tarokos a mitkol to fokloh.

⁶ Mafana' koya tarokos tonini a dmak, laliw sato cangra a tayra i Listra ato Tirpi hananay a niyaro' no Likaoniya ato i taliyokay a pala.

⁷ Pararid cangra itira a patnak to Nga'ayay Ratoh.

O Pipatnak i Listra ato i Tirpi

⁸ Ira i Listra ko ccay a mapi'iway a tamdaw. O nai kahofocanho ningra a mapi'iw. Aro' saan. Caayho pitanatanam cingra a romakat.

⁹ Mitngil konini a tamdaw to sowal ni Pawlo. Saka, pamotek han ni Pawlo cingra a minengneng i, mahapinang ningra ko nika paso'lin noya tamdaw to sakaadahaw ningra.

¹⁰ Saka, cli' sa ci Pawlo, <> han ningra i, takod sa cingra a tomireng ta rakat sato.

¹¹ Minengneng ko finawlan to dmak ni Pawlo i, lkal sa cangra a misanoLikaoniya a somowal, <> saan.

¹² <> han nangra ci Parnapas a mitahidang. O makimaday ci Pawlo saka, <> han nangra cingra a mitahidang.

¹³ Ira i lawac no niyaro' ko pita'ongan ci Ciusan a kawas. Alaen no citodongay to ta'ong nonini a pita'ongan ko pinapina a okang a kolong ato nisacangawan a hana a patayra i 'adawang no niyaro'. Onini i, to sapikapotaw ningra to finawlan a mipato'aya toya tatosaay a tarokos.

¹⁴ Matngil ni Parnapas aci Pawlo konini i, cinas sa cangra to riko' nangra ta cikay sa a tayra i finawlan, cli' sa a somowal,

¹⁵ <

¹⁶ I ti:yaho i, pakonira han no Kawas ko dmak no tamdamdaw no kasakitakitakit.

¹⁷ Ano hatiratira i, pakaynien Ningra i nga'ayay a dmak Ningra ko nipipahapinang to tireng Ningra. Tfaden Ningra nai kakarayan ko 'orad. Paflien Ningra kamo to kinaira i pilitodan a romi'ad. Paflien Ningra kamo to kakaenen a palipahak to faloco' namo,>> han nangra a somowal.

¹⁸ Saka, mato malalangay sa ko pipato'aya no finawlan i cangraan.

¹⁹ Ira a tayra ko nai Antiyokay ato nai Ikoniumay a Yutaya a tamdaw. Kayhiden nangra ko finawlan a mitkol ci Pawloan to fokloh. <> saan ko harateng nangra saka, kidkid hanto nangra ci Pawlo a pasadak i papotal no niyaro'.

²⁰ Nikawrira, yo likoten no nisawawaan ci Pawlo i, lowad sa cingra ta patiko a tayra i niyaro'. Cilasato a romi'ad i, tayra cingra aci Parnapas i Tirpi a niyaro'.

O Pinokay i Siriyaay a Antiyok

²¹ Patnak cangra to Nga'ayay Ratoh itira toya niyaro'. Palanisawawaen nangra ko 'alomanay a tamdaw ta patiko cangra a tayra i Listra, i Ikonium, i Antiyok.

²² Pa'icelen nangra ko faloco' no nisawawaan to sakararidaw nangra a miti'er to Kawas. Sowal sa, <> han nangra.

²³ Pili'en nangra a patireng ko ciwlo itira i kasakiwkay. Mahrek a mitolon, misaliway ca Pawlo i, patorod han nangra koya ciwlo i niti'eran nangra a Tapang.

²⁴ Nanoya, pakayra cangra i Pisitiya a tayra i Pamfiliya.

²⁵ Mahrek a pakimad cangra i Pirka i, maloklon cangra a tayra i Ataliya.

²⁶ Nanitira pakalonan cangra a minokay i Antiyok. Onini a Antiyok i, o pipalowadan cangraan i 'ayawto a papilahci tonini a tayal, ta mapatorodto cangra i mikomi no Kawas itiya.

²⁷ Yo tahira cangra i, sa'opoen nangra ko salikaka no i tiraay a kiwkay a mipakafana' i cangraan to pakayniay i nipikapot no Kawas cangraan a matayal ato nipifohat no Kawas to fawahan no pipaso'lin no roma a finacadan.

²⁸ Ta sahalafin sa cangra itira a mikapot to nisawawaan.