Dmak 13 - 阿美語聖經-新約附詩篇箴言

O Pipatireng ci Parnapasan aci Sawloan

¹ Ira i Antiyok a kiwkay ko papinapina a pali'ayaway to sowal no Kawas ato pasifana'ay a tamdaw ci Parnapas ato ci Simiyon (Kohtingay hananay a tamdaw) aci Lukius no Kirini ato slal ni Hiroti o mikomoday a hongti ci Manain aci Sawlo.

² Yo mita'ong cangra to Tapang a misaliway i, sowal sa ko Fangcalay 'Adingo i cangraan, <> saan.

³ Saka, misaliway, mitolon cangra. Ta kapaen nangra koya tatosaay. Ta ocor hanto nangra.

O Pipatnak i Sayprus

⁴ Namaocor no Fangcalay 'Adingo koya tatosaay i, tayra sato cangra i Siliukiya. Nanitira pakalonan cangra a tayra i Sayprus hananay a kanatal.

⁵ Tahira cangra i Salamis i, patnak cangra to sowal no Kawas i kasa'opo'opoan a loma' no Yutaya a tamdaw. Ira ci Yohani Maroko a mihaklong cangraan a mipadang.

⁶ Rakaten nangra ko polong noya kanatal. Yo tangasa cangra i Pafos i, malitmoh nangra ko ccay a cikawasay ci Par-Yisu hananay a Yutaya a tamdaw. O pali'ayaway to sowal no Kawas kako saan cingra to tireng ningra.

⁷ Itira cingra i mikomoday toya kanatal ci Serkius Pawloan a maro'. Onini a mikomoday i, o citanengay a tamdaw. Mangalay cingra a mitngil to sowal no Kawas. Saka, tahidangen ningra ci Parnapas aci Sawlo.

⁸ Nikawrira, pacolien ni Ilimas o cikawasay koya tatosaay to saka^caaw paso'lin noya mikomoday. (O Ilimas sanay i, o no Krisiya a ngangan ningra.)

⁹ Nikawrira, mapa'icel no Fangcalay 'Adingo ci Sawlo. O roma a ngangan ningra i, ci Pawlo. Pamotek han ni Pawlo ci Ilimas a minengneng.

¹⁰ Sowal sa cingraan, <

¹¹ O mamatfoc no Tapang kiso. O mamapohaw kiso ta caay paka'araw kiso to cidal to pinapina a romi'ad,>> han ningra i. Tangsol sa a matahpo no canem ato to'man cingra. Saka, sakapkapkap sato cingra a mikilim to mamikayat cingraan.

¹² Minengneng tonini a dmak ko mikomoday i, paso'lin sato cingra. Fahka' cingra to nipipasifana' nangra to pakayniay i Tapang.

O Pipatnak i Pisitiyaay a Antiyok

¹³ Nanitira i Pafos pakalonan ca Pawlo a tayra i niyaro' no Pirka no Pamfiliya a pala. I tini a miliyas ci Yohani Maroko cangraan a minokay i Yirusalim.

¹⁴ Nikawrira, rakat sa cangra nai Pirka a tayra i niyaro' no Antiyok no Pisitiya a pala. Yo Pasla'an a Romi'ad i, micomod cangra i kasa'opoan a loma' no Yutaya a tamdaw a maro' itira.

¹⁵ Mahrek a miasip to Rikec ni Mosi ato nitilidan no pali'ayaway to sowal no Kawas a cudad i, ocoren no kakrikridan no citodongay to kasa'opoan a papipasowal i cangraan, <> han ningra.

¹⁶ Saka, tireng sato ci Pawlo a mikawih to kamay a somowal, <

¹⁷ O nipili'an no nita'ongan no finawlan no Israil a Kawas ko tato'asan ita. Yo i tiraho cangra i Icip i, palatadamaanen no Kawas cangra a pacakat. Pakaynien Ningra i ci'icelay a dmak Ningra ko nipikrid i cangraan a pasadak nanitira i Icip.

¹⁸ Ma^deng spat a polo' a mihcaan a mihadidi ko Kawas i cangraan itira i kohkohan.

¹⁹ Nanoya, tkopen Ningra ko pitoay a finacadan i Kanan a kanatal. Ta paflien Ningra ko finawlan Ningra toya sra to malonangra.

²⁰ Ma^deng spat a so'ot ira ko lima a polo' (450) a mihcaan cangra ta malahci konini. <

²¹ Nanoya, milongoc cangra to sakacihongtiaw. Saka, patirengen no Kawas ko ccay no ngangasawan ni Pinyamin o wawa ni Kis ci Sawlo a palahongti nangra to spat a polo' no mihcaan.

²² Nanoya, palasawaden no Kawas ko nika lahongti ningra. Ta patirengen no Kawas ci Tafiti a palahongti nangra. O sowal no Kawas to pakayniay ci Tafitian i, saan.

²³ Do^doen no Kawas ko niktonan Ningra a sowal. Patirengen Ningra ko tloc ni Tafiti ci Yis to papa'orip to Israil.

²⁴ I 'ayaw no nika pisatapang ni Yis a patnak i, patnak ci Yohani i polong no finawlan no Israil a papipasasiyor to faloco' a pasayni i Kawas a papilayap to ino'.

²⁵ Yo mamalponto ko tayal ni Yohani i, sowal sa cingra to finawlan no Israil, saan.

²⁶ <

²⁷ Nikawrira, caay ka fana' ko i tiraay i Yirusalimay a tamdamdaw ato kakrikridan nangra to nika o pa'oripay ci Yis. Caay ka fana' cangra to tatodong no niasipan nangra to paslasla'an a romi'ad a sowal no pali'ayaway to sowal no Kawas. Pasteken nangra i raraw ci Yis. Saka, malahci ko nipali'ayawan no pali'ayaway to sowal no Kawas.

²⁸ Awaay a matama nangra ko sakapatay a raraw ni Yis i, paci^ci sa cangra a mingitangit ci Pilatoan to sapipatayaw Cingraan.

²⁹ Mado^do nangra ko polong no matiliday i Fangcalay Cudad to pakayniay ci Yisan. Mahrek nangra konini a dmak i, ^pod hanto nangra Cingra nai ciwcika a mina'ang i tadem.

³⁰ Nikawrira, palowaden no Kawas Cingra a pa'orip nai patay.

³¹ Kinapinapina a pa'araw ci Yis toya mikapotay i Cingraan nai Kalili a tayra i Yirusalim. Anini i, onini a tamdamdaw ko pawacayay i finawlan to pakayniay ci Yisan.

³² O paratohay kami to nga'ayay ratoh i tamowanan toya niktonan no Kawas i tato'asan ita a sowal.

³³ Palowaden no Kawas ci Yis a pa'orip nai patay. Pakayni tonini ko nipilahci Ningra tonini a niktonan a sowal i titaanan o tloc nangra. Mato nika tilid i saka tosa a 'Olic toya, O Wawato Ako Kiso. MalaWamato Iso Kako anini, sanay.

³⁴ Pakayni to nika piliyaw Ningra a ma'orip nai patay a caay ko mamapatay a dmak i, sowal sa ko Kawas, saan.

³⁵ O roma sato masowal haca no nitiliday to 'Olic, toya saan.

³⁶ Yo ma'oripho ci Tafiti i, do^doen ningra ko nafaloco'an no Kawas. Mapatayto cingra i, mapakapot i tato'asan ningra a matadem. Saka, poni' sato cingra.

³⁷ Nikawrira, caay ka poni' ko nipalowadan no Kawas a pa'orip nai patay.

³⁸ Orasaka, salikakaaw, kafana' kamo to nika pakayni tonini a tamdaw a mapatnak i tamowanan ko sakahpol no raraw. Oya caay ka filo no Rikec ni Mosi a mitdal a raraw a ma^min i,

³⁹ pakayni i nipipaso'lin tonini a tamdaw ko sakatdal.

⁴⁰ Orasaka, pina'on kamo to saka^caaw ka lahci i tamowanan koya nisowalan no pali'ayaway to sowal no Kawas a dmak toya,

⁴¹ >> han ningra.

⁴² Yo miliyas ca Pawlo aci Parnapas to kasa'opoan a loma' i, sowal sa ko 'alomanay a mingitangit cangraan, <> han nangra.

⁴³ Maliwasak ko finawlan i, tooren no 'alomanay a Yutaya a tamdaw ato micomoday to Yutaya a pakayraan a roma a finacadan ci Pawlo aci Parnapas. Saka, pa'icelen noya tatosaay cangra a pasowal to sakararidaw nangra a miti'er to mikomi no Kawas.

⁴⁴ Romasato a Pasla'an a Romi'ad i, makrih a masa'opo ko polong no finawlan no niyaro' to sapitngilaw to sowal no Tapang.

⁴⁵ Nikawrira, ma'araw no Yutaya a tamdaw ko finawlan i, tata'ang ko 'inap nangra. Saka, pacolien nangra ko sowal ni Pawlo a milokes a somowal.

⁴⁶ Nikawrira, caay paska ci Pawlo aci Parnapas a somowal. <

⁴⁷ Nawhani o nipipalimo'ot no Tapang i titaanan i, >> han ni Pawlo.

⁴⁸ Mitngil ko roma a finacadan tonini a sowal i, salipahak sa cangra a pahmek to sowal no Tapang. Saka, paso'lin a ma^min koya nipili'an no Kawas to mamilayalayap aca to mida'ocay a 'orip a tamdaw.

⁴⁹ Saka, matnak ko sowal no Tapang tonini a pala a ma^min.

⁵⁰ Nikawrira, paororen no Yutaya a tamdaw ko tapatapang no niyaro' ato tadamaanay a mita'ongay to Kawas a roma a finacadan a fafahiyan a papikari'ang ci Pawloan aci Parnapasan. Saka, laplap hanto nangra koya tatosaay nanitira toya pala.

⁵¹ Saka, pasayra sato koya tatosaay i cangraan a mitihtih to alafoh no saripa' nangra. Ta tayra sato cangra i Ikonium.

⁵² Matongal a matongal ko lipahak ato pipa'icel no Fangcalay 'Adingo to i Antiyokay a nisawawaan.