2 Tisalonika 3 - 阿美語聖經-新約附詩篇箴言

Pitolon to Saki Tamiyanan

¹ Saikoray a sowal ako i, salikakaaw, pitolon to saki tamiyanan, ta matiya o dmak i tamowanan ko nika ranikay a matnak ko sowal no Tapang a makahmek no mitngilay.

² O romasato, pitolon kamo to sapa'oripaw no Kawas i tamiyanan a paliyas nai tatiihay a tamdaw. Nawhani caay ka ^min a paso'lin to sowal no Kawas ko tamdaw.

³ Nikawrira, o so'linay a tati'eren ko Tapang. Saka, o papatanekteken Ningra kamo a midipot a paliyas to dmak no Palafoay.

⁴ Mapatanektek no Tapang ko faloco' niyam a papipaso'lin i tamowanan. Saka, mado^do namo i matini ko limo'ot niyam. O mamararid kamo a mido^do tonini saan kami.

⁵ Nanay, kriden no Tapang kamo a papisarocod to faloco' a papiolah to Kawas, ato paflien Ningra kamo to kodaitay a faloco' ni Kristo.

Lahcien ko Tatayalen

⁶ Salikakaaw, pakaynien niyam i ngangan no Tapang ita ci Yis Kristo ko pipalimo'ot i tamowanan. Liyasen ko matokaay a salikaka oya caay pido^do to sowal niyam a tamdaw.

⁷ Mahapinang namo ko nika o tatodongen namo kami. Nawhani yo i tiraho kami i tamowanan i, caay ka toka kami.

⁸ Caay pikitado kami a komaen to hmay no tao. Kami ko marorayay a matayal to dadaya to romi'ad a milifon to saka'orip niyam to saka^caaw pakaroray niyam i cimacimaan namo.

⁹ O sakamatini no dmak niyam i, caay ka nga'ay kami a milongoc to saka'orip niyam, caay ko nika saan niyam. O malopi'arawan namo kami, ta todongen namo kami o sanay niyam.

¹⁰ Nawhani yo i tiraho kami i tamowanan i, <> saan ko sowal niyam i tamowanan.

¹¹ O sakasaan niyam a somowal i, ira ko caay ka tayal a matokaay a tamdaw. Pasayra cangra i taowanan a misakihakihar to dmak no tao, saan ko katngilan niyam.

¹² Pakaynien niyam i ngangan no Tapang ci Yis Kristo ko pipalimo'ot to matiraay a tamdaw a pasowal. Kasinanot ko dmak iso. Ka o kiso ko matayalay to saka'orip iso.

¹³ Salikakaaw, aka ka 'isang a midmak to nga'ayay a dmak.

¹⁴ Ano ira ko caay pitoor tonini a nitilidan niyam a sowal i, pina'on to matiraay a tamdaw. Aka pinaol i cingraan. Ta mafana' cingra a mangodo.

¹⁵ Nikawrira, aka sa'adaen cingra. Samatiya han o salikaka cingra a palimo'ot.

O Sapalmed

¹⁶ Nanay, mararid a maparihaday no parihadayay a Tapang kamo i masamaamaanay a dmak! Nanay, mikapot ko Tapang i tamowanan a ma^min!

¹⁷ O mitiliday tonini a salicay i, kako ci Pawlo. <> O pinangan no nipitilid ako i kalotilid ako konini.

¹⁸ Nanay, mapaini no Tapang a Yis Kristo ita kamo a mapolong to mikomi!