2 Tisalonika 2 - 阿美語聖經-新約附詩篇箴言

O Pacoliay to Rikec a Tamdaw

¹ Salikakaaw, o pakayniay i piliyaw no Tapang ita ci Yis Kristo a tayni ato nika sa'opo ita i ka'ayaw Ningra i, ira ko lalongocen ako i tamowanan.

² Aka ka ranikay a masolot a masiwala ko faloco' namo, toya <> sanay a sowal. Latek ira ko pasowalay, o namo sowal no pipatnak niyam, ano^ca i o mahaenay ko matiliday niyam, saan cangra.

³ Ano samaamaanen no nima kamo i, aka ka safana'. Nawhani i 'ayaw no nipiliyaw no Tapang a tayni i, caay ka ^ca o aira ko saikoray a tata'angay a pacoliay to Kawas a dmak. Itiya a talahkal ko ccay a mamatkop i pisemseman a pacoliay to rikec a tamdaw.

⁴ O papacolien ningra ko kawakawas hananay a ma^min ato nita'ongan a maamaan a misatakaraw to tireng. O mamaro' cingra i Fangcalay Pita'ongan to Kawas a palakawas to tireng ningra.

⁵ Yo i tiraho kako i tamowanan i, mapasowalto ako kamo to matiniay a dmak. Caay ka harateng namo haw?

⁶ Irato a matayal i matini ko mitna'ay tonini a dmak. Mafana' kamo tonini. Nikawrira, ano maraodto ko romi'ad i, o tatalahkal koya pacoliay to rikec.

⁷ Matayalay anini koya pakalimekay a pacoliay to rikec a tamdaw. Nikawrira, tangasa i nikaalaan noya mitna'ay i, itiyato a talahkal konini a dmak.

⁸ O tatalahkal itiya koya pacoliay to rikec a tamdaw. Nikawrira, ano miliyawto a tayni ko Tapang ci Yis i, o sla' ato 'dil Ningra ko sapipatay Ningra cingraan a mitkop.

⁹ O nano tayal ni Satan ko sakaira noya pacoliay to rikec a tamdaw. O caci'icel cingra a midmak to masamaamaanay a pacfaay a kafahka'an a dmak.

¹⁰ O mamidmak cingra to masamaamaanay a tatiihay a dmak a misa'fit to mamatkop a tamdamdaw. O nika caan ka olah nangra a milayap to sapa'orip i cangraan a so'lin ko sakatkop nangra.

¹¹ Orasaka, patayraen no Kawas i cangraan ko parawraway a 'icel a papipaso'lin cangraan to pacfaay a dmak.

¹² Ta o caay paso'lin to so'linay a sowal, oya maolahay to tatiihay a dmak i, o mamapastek i patay.

O Nipili'an Kamo to Mamapa'orip

¹³ O kaolahan no Tapang a salikaka, caay ka ^ca o mamararid kami a mikansiya i Kawas to pakayniay i tamowanan. Nawhani o nipili'an no Kawas kamo, onini i, o sapipa'oripaw Ningra i tamowanan pakayniay i nipikorac no Fangcalay 'Adingo ato nipiti'er namo to so'lin.

¹⁴ Orasaka, pakaynien no Kawas i nipatnakan niyam a Nga'ayay Ratoh ko pitahidang i tamowanan. Onini i, o sapapikapotaw Ningra tamowanan to nika tadamaan no Tapang ita ci Yis Kristo.

¹⁵ Orasaka, salikakaaw, satanekteken ko faloco' namo a ma'imer to nipasifana'an niyam a so'linay a sowal, ano o nipatnakan ano^ca o pakatiliday 'imeren namo a milayap.

¹⁶ Maolah ko Kawas i titaanan, pakaynien Ningra i mikomi Ningra a pafli i titaanan to mida'ocay a 'icel ato makapahay a kacifaloco'an. Nanay, mapaki^mel no Wama a Kawas ato Tapang ita ci Yis Kristo kamo,

¹⁷ ta cicedi kamo a mipalosiyang ato midmak haca to polong no nga'ayay a dmak.