2 Timoti 3 - 阿美語聖經-新約附詩篇箴言

O Saikoikoray Nonini a Hkal

¹ Kafana' kiso to nika o aira i saikoikoray nonini a hkal ko masamaamaanay a pades.

² Itiya i, o malamisatkeday, o ma'anofay to dafong, o pasnengay, o misatakaraway ko faloco', o milokesay, o misiikoray to mama ato ina, o caay ka fana' a miahowid, o caayay ka korac ko faloco',

³ o mafokilay to malininaay, o ma'desay, o payakayakay to sowal, o farotay, o mari'angay, o ma'osiay to nga'ayay a dmak,

⁴ o pacakayay to widang cangra, o patdoay, o malata'angay, ikaka no nika olah to Kawas ko nika acang to no hkalan.

⁵ O fadic aca ko pitooran nangra, nikawrira, mina'ay to so'linay a pitooran. O hatiniay a tamdaw i, ka piliyas kamo i cangraan.

⁶ O aira i cangraan ko lonok sanay a micomod to loma' no tao a misolot to faloco' no mafolaay a fafahiyan. Onini a fafahiyan i, o matomesay no raraw, o makayhiday no masamaamaanay a 'anof.

⁷ Talacowa mararid konini a fafahiyan a minanam, nikawrira, caay ko mamafana' cangra to so'lin.

⁸ Matiya o nipipacoli ni Yanis aci Yampris ci Mosian ko nipipacoli nonini a tamdaw to so'lin. Maapato ko faloco' nangra. O awaay ko ^poc no piti'er nangra to Kawas.

⁹ Caayto ko caci^poc ko dmak nangra. Nawhani o mamalcad to dmak ni Yanis aci Yampris ko dmak nangra. O mamahapinang no 'alomanay a tamdaw ko nika apa nangra.

O Sapaikor a Limo'ot

¹⁰ Nikawrira, mado^do iso ko nipasifana'an ako. Mitodongay kiso to dmak ako ato patosokan no 'orip ako. Minanam kiso to piti'er ako ato caay ka lifot a faloco' ako ato maolahay ato kodaitay a faloco' ako.

¹¹ Milcad kiso i takowanan a makari'ang a mapades. Mafana' kiso to dmak ako a mapades a makari'ang itira i Antiyok, i Ikonium ato i Listra. Mahadidi ako konini a ma^min. Pa'oripen no Tapang kako a paliyas tonini a pades a ma^min.

¹² O miktonayho to faloco' a mihaklong i ci Kristo Yisan ato mangodoay to Kawas ko 'orip a tamdaw i, o mamakari'ang a ma^min.

¹³ Oya tatiihay a tamdaw ato misa'fitay a tamdaw i, tatiih a tatiih cangra. O mamisa'fit cangra to tao. O mamasa'fit no tao cangra.

¹⁴ Nikawrira, kararid kiso a ma'imer to ninanaman ato nipaso'linan iso a so'lin. Mafana' kiso to nika cima ko singsi iso.

¹⁵ Maharateng iso, nano ka^manganho iso a mafana' kiso to Fangcalay Cudad. Onini a Fangcalay Cudad ko pakafana'ay tisowanan a papiti'er i ci Yis Kristoan, ta mapa'orip kiso.

¹⁶ O nano nipafaloco'an no 'Adingo no Kawas a nitilidan ko polong no Fangcalay Cudad, i tini i pipasifana' to so'lin, mitoro' to moraraway, misalof to patelacay, mipahapinang to mo^celay a lalan no 'orip no tamdaw o ci^pocay a ma^min.

¹⁷ Ta masongila' a mapatala ko mamatayal no Kawas, ta ma^deng cangra a midmak to masamaamaanay a nga'ayay a dmak.