2 Timoti 2 - 阿美語聖經-新約附詩篇箴言

O Malalokay a Sofitay ni Kristo

¹ Wawaaw ako, pakaynien i nipainian ni Kristo Yis a mikomi, kaki^mel kiso.

² Oya nitngilan iso a sowal ako i ka'ayaw no 'alomanay a minengnengay i, o papatoroden iso i so'linay a tati'eren iso a tamdaw, ta cangra ko papasifana' i romaroma a tamdaw.

³ 'Orongen ko no miso a pades a malamalalokay a sofitay ni Yis Kristo.

⁴ O malasofitayay a tamdaw i, caay piharateng to romaroma a tayal. Deng o sapalipahakaw ningra to mikowanay cingraan a tapang a sofitay.

⁵ O romasato, o malalifetay a comikay a tamdaw i, ano caay pido^do cingra to rikec i, caay ko mamilayap to sapakaolah.

⁶ O romasato, o marorayay a maomah a tamdaw i, o mamalasa'ayaway a mapa'isal to kinaira.

⁷ Haratengen ko sowal ako i tisowanan. Nawhani o papakafana' ko Tapang tisowanan to polong no masamaamaanay a dmak.

⁸ Haratengen, o tloc ni Tafiti ci Yis Kristo, o nipalowadan no Kawas Cingra a pa'orip nai patay. Onini koya nisowalan ako a patnak to Nga'ayay Ratoh.

⁹ O nipipatnak ako tonini a Nga'ayay Ratoh ko sakapades ako a mapalit to lonayi' a matiya o ciraraway a tamdaw. Nikawrira, caay ka palit ko sowal no Kawas.

¹⁰ Orasaka, hadidien ako ko masamaamaanay a dmak to nano pipa'ayaw ako to nipili'an no Kawas a finawlan. Ta malayap nangra ko mida'ocay, tadamaanay a sapa'orip ni Yis Kristo.

¹¹ O so'linay a sowal koya, <

¹² Ano mararid kita a kodait i, o mamikapot kita Cingraan a mikowan. Ano mihakeno kita i Cingraan i, o mamihakeno Cingra i titaanan.

¹³ Ano caacaay ka so'lin ko faloco' ita i, o so'linay ko faloco' Ningra a mararid. Nawhani caay ko mamisamangah Cingra to tireng Ningra,>> sanay.

O Mapahmekay no Kawas a Matayalay

¹⁴ Papiharatengen ko salikaka tonini. Palimo'oten cangra i ka'ayaw no Kawas to saka^caaw ka laliyaliyang nangra to sowal. Nawhani caay ka ci^poc konini a dmak, o sakatfad no mitngilay a tamdaw.

¹⁵ Pisa'icel i ka'ayaw no Kawas a malapakalowiday to salifet, o awaayay ko tatoro'en a matayalay, songila'en ko pitadtad to so'lin a ratoh.

¹⁶ Liyasen ko kaackan a awaay ko ^poc a sowal. Nawhani pakayni tonini ko sakangalef no nika ^ca ka ngodo no tamdaw to Kawas.

¹⁷ Matiya o nika dapdap no kaliwates ko nika dapdap no sowal nangra. Mahaenay ca Himinayus aci Filitus.

¹⁸ Miliyasto cangra to so'lin. <> han nangra ko romaroma a tamdaw a mitfad to piti'er nangra ci Kristoan.

¹⁹ Nikawrira, tanektek ko nipatirengan no Kawas a paranaan a caay ka ngiyangi. Mato^to' a matilid i paranaan a fokloh koya, <> Mato^to' haca, <> sanay.

²⁰ I tata'angay a loma' i, adihayay ko masamaamaanay a lalosidan. Ira ko tada^kim ato ^kim a lalosidan. Ira ko kilang ato sra a lalosidan. Ira ko tadamaanay a lalosidan ato kalolalosidan.

²¹ Malcad tonini, ano liyasen no tamdaw ko matiniay a tatiihay a dmak a mikorac to tireng i, malatadamaanay a lalosidan cingra. Nawhani o nicidekan cingra a malaci^pocay a sakatayal no Tapang Ningra i masamaamaanay a nga'ayay a dmak.

²² Orasaka, sawaden ko no ka^manganho a 'anof. Pikapot to tingalaway ko faloco' a milongocay to pipadama no Tapang a tamdaw a misa'icel to mo^celay a dmak ato sakatanektek no piti'er ato sakaciolah ato sakarihaday no 'orip.

²³ Liyasen ko maapaay a nika laliyaliyang no tamdaw. Mafana' kiso, o sakacacolicoli no tamdaw ko matiniay a dmak.

²⁴ O matayalay no Tapang a tamdaw i, o caay ka cacoli, o sini'adaay to tamdamdaw, o mafana'ay a pasifana', o kodaitay,

²⁵ o damsayay ko faloco' a misalof to pacoliay cingraan a tamdaw. Nawhani latek papifalicen no Kawas to faloco' koya pacoliay a tamdaw a pakafana' i cangraan to so'lin.

²⁶ Ta ano papitootoor ko Palafoay cangraan to nafaloco'an nira a mitilo i, o tatalipa'lal cangra a miliyas to tilo no Palafoay.