2 Pitiro 2 - 阿美語聖經-新約附詩篇箴言

O Mangah a Pali'ayaway to Sowal

¹ I ti:yaho i, ira a masadak ko mangah a pali'ayaway to sowal no Kawas i finawlan no Israil. Malcad tonini o aira a masadak ko mangah a singsi i tamowanan. O mamidokdok cangra a micomod i tamowanan a pasowal i tamowanan to sakatkop no tamdaw a pacfaay a sifana'. O mamisiikor cangra to mipa'oripay cangraan a Tapang a mipalowad to sakaranikayaw nangra a matkop.

² O 'a'aloman ko mitodongay cangraan a ma'otit, pakayni i pinangan nangra ko sakalokes no so'lin.

³ Ma'anofay cangra saka, o papakaynien nangra i ko^sanay a sowal ko nipisafana' i tamowanan a mili^tan. Naniti:ya aca a mipatala ko mamisawkit cangraan a Kawas. Saka, caay ka ^ca o mamatkop cangra.

⁴ Caay sololen no Kawas ko ciraraway a coyoh. Saka, fahkol han Ningra cangra i pisemseman a mirofo i to'manay tangasa i pisawkitan a romi'ad.

⁵ Caay sololen no Kawas ko tamdamdaw no iti:yaayho a hkal. Saka, lenlenen Ningra cangra o caay paso'lin to Kawas a tamdamdaw. Deng o patnakay to mo^celay a dmak no Kawas ci Nowa ato papito a paro no loma' Ningra ko nipa'oripan Ningra.

⁶ O romasato, tfocen no Kawas ko Sotom ato Komora a niyaro' a mipleng a mipala'afo to malosapatiri' to caay ka ngodo to Kawas a tamdamdaw i ikor nonini.

⁷ Nikawrira, pa'oripen Ningra ci Loto o nga'ayay a tamdaw a pasadak. Maroray ko faloco' ni Loto a minengneng to ma'otitay a dmak no pacfaay a tamdaw noya niyaro'.

⁸ Itira i cangraan ko aro' noya nga'ayay a tamdaw saka, manengneng, matngil ningra to romi'ami'ad ko tatiihay a dmak nangra. Saka, maksem ko faloco' ningra.

⁹ Mahaenay saka, mafana' ko Tapang a pa'orip to mangodoay Cingraan a tamdaw a paliyas nai pades. Nikawrira, pasteken Ningra i raraw ko tatiihay a tamdaw tangasa i pisawkitan a romi'ad.

¹⁰ Mangalef ko nipipastek Ningra to paci^ci sanay a mitoor to kaackan a 'anof no tireng ato mi^pecay to mikowanay. Awaay ko ngodongodo, o misatadamaamaanay koya mangah a singsi. Caay ka talaw cangra a mitongangan to i kakarayananay a coyocoyoh.

¹¹ Tadaikakaay noya mangah a singsi ko 'icel no coyoh. Nikawrira, caay pipakokot ko coyocoyoh to dmak nangra a mitongangan cangraan i ka'ayaw no Tapang.

¹² Nikawrira, matiya o 'a'adopen ko matiniay a tamdaw. O lalpelpelen aca a mipacok ko tireng nangra. Nawhani matoor nangra ko no 'a'adopen a pinangan. Lokesen nangra ko kafokilan nangra a dmak. Orasaka, o mamatiya o nika tkop no 'a'adopen ko nika tkop nangra.

¹³ O mamatfoc cangra to tatodong no nika tatiihan no dmak nangra. Maolah cangra a o romi'ad ko sakaacang nangra a mitoor to 'anof nangra. O mipa'oningay, o mipakangodoay ko nipikapot nangra i tamowanan a mitahka. Nawhani sakalipahak han nangra ko nipisafana' nangra.

¹⁴ Cisimal ko mata nangra a pasayra i ma'odangay a fafahiyan. Awaay ko pa^dengan nangra a ciraraw. Sawien nangra ko mapawpaway ko faloco' a tamdaw. Mananamayto a ma'anof ko faloco' nangra. O mama'kak no Kawas cangra.

¹⁵ Liyasen nangra ko mo^celay a lalan a moraraw. Tooren nangra ko dmak ni Palam o wawa ni Piyor. O ma'anofay ci Palam to nano caay ka mo^cel a dafong.

¹⁶ O nipitoro' a somowal to raraw ni Palam saka, misanotamdaw a somowal ko caay ka caciyaw a lofa a mitna' to maapaay a dmak noya pali'ayaway to sowal no Kawas.

¹⁷ Matiya o awaay ko nanom a tfon, matiya o mafiyokay no faliyos a to'em ko matiniay a tamdaw. Mapatalato no Kawas ko malokamaro'an nangra i rawdengan.

¹⁸ Pasneng cangra a pasowal to awaay ko ^poc a sowal. Pakaynien nangra i 'anof ato ma'otitay a dmak ko nipisawi nangra toya liyas sanayho to moraraway ko dmak a tamdaw.

¹⁹ Mapakoniraayto kamo saan cangra a mikton to sowal. 'Arawhani, o koliho no mitkopay a dmak cangra o misawiay. Nawhani ano mapalit no maan ko tamdaw i, o koli noya mipalitay cingra.

²⁰ Ano mafana' ko tamdaw to Tapang ita o Pa'oripay ci Yis Kristoan i, maliyas ningra ko kaackan a dmak no hkal. Nikawrira, ano miliyaw a makayhid ko tamdaw a mapalit no matiniay a dmak ningra i, ikakato no nika tatiih no i 'ayaway a dmak ningra ko nika tatiih no i ikoray a dmak ningra.

²¹ Mafana' cangra to mo^celay a lalan, kawrira liyasen nangra koya milayapan nangra a fangcalay a limo'ot, o nika ^ca ka fana' nangra ko nga'ay to mo^celay a pakayraan.

²² Matama ko sowal no mato'asay to dmak nangra. <> saan. O romasato, <> saan.