2 Korinto 6 - 阿美語聖經-新約附詩篇箴言

¹ O kapot no Kawas kami a matayal saka, mipa'icel kami i tamowanan, tona milayapayto kamo to mikomi no Kawas, aka saloyaen ko mikomi no Kawas.

² Nawhani o sowal no Kawas i, <> saan. Haratengen, o pilayapan to sini'ada no Kawas i matini! O pipa'oripan no Kawas a romi'ad anini!

³ O saka^caaw ka lokes no tayal niyam saka, caay picara kami to cimacima a tamdaw.

⁴ I tini i masamaamaanay a dmak kami a pahapinang to nika o matayalay no Kawas kami. Hadidien niyam ko roray.

⁵ Masti' kami, marofo, makari'ang, maparawraw, maroray a matayal, caay ka ala ko fafoti'en, misaliway kami.

⁶ O nika tingalaw no faloco' niyam ato nika fana' ato nika kodait ato nika sini'ada niyam ato nipipakafana' no Fangcalay 'Adingo tamiyanan ato nika so'lin no olah niyam

⁷ ato nipipasowal niyam to so'linay a ratoh ato 'icel no Kawas ko sapahapinang niyam to nika o matayalay no Kawas kami. O mo^celay ko todong no lalosidan niyam to sapatada ato sapilood to 'ada.

⁸ Mapakacihrang, mapakangodo, matongangan, makahmek kami. Pakomisa'fitay ko tao tamiyanan. Nikawrira, o so'linay ko sowal niyam.

⁹ Mato kafokilan no tao kami. Nikawrira, o kafana'anto no tamdamdaw kami. Mato mapatayay kami. Nikawrira, o ma'oripayho kami. Talacowa masti' kami, nikawrira, caay ka patay kami.

¹⁰ Mato mararomay kami, nikawrira, mararid kami a lipahak. Mato pakoyoc kami, nikawrira, mapakacidafong niyam ko 'alomanay a tamdaw. Mato awaay ko maan aca niyam. Nikawrira, adihay ko maamaan niyam.

¹¹ Kamo o i Korintoay a salikaka, mapatalahkalto niyam a ma^min ko sasowalen i tamowanan. Awaay ko nisimedan niyam to maan aca i faloco'.

¹² Caay ko kami ko kingcoay. O faloco' namo kora kingcoay.

¹³ Samatiyaen ako o wawa ako ko nika somowal i tamowanan. Samatiyaen o no mako ko namo a misakakahad to faloco' to saki takowanan.

Tna'en ko Misawiay a Sifana'

¹⁴ Aka ka laccay ato caay paso'lin to Kawas a tamdaw a mica'dong to talo'odan. Nawhani caay ka nga'ay. Samaanen no nga'ayay ato tatiihay ko nika laccay hakiya? Samaanen no likat ato to'man ko nika laccay hakiya?

¹⁵ Samaanen ni Kristo ko nika rarihaday aci Satan hakiya? O maan ko sakalalitmoh no faloco' no paso'linay to Kawas ato caay paso'lin hakiya?

¹⁶ Manga'ay saw a miparo to samiyay i pita'ongan to Kawas a Fangcalay Pita'ongan? O pita'ongan to ma'oripay a Kawas a Fangcalay Pita'ongan kita! Mato sowal no Kawas, <> saan.

¹⁷ Orasaka, sowal sa ko Tapang, <

¹⁸ O mamalaMama namo Kako. O mamalawawa Ako kamo, saan ko sowal no Ci'icelay a Tapang.>>