2 Korinto 4 - 阿美語聖經-新約附詩篇箴言

O Tadamaanay a Dafong no Koreng

¹ O sini'adaay ko Kawas tamiyanan saka, patoroden Ningra i tamiyanan konini a tayal. Saka, caay ka toled kami.

² Liyasen niyam ko milimekay a kangodoan a dmak, caay pisa'fit, caay pi'akong kami to sowal no Kawas. Matapal no Kawas ko pipatalahkal niyam to so'lin, pakaynien niyam i nga'ayay a pinangan ko sapalowad to nga'ayay a faloco' no kahaccaccay a tamdaw.

³ Ano caay ka hapinang ko nipatnakan niyam a Nga'ayay Ratoh i, deng o mamatkop a tamdaw ko caay pakahapinang.

⁴ Caay paso'lin cangra to Kawas, nawhani pohawen no kawakawas nonini a hkal ko faloco' nangra. Onini i, o saka^caaw paka'araw nangra to nipipatdi no Nga'ayay Ratoh i faloco' nangra to 'dil ni Kristo, o todong no faco no Kawas.

⁵ Caay pasowal kami to pakayniay i tireng niyam. O mipasowalay kami to nika <> O mamatayal namo kami to saki ci Yisan.

⁶ <> yasanay a Kawas ko patdiay i faloco' ita to sakafana' ita to nika tadamaan Ningra o Kawas. Mahapinang konini i pising ni Yis Kristo.

⁷ Nikawrira, matiya o sra a koreng kami. Ira i tamiyanan konini a tadamaanay a dafong. O kacipinangan konini to nika o nai Kawasay konini a tadamaanay a 'icel, caay ko nano niyam.

⁸ Mapades no masamaamaanay kami. Nikawrira, caay ka rarima kami, caay ka perid, caay ka hinapec, caay ka toled kami,

⁹ 'aloman ko misa'adaay, nikawrira ira ko misawidangay. Mararid a makari'ang a mapolin, nikawrira, caay ka tahapatay.

¹⁰ Mararid ko tireng niyam a misi'ayaw to patay a matiya o pisi'ayaw ni Yis to patay. Ta pakayni tonini a mahapinang i tireng niyam ko 'orip ni Yis.

¹¹ I tini i nika 'orip niyam i, mararid kami a misi'ayaw to patay pakayni i pipatnak niyam ci Yisan. Onini i, o sapahapinangaw i mamapatay a tireng niyam to 'orip ni Yis.

¹² Ano hatira i mararid kami a miso'ayaw to patay, ta ira a malayap namo ko saka ci'orip.

¹³ O sowal a matilid i Fangcalay Cudad i, <> saan. Tona malcad ko piti'er no faloco' saka, nano paso'lin niyam ko sapipalosiyang niyam.

¹⁴ Mafana' kami, oya palowaday a pa'orip nai patay to Tapang ci Yisan a Kawas ko papalowad tamiyanan a palcad to nika lomowad ni Yis. Ta o kakriden Ningra kita a patayra i ka'ayaw ni Yis.

¹⁵ O sakaci^poc namo ko polong nonini a dmak, ta 'aloman a 'aloman ko milayapay to mikomi no Kawas a tamdamdaw, ta matongal a matongal ko pacakatay i Kawas to piahowid nangra, a pahapinang to 'dil no Kawas.

O 'Orip no Miti'eray

¹⁶ Orasaka, caay ko mamatoled kami. Talacowa, manornor ko tireng niyam a sakalasawadan, nikawrira, masafa^loh a masafa^loh ko faloco' niyam.

¹⁷ Onini a pasamoay a pades niyam i matini i, o sakapilayapaw niyam to micidekay a tahada'ocay a 'dil.

¹⁸ Caay ko ma'araway no mata ko niharatengan niyam. O caay ko mama'araw no mata ko niharatengan niyam. Nawhani, o pasamoay ko ma'araway. O mamida'oc ko caay ka 'araw.