2 Korinto 1 - 阿美語聖經-新約附詩篇箴言

¹ Ci Pawlo kako, pakayniay i nafaloco'an no Kawas a malatarokos ni Yis Kristo kako. Patilid kako aci Timoti a salikaka i tamowanan o i Korintoay a kiwkay no Kawas ato polong no i Akayaay a mitooray.

² Nanay, mapaini no Wama a Kawas ita ato Tapang ci Yis Kristo kamo to mikomi ato rihaday!

O Piahowid ni Pawlo to Kawas

³ O kakansiyaen ita ko Wama a Kawas no Tapang ita ci Yis Kristo, o karasini'adaay a Wama Cingra, o tatapangan haca no polong no sahinom.

⁴ Yo mapades kami to masamaamaanay i, mihinom Cingra i tamiyanan. Saka, onini a sahinom Ningra i tamiyanan ko sapihinom niyam to mapadesay a tamdaw to masamaamaanay.

⁵ Mikapot kami ci Kristoan a mapades to masamaamaanay a pades. Saka, pakayni i ci Kristoan ko sakahinom niyam to masamaamaanay.

⁶ O nika pades niyam i, o sakahinomaw namo, o saka'oripaw namo. O nika hinom niyam i, o sakafana' niyam a mihinom tamowanan a pa'icel ta, matiya o nipihadidi niyam to pades ko nika fana' namo a mihadidi.

⁷ Caay ka falic ko pipaso'lin niyam to 'icel no Kawas a midipot tamowanan. Mafana' kami to nika matiya o nipikapot namo i tamiyanan a mapades ko nipikapot namo i tamiyanan a mahinom.

⁸ Salikakaaw, nanay mafana' kamo to nika pades niyam itira i Aciya. Tadakarteng, caay ko mamahadidi niyam konini a pades. Saka, awato ko saka'oripaw niyam.

⁹ Deng to o mapastekay i patay sanay ko piharateng niyam. O sakamatini niyam i, o saka^caaw piti'er niyam to tireng, o sapiti'eraw niyam to Kawas oya palowaday a pa'orip to mapatayay.

¹⁰ Cingra ko pa'oripay i tamiyanan a pasadak nai kalingsesan a patay. O pa'oripay Cingra i tamiyanan i matini. O mamararid Cingra a pa'orip i tamiyanan saan ko pakaso'lin niyam a miti'er to Kawas.

¹¹ Pakaynien namo i pitolon namo ko nipipadang i tamiyanan. Ta pakayni i pitolon no 'alomanay a tamdaw a mapalmed no Kawas kami. Ta pakayni tonini ko sapiahowid no 'alomanay a tamdaw i Kawas to saki tamiyanan.

O Pifalic ni Pawlo to Nisahalakaan Ningra

¹² O caay pikilif, o nai Kawasay a nga'ayay a faloco' ko sapipawacay ita. Caay ko nano taneng no tamdaw, o nano 'icel no mikomi no Kawas ko sakakakafit ita. O nika ^ca paska no faloco' niyam ko kacipinangan niyam to nika nga'ay no dmak niyam i ka'ayaw namo ato i ka'ayaw no tamdamdaw. Saka, malita'ang kami tonini.

^13-14 Oya i hkalay a sowal, o kafana'an namo a miasip ko sapatilid niyam i tamowanan. Caayho ka songila' ko nika fana' namo imatini, nanay ikor to i, o masongila'ayto ko fana' namo saan kako. Ta ano miliyaw ko Tapang ci Yis a tayni i, malakalita'angan namo kami, malakalita'angan niyam kamo.

¹⁵ Tona mahaen ko katanektek no faloco' ako a paso'lin saka, misahalaka kako i sa'ayaw to sakatayraaw ako i tamowanan a miliso'. Ta matongal ko lipahak namo a malmed.

¹⁶ O papakayra kako a micafer i tamowanan ta tayra i Makitoniya. Nanitira o mamiliyaw kako a tayra i tamowanan ta mapadang namo ko sakalomowad ako a tayra i Yutaya, nasa ko harateng ako.

¹⁷ O hatiniay a pisahalaka, o cima ko pakapilikafay a misakahmaw saw? O hatiniay a pisahalaka ako i, o lalowadan no misatkeday a faloco' a misatikotikol a mihai, a caayay sanay haw?

¹⁸ Pasayra kako i so'linay a Kawas a pasowal, o niktonan ako a sowal i, caayay ko <> caay haca ko <>

¹⁹ Nawhani, o nipatnakan ako aci Silas aci Timoti i tamowanan a Wawa no Kawas ci Yis Kristo i, caayay ko <> so'linay, oya <> no Kawas Cingra.

²⁰ Pakayni ci Yis Kristoan a malahci no Kawas ko niktonan Ningra a sowal a ma^min. Orasaka, pakayni i Cingraan ko sakasomowal ita to <> sanay a pa'dil to Kawas.

²¹ O Kawas ko mipili'ay titaanan a palacidek a pahapinang to nika laccay ita aci Kristo.

²² Topaen Ningra kita to kacipinangan to nika o maloningrato kita. O romasato, paaro'en Ningra i faloco' ita ko Fangcalay 'Adingo. O kacipinangan konini to nika o mamalahci ko nisowalan Ningra a ma^min.

²³ Longocen ako ko Kawas a papipawacay to pakayniay i takowanan. O saka^ca ka tayra ako i tamowanan o Korinto i, o sini'ada ako i tamowanan.

²⁴ Caay ka sapikowanan kami to pitoor namo ci Kristoan. Nawhani tanektekto ko piti'er namo ci Kristoan saan ko nika fana' niyam. Saka, o pipadang niyam a ccay a malakapot a matayal i tamowanan, to sakalipahak namo saan ko faloco' niyam.